چترال (نمائندہ چترال ٹائمز) تحصیل نائب ناظم مستوج فخر الدین اورممبر ڈسٹرکٹ کونسل وارڈ لوٹ اویرحبیب الدین نے کہا ہے کہ حالیہ بے موقع برفباری کی وجہ سے لوٹ اویر اورکھوت کے بالائی علاقوںمیں فصلوں اورباغات کو شدید نقصان پہنچاہے . چترال ٹائمزڈاٹ کام سے خصوصی گفتگو کرتے ہوئے انھوںنے کہا کہ گزشتہ دنوں کی اچانک برفباری سے لوٹ اویراورکھوت ودیگر بالائی علاقوںکی فصل مکمل طور پرتباہ ہوگئے ہیں. جبکہ لوٹ اویر کے گرمائی چراگاہ میں درجنوں مال مویشی ہلاک ہوگئے ہیں. جن میں دو درجن سے زیادہ بیل اورڈیڈھ سو سے زیادہ بھیڑبکری شامل ہیں. انھوںنے بتایا کہ علاقہ میں صرف ایک فصل ہوتی ہے اوروہ بھی موجودہ برفباری میں تباہ ہوگئے. جس کی وجہ سے مال مویشیوںکی چارہ کا بھی مسئلہ پیدا ہوگیا ہے . اورآنے والے سردیوںمیں مال مویشیوںکی خوراک بھی مسئلہ پیدا ہوگا. انھوں نے حکومت سے مطالبہ کیاہے کہ علاقے کیلئے خوراک اورمویشیوںکیلئے چارہ کا بندوبست کیا جائے.
