بیار لوکل سپورٹ آرگنائزیشن کے زیر اہتمام خواتین کیلئے پولٹری ٹریننگ

بونی (چترال ٹائمز رپورٹ ) بیار لوکل سپور ٹ آرگنائزیشن (BLSO) کے زیر اہتمام لائیو اسٹاک ڈیپارٹمنٹ چترال کے تعاؤن سے VCپرواک ،VC آوی ،VC ریشن ،VC چرون،VC بونی ون اور VC بونی ٹو میں خواتین کے لئے پولٹری کی ٹرینگ کا اہتمام لائیو اسٹاک ایکسٹنشن کے ڈائیریکٹر ڈاکٹر سفیر اللہ کے زیر نگرانی کیا گیا ۔
ٹرینگ کی اختتامی تقریب BLSO آفس بونی میں منعقد ہوئی جس میں اسسٹنٹ کمشنر مستوج اشفاق احمد ،تحصیل نائب ناظم مستوج فخرالدین ،ممبر تحصیل کونسل مستوج ، سردار حاکم ،خاتون کونسلرز ،SHO تھانہ بونی ،لائیواسٹاک ایکسٹنشن چترال کے نمائنداگان نے شرکت کیٗں ۔
اس موقع پر خطاب کرتے ہوئے اسسٹنٹ کمشنر مستوج نے BLSO کی کارکردگی کو سراہااور کہا کہ انھیں بہت خوشی ہے کہ BLSO علاقے کی ترقی کے لئے مختلف اداروں سے ملکر ہر ممکن کوشش کررہی ہے ۔انھوں نے اس امید کا اظہارکیا کہ تمام ادارے BLSO کے ساتھ تعاؤن کریں گے تاکہ پائیدار ترقی کو یقینی بنایا جا سکیں ۔
تحصیل نائب ناظم نے بھی BLSO کی خدمات کو سراہا اور ان کے ساتھ تعاؤن کی یقین دہانی کی ۔ممبر تحصیل کونسل سردار حاکم نے اس بات پر زور دیا کہ خواتین اس ٹرینگ کو اپنی حد تک محدود نہ رکھیں بلکہ اپنی تنظیمات کے دوسرے ممبران تک اس کو پہنچائیں ۔انھوں نے کہا کہ BLSO آپ کا اپنا ادارہ ہے اور آپ کی خدمت کے لئے بھر پور کوشش کررہی ہے ۔انھوں نے لائیو اسٹاک ڈیپارٹمنٹ کے ذمہ داراں سے کہا کہ لائیو اسٹاک اور پولٹری اپر چترال کے لوگوں خصوصا خواتین کے لئے ذرائع معاش کا بڑا ذریعہ ہے لہذا اپ اس سیکٹر کو ترقی دیکر علاقے کے عوام کو اپنے پاؤن پر کھڑا ہونے کا موقع فراہم کرسکتے ہیں ۔