قاری فیض اللہ چترالی کا جغور سمیت لوئر چترال کے سیلاب متاثرہ علاقوں کا دورہ، متاثرین کو ہرممکن تعاون کی یقین دہانی

۔

لوئر چترال(نمائندہ چترال ٹائمز ) معروف دینی و سماجی رہنما قاری فیض اللہ چترالی نے جغور سمیت لوئر چترال کے مختلف سیلاب متاثرہ علاقوں کا دورہ کیا اور متاثرین سے ملاقات کرکے ان کے مسائل سنے۔ اس موقع پر انہوں نے متاثرین کو ہر ممکن تعاون کی یقین دہانی کروائی۔

حضرت قاری صاحب کی جانب سے سیلاب سے متاثرہ گھروں کیلئے ٹین کی چادریں فراہم کرنے کا اعلان کیا گیا، جبکہ جغور کی متاثرہ مسجد کی تعمیر نو کیلئے سیمنٹ کا انتظام بھی کیا گیا۔

دورے کے دوران حضرت قاری صاحب نے گرم چشمہ، دروش کے متعدد دیہات، رومبور اور کالاش ویلی سمیت لوئر چترال کے مختلف علاقوں کا دورہ کیا، جہاں انہوں نے سیلاب متاثرین سے ملاقاتیں کیں اور امدادی سرگرمیوں کا جائزہ لیا۔

لوئر چترال کا دورہ مکمل کرنے کے بعد حضرت قاری صاحب آج اپر چترال کیلئے روانہ ہوگئے، جہاں وہ سیلاب متاثرہ علاقوں کا دورہ کرکے متاثرین سے ملاقاتیں کریں گے۔