حکومت کو سمجھنا چاہئیے کہ محض معاشی اشاریوں میں بہتری آنا  یا آئی ایم ایف کا حکومت کی معا شی پالیسی درست قرار دینا  کافی نہیں بلکہ اس بہتری کا اثر عام لوگوں کی زندگی میں محسوس ھونا ضروری ھے ابھی تک ایک عام شہری کی زندگی میں وہ بہتری نہیں آئی جس کا  ان کے ساتھ وعدہ کیاگیا تھا۔ انتخابات کے موقع پر سیاسی جماعتیں عوام سے دل خوش کن اعلانات اور بڑے بڑے وعدے کرتے ہیں، جب اقتدار میں آتے ہیں عملی طور پر ان کی کارکردگی مایوس کن ھوتی ھے یہ تضاد جمہوری عمل اور عوام کی اعتماد کو مجروح کر رہی ھے،عوام کے اعتماد جمہوری نظام سے اٹھ رہی  ۔ حکمرانوں کے دل خوش کن اعلانات اور مایوس کن کارکردگی سے عوام میں مایوسی پھیل رہی جو سیاسی اداروں پر عدم اعتماد کا باعث بن رہی حکمرانون کو عوام سے قابل عمل وعدے کرنے چاہئیے جس سے عملی طور پر پورے کرنا ان کے لے ممکن ھو۔ مو جودہ برسر اقتدار اتحادی جماعتیں جب اپوزیشن میں تھے تو اس وقت بڑھتے ہوئے مہنگائی کو سابق حکومت کی ناتجربہ کاری اور ناقص معاشی پالیسیوں کا نتیجہ قرار دے رہے تھے۔

اب یہ تجرب کار جماعتیں لگ بھگ چار سالوں سے اقتدار میں ہیں تو مہنگائی کنٹرول کیوں نہیں ہو رہی ہے؟ اپریل دو ہزار بائیس سے ملک میں مہنگائی کی آگ لگی ہوئی ہے اکثریتی غریب طبقہ اس آگ میں جل رہی ہے حکمران اپنے گھر میں لگی ہوئی آگ کو بجھانے کی فکر کرنے کی بجائے مشرق وسطی میں اسرائیل اور امریکہ کے لگائی ہوئی آگ کو بجھانے کےلے بہت فکر مند دکھائی دے رہے ہیں اور اسے بجھانے کی ہر ممکن کوشش کر رہے ہیں۔ سول اور عسکری قیادت کے موثر سفارت کاری سے عالمی سطح پر ملک کا نام  ضرور روشن ہوا ہے ، لیکن ملک کے معاشی حالات میں کوئی بہتر تبدیلی نہیں آئی ہے۔ کیا حکمران اس سفارتی کامیابی کو معاشی طاقت میں بدلنے میں کامیاب ہو جائیں گا ؟

کیا ایک عام آدمی کو منہگائی، بے روزگاری اور بنیادی سہولتوں کے مسائل سے نجات مل سکے گی؟ اب سول اور عسکری قیادت کو منہگائی ، غربت ، بےروزگاری، دہشت گردی اور سیاسی عدم استحکام  جیسے بنیادی مسائل کی طرف اپنی توجہ مرکوز کرکے ملک کو حقیقی معنوں میں ترقی کی راہ پر گامزن کرنے کےلے موثر اقدامات اٹھانا چاہئیے ۔ مو جودہ وزیراعظم اپنے سابق دور حکومت میں ملک کو معاشی دیوالیہ پن سے بچانے کے نام  پر مشکل فیصلے کرکے عوام پر مہنگائی کا بے تحاشہ بوجھ ڈال کر ان کو  پیٹ پر پتھر باندھنے پر مجبور کر دیا تھا ۔ اب وزیراعظم اور ان  کے وزراء صبح ، شام  معشیت کی بحالی کے اعلانات کر رہے ہیں، اگر حکومت کے معاشی بحالی کے بیانات واقعی درست ہیں تو مہنگائی کے ہاتھوں نیم مردہ عوام کی آخری سانس دم  توڑنے سے پہلے ان کی بحالی کےلے کوئی ٹھوس عملی اقدامات اٹھانا چاہئیے، مزید تاخیر کی صورت میں ملک ،، شہر خموشاں ،، میں تبدیل ہونے کا امکان دکھائی دے رہا ہے ۔