75 ریونیو ملازمین کی تحصیلدارونائب کے عہدوں پر ترقی

سینئرممبرذاکرحسین آفریدی کی زیرصدارت ڈی پی سی اجلاس، ترقیوں کی منظوری دی گئی

پشاور (چترال ٹائمز رپورٹ) سیکرٹری ریونیو اینڈ اسٹیٹ ڈیپارٹمنٹ(محکمہ مال)، سینئر ممبر بورڈآف ریونیو خیبرپختونخوا ذاکرحسین آفریدی کی زیر صدارت ڈیپارٹمنٹل پروموشن کمیٹی کے اجلاس میں 75 ریونیو ملازمین کو تحصیلدار اور نائب تحصیلدار کے عہدے پرترقی دینے کی منظوری دے دی گئی، ترجمان محکمہ مال کے مطابق سیکرٹری ریونیو اینڈ اسٹیٹ ڈیپارٹمنٹ (محکمہ مال) سینئر ممبر بورڈ آف ریونیو خیبرپختونخوا ذاکر حسین آفریدی کی سربراہی میں ڈیپارٹمنٹل پروموشن کمیٹی کا اجلاس ہوا جس میں سیکرٹری ون بورڈ آف ریونیوسیدافسر علی شاہ سمیت دیگرممبر افسران نے شرکت کی اور متفقہ طور پربورڈ آف ریونیو سمیت صوبہ بھر کے70 سے زائد ریونیو ملازمین کو تحصیلدار اور نائب تحصیلدار کے عہدے پر ترقی دینے کی منظوری دے دی گئی،ترقی کی اطلاع ملتے ہی تمام ریونیو ملازمین میں خوشی کی زبردست لہردوڑ گئی-