چترال ( نمایندہ چترال ٹایمز ) چترال میں یوم قرارداد پاکستان کے حوالے سے ایک پر وقار تقریب گورنمنٹ سنٹنیل ماڈل ہائی سکول چترال میں منعقد ہوا ۔ اس تقریب کے مہمان خصوصی ایڈیشنل اسسٹنٹ کمشنر ریونیو لوئر چترال شمروز خان اور صدر محفل کے فرائض ڈسٹرکٹ ایجوکیشن آفیسر مظفر علی خان نے انجام دی ۔ جبکہ بڑی تعدادمیں سکولوں کے اساتذہ طلباء اور معززین چترال نے شرکت کی ۔ اس موقع پر خطاب کرتے ہوتے ہوئے مقررین اے اے سی شمروز خان ، ڈی ای او مظفر علی خان ، پرنسپل سکول شاہد جلال ، فداء الرحمن ڈائرکٹر اسامہ اکیڈمی ، فاروق اعظم ڈسٹرکٹ سپوٹس آفیسر ، سراج الدین ، عبدالصافی اور سکول کے طلباء نے قراداد پاکستان پر تفصیل سے روشنی ڈالی اور کہا ۔ کہ 23 مارچ 1940 کو آج ہی کے دن قرارداد لاہور پاس کیا گیا تھا ۔ جو قیام پاکستان کیلئے انتہائی مبارک قرارداد اور دن ثابت ہوا ۔ انہوں نے کہا ۔ کہ پاکستان ہمارے اسلاف کی قربانیوں کا ثمر ہے ۔ جس کی حفاظت اور ترقی ہماری ذمہ داری ہے ۔ اور ہمیں اس کی قدر کرنی چائیے ۔ اس موقع پر طلباء نےتقریر ملی نغمے پیش کرکے خوب داد وصول کی ۔ تقریب کے اختتام پر طلباء میں شیلڈ تقسیم کئے گئے ۔

یوم پاکستان کے حوالے سے ایک اور پروگرام لینگ لیڈ سکول اینڈ کالج چترال کے زیر انتظام بھی منعقد ہوا ۔ جس میں سکول کے پرنسپل مس کیری کی زیر قیادت ایک ریلی چیو پل سے اتالیق بازار تک نکالی گئی ۔ جس میں خطیب شاہی مسجد چترال مولانا خلیق الزمان ، سوشل ورکر عنایت اللہ اسیر سکول کے اساتذہ اور طلباء کی بڑی تعداد نے شرکت کی ۔ اس ریلی سے مولانا خلیق الزمان نے قرارداد پاکستان اور اسلاف کی قربانیوں پر تفصیل سے روشنی ڈالی ۔