گزشتہ دن راغلشٹ کے مقام پر حادثے کا شکار ہونے والی گاڑی میں لاپتہ بچی کی لاش افغانستان سے برآمد، چترال پہنچاکر تورکہو روانہ کردیا گیا

چترال ( نمائندہ چترال ٹائمز ) گزشتہ دن چترال سے تورکہو جاتے ہوئے راغلشٹ کے مقام پر المناک حادثے کا شکار ہوکر لاپتہ ہونے والی پھول جیسی بچی کی لاش پاک افغان بارڈر کے نزدیک افغانستان میں دریا سے برآمد کرکے چترال پہنچاکر تدفین کے لیے تورکہو روانہ کردیا گیا،
چترال کے دو معروف سوشل ورکرز سراج احمد پروانہ اور نوشاد علی نے بچی کی جسد خاکی کو میرکھنی کے آخری مقام پروصول کیا۔ الخدمت فاونڈیشن کے گاڑی میں چترال تک پہنچا کر افسردہ خاندان کے حوالے کیا۔

یادرہے کہ  گزشتہ دن سابق تحصیل صدر انصاف یوتھ ونگ تحصیل موڑکہو/ تورکہو اور یوتھ رہنما میر شعیب کے گاڑی کو راغلشٹ کے مقام پر حادثہ پیش آیا تھا،حادثے میں 4 افراد زخمی اور ایک بچی لاپتہ تھی۔ اس افسوس ناک واقعے میں پاکستان تحریک انصاف چترال اپر اینڈ لوئیر متاثرہ خاندان کے ہمدردی کا اظہارکیا ہے۔حادثے کا شکار ہونے والی فیملی کے سربراہ میر شعیب تحصیل چیرمین میر جمشید کے فیملی ممبر ہے۔