گرم چشمہ روڈ پر ایک مہینے کےاندراگر کام شروع نہ کیا گیا تو عوام سڑکوں پرآئینگے۔سلیم خان
گرم چشمہ روڈ پر ایک مہینے کےاندراگر کام شروع نہ کیا گیا تو عوام سڑکوں پرآئینگے۔سلیم خان
گرم چشمہ( نمائندہ چترال ٹائمز) صوبائی ڈپٹی انفارمیشن سیکرٹری پاکستان پیپلز پارٹی وسابق صوبائی وزیرسلیم خان نے کہاہے کہ اگرایک مہینے کے اندرگرم چشمہ روڈ پرباقاعدہ کام شروع نہ کیاگیاتوعوام سڑکوں پرآئیں گے جن کی تمام تر ذمہ داری حکومت پرعائد ہوگی۔منتخب نمائدے چترال کے مسائل حل کرنے میں ناکام ہوچکے ہیں ساڑھے تین سال گزرنے کے باوجوداُن کی طرف سے کوئی کارکردگی نظرنہیں آرہی ہے۔ وہ ہفتے کے دن گرم چشمہ میں پارٹی کے ورکروں کی ایک اجلاس سے خطاب کررہے تھے۔ جس میں پارٹی کے سینئر رہنماوں نے بھی شرکت کی۔
سلیم خان نے کہا کہ تبدیلی کے دعویدارحکومت چترال گرم چشمہ،چترال بمبوریت،چترال بونی شندورروڑاوردیگرکئی میگاپراجیکٹس کواے ڈی پی سے نکال کرچترالی عوام کے ساتھ سوتیلی ماں جیساسلوک کیا۔موجودہ حکومت اپنی نااہلی پرپردہ ڈالنے کے لئے احتساب کاشورکررہی ہے ۔ پی پی پی کسی بھی دورمیں احتساب سے نہیں گھبرائی ہے تحریک انصاف دراصل تحریک انتقام بن چکی ہے۔
انہوں نے کہاکہ پاکستان پیپلزپارٹی کے دورحکومت میں چترال میں ترقیاتی کاموں کاجال بچھانے میں کوئی کسرنہیں چھوڑی ہے اپنے دوراقتدارمیں تقربیا8ارب روپے کے ترقیاتی منصوبوں پرکام کئے ہیں۔پی ٹی آئی کے لوکل قیادت وادی لٹکومیں ہوائی اعلانات کرکے عوام کوبے قوف بنانے کی کوشش کررہے ہیں،اُن کی 8سالہ صوبائی اورتین سا لہ مرکزی حکومت کے تمام وعدے اوراعلانات سے عوام واقف ہوچکی ہے۔
انہوں نے کہاکہ چترال قدرتی حسن سے مالامال ہیں جہاں پر قدرتی وسائل کی کوئی کمی نہیں مگر روڈکی بدحالی کی وجہ سے یہاں پر نہ صرف سیاحت اور معیشت بلکہ دیگر تمام شعبوں کوبھی سخت نقصان پہنچ رہاہے۔ضلع چترال کے تمام علاقے انتہائی خوبصورت ہیں مگر حکومت ان علاقوں کو جان بوجھ کر پسماندہ رکھ رہی ہے۔سلیم خان نے کہاکہ پاکستان پیپلزپارٹی ہمیشہ ملک کے غریب عوام کی خدمت،جمہوریت کے استحکام اورآمریت کے خلاف بھرپورجدوجہدکواپنامقصدبنایاہے۔
اس موقع پرسابق سینئرنائب صدرپی پی پی لوئرچترال شریف حسین،ضلعی صدرپی پی پی علماء ونگ ممتازعالم دین قاری نظام الدین سابق ممبرتحصیل کونسل لٹکوہ خوش محمد،میردولہ جان ایڈوکیٹ،اسرارالدین مراد،محمدنادرشاہ،میراحمدشاہ،ضمیرخان،رحمان ایونی اوردیگرنے خطاب کرتے ہوئے کہاکہ اگرایک مہینے کے اندراندرچترال گرم چشمہ روڈپر تعمیراتی کا م کا آغاز نہیں ہوا توعوام دھرنا دینے پر مجبورہوجائیں گے۔سڑکیں کھنڈرات کا منظر پیش کر رہی ہے مگر حکومت خاموش تماشی بن چکی ہے۔
مقریرین نے کہاکہ ایک طرف ملک بیرونی قرضوں کے بوجھ میں ڈوب رہا ہے تودوسری طرف آٹا چینی اور گھی جیسی روزمرہ کی معمولات زندگی میں استعمال ہونے والی اشیاء عوام کی دسترس سے باہر ہورہی ہیں ،مہنگائی نے غریب عوام کی کمر توڑ دی ہے مگر افسوس کہ حکمران جماعت خواب غفلت سے بیدار ہونے کو تیار ہی نہیں۔انہوں نے کہا کہ تبدیلی سرکار آئی ایم ایف کو خوش کرنے کے لیئے غریب عوام پر مہنگائی کے بم گرارہی ہے مہنگائی کی وجہ سے لوگوں کی دوکانیں خالی اور اشیائے خورد و نوش کی قیمتیں آسمان سے باتیں کر رہی ہیں غریب عوام کا پوچھنے والا کوئی نہیں ہے۔روز بروز بڑھتی ہوئی اس کمرتوڑ مہنگائی نے ہر گھر کو متاثر کیا ہے۔
اس موقع پرنورخان،عبدو،گل خان،عبدزمان،سلیم احمداوردیگرنے اپنی برادری سمیت دوسرے پارٹیوں کوخیربادکہتے ہوئے پی پی پی میں باقاعدہ شمولیت اختیارکی۔
