کھوار ادب کونسلو چے کھوار اہل قلم حلقہ پشاورو غیچ دارائیہ ای شاندار محفل مشاعرہ
چھترار (چھترارٹائمزرپورٹ) 28 فروری 2019 پنجشمبو بوغاک چھویو کھوار ادب کونسلو چے کھوار اہل قلم حلقہ پشاورو غیچ دارائیہ ای شاندار محفل مشاعرہ جامعہ اسلامیہ دار العلوم سرحد اسیہ گیٹ پشاورو حالہ منعقد کورونو ہوئے۔
مشاعرو خاص مینو مشہور و معروف شاعر و ادیب سعادت حسین مخفی صاحب کوراوشتائے، وا پروگرامو صدارتو جناب مولانا فاضل صاحب اریر۔ سٹیجو مولانا عطاو الرحمن مقصود صاحب سنبھال کوریستائے۔ مشاعرہ شعرائے کرامن تعداد کم و بیش چالیسہ پت اوشوئے۔ نوجوان شعرائے کرامن تعداد زیات بیکو وجہین ہیہ مشاعرہ بو منفرد اندازا غیچی ہائے۔
سینئر شعرائے کرامن موژی جناب سعادت حسین مخفی صاحب
جناب سعید کائناتی صاحب
جناب صفدر ساجد صاحب
حمایت اللہ فریاد صاحب
مولانا سید الابرار سید صاحب
حیات محمد کیفی صاحب
عطاو الرحمن عدیم صاحب
مولانا محمد عمر فیضی صاحب
امیر الدین امیر صاحب
مولانا غلام قادر آزاد صاحب
وا بو امبوح تعدادا نوغ شعرائے کرام تشریف انگیتیستانی۔
محفل مشاعرہ خفتانو 9 بجا شروع بیتی چھویو ای بجا پوروزیتائے۔
پروگرامو اخیرا مولانا فاضل صاحب، مولانا غلام قادر آزاد صاحب وا محفلو خاص مینو جناب سعادت حسین مخفی صاحب تن خیالاتن اظہارو کوری مشاعرو بو اشتیکھیتانی وا کھوار زبان و ادبو ترقیا ای لوٹ قدم قرار پرانی۔
