کالاش ویلی ڈویلپمنٹ آتھارٹی علاقے کی فلاح وبہبود کےکام کررہی ہے چند عناصرکے سوا اتھارٹی کی قیام پر کسی کا اعتراض نہیں ہے، عمائدین کالاش ویلی و منتخب بلدیاتی نمائندگان کا مشترکہ پریس کانفرنس
چترال(نمائندہ چترال ٹائمز )کالاش ویلی بمبوریت،رومبور اوربریر کے سرکردہ عمائدین اور منتخب بلدیاتی نمائندگان نےچترال پریس کلب میں ایک پریس کانفرنس سے خطاب کرتے ہوئے کہا کہ صوبائی حکومت کا منصوبہ کالاش ویلیزڈولپمنٹ اتھارٹی پسماندہ کالاش وادیوں میں انسانی فلاح وبہبود کے اچھے کام کررہی ہے ۔چند مٹھی بھر عناصر کے سوا کسی کو بھی اتھارٹی کے طریقہ کار پر اعتراض نہیں ہے ۔پریس کانفرنس میں وی سی چیئرمین بمبوریت خلیل الرحمن،وی سی چئیرمین رومبور سلطان ،وی سی چیئرمین بریر فراز،وی سی چیئرمین جنجیریت کوہ افتاب احمد،ممبر بورڈ عبدالمجید قریشی، ممبر اقلیتی کونسل چترال انت بیگ ،برزنگی اور تراب خان نے اپنے خیالات کا اظہار کرتے ہوئے کہا کہ جن لوگوں کو اتھارٹی کے کام پر یا ٹیکسوں کے نظام پر تحفظات ہیں ان کو ہم دعوت دیتے ہیں کہ ہمارے ساتھ روبرو بیٹھ کر اپنے تحفظات پر بات کریں۔ہم ملکر حکومت سے ان تحفظات کو دور کرنے کا مطالبہ کرینگے کسی دلیل اورثبوت کے بغیر الزام تراشی اور منفی پروپیگنڈے سے کلاش ویلیز کے مشترکہ مفادات کو ناقابل تلافی نقصان پہنچے گا۔جس کی تمام تر زمہ داری ان لوگوں پر عائد ہوگی جو اتھارٹی کے فلاحی اقدامات کی بلاوجہ مخالفت کرتے ہیں۔
انھوں نے کہا کہ کے ۔وی۔ڈی۔اے کے بائی لاس کے بعض شقوں پر ہمارا بھی اعتراض اور تحفظات ہیں جن کو درست کرنے کیلئے متعلقہ حکام سے بات چیت جاری ہے جبکہ گزشتہ دن پشاور میں سیکریٹری ٹورزم کے زیرصدارت اجلاس میں اُن شقوں کو درست کرکے کیبنٹ منظوری کےلئے لا ڈیپارٹمنٹ کو بھیج دیا گیا ہے امید ہے کہ ہمارے تحفظا ت دور کیئے جائیں گے،
انھوں نے کہا کہ جب سے آتھارٹی کا قیام کالاش ویلی میں عمل میں لایا گیا ہے علاقے میں سڑکوں کی صفائی اور مرمت سے لیکر مختلف عوامی فلاح وبہبود کے کام جاری ہیں، جبکہ روان سال خطیر رقم سے مذید ترقیاتی کام کیئے جائیں گے، لہذا علاقے کے مفاد میں اس ادارے کا وجود انتہائی ضروری ہے۔ انھوں نے مخالفین کو دعوت دی کہ جن شقوں پر آپ کو اعتراض ہے مل بیٹھ کر ان کو حل کریں گے، لہذا بے جا تنقید اور ادارے کے خلا فبولنے سے گریز کیا جائے۔
