![Chitral Times - The voice of Chitral | ڈسٹرکٹ ہیڈ کوارٹر ہسپتال کے عملےکی دوبارہ لاپرواہی کا مظاہرہ، کچرا ہسپتال کے اندر جلانے لگے dhq hospital chitral2](https://chitraltimes.com/wp-content/uploads/2018/05/dhq-hospital-chitral2.jpg)
ڈسٹرکٹ ہیڈ کوارٹر ہسپتال کے عملےکی دوبارہ لاپرواہی کا مظاہرہ، کچرا ہسپتال کے اندر جلانے لگے
چترال ( نذیر حسین شاہ)ڈسٹرکٹ ہیڈ کوارٹر ہسپتال چترال کے عملے نے ایک بار پھر روایتی لاپروائی اور غفلت کا مظاہرہ شروع کر دیا ہے اور ہسپتال میں کچرا تلف کرنے والی مشین موجود ہونے کے باوجود ہسپتال عملہ کچرے کو ہسپتال کے اندرکھلے آسمان تلے آگ لگاتا ہے جس کی وجہ سے بد بو اور دھوئیں پورے علاقے کو متاثر کر رہی ہے خود ڈی ایچ کیوہسپتال کے کیچن میں اس دھوئیں کی وجہ سے بری حالت بن جاتی ہے۔ اس سے قبل بھی اس لاپرواہی کی وجہ سے تین ملازمین معطل کیے جاچکے ہیں لیکن پھر بھی ہسپتال عملے کی لاپرواہی اور ماحول دشمنی جوں کے توں جاری ہے جس کی وجہ سے آس پاس کے لوگوں کا جینا محال ہو گیا ہے۔