ڈسٹرکٹ پولیس آفیسر لوئر چترال ناصر محمود نے اپنے عہدے کا چارج سنبھال لیا

چترال (چترال ٹائمز رپورٹ)نو تعینات ڈسٹرکٹ پولیس آفیسر ( ڈی پی او ) لوئر چترال ناصر محمود (PSP) نے جمعرات کے روز اپنے عہدے کا چارچ سنبھال لیا۔ ڈی پی او نے پولیس لائن لوئر چترال کا دورہ کیا۔ پولیس کے چاق و چوبند دستے نے انھیں سلامی دی، DPO نے یادگار شہدا پر حاضری دی، پھول چڑھائے اور فاتحہ خوانی کی۔ پولیس افسران اور جوانوں سے ملے۔ڈی پی او نے افسران اور جوانوں سے مخاطب ہو کر کہا کہ عوام کی خدمت کو اپنا شغار بنائیں یہ ہمارے لئے فخر کا مقام ہے کہ اللہ تعالیٰ نے ہمیں خدمت خلق کے لئے چنا ہے۔