چترال کے دور افتادہ علاقےتورکہو ورکوپ سے تعلق رکھنے والے مولانا نعیم اللّٰہ نے لاہور گریژن یونیورسٹی(LGU) پنجاب سے اپنی پی ایچ ڈی مکمل کر لی۔
چترال ( چترال ٹائمز رپورٹ ) چترال کے دور افتادہ علاقےتورکہو ورکوپ سے تعلق رکھنے والے مولانا نعیم اللّٰہ نے لاہور گریژن یونیورسٹی(LGU) پنجاب سے اپنی پی ایچ ڈی مکمل کر لی۔ مولانا نعیم اللّٰہ نے حالیہ دنوں لاہور گریژن یونیورسٹی میں اپنی پی ایچ ڈی مقالے کامیابی سے دفاع کیا ۔ ان کے مقالے کا عنوان” Analytical Study of the Deviations of Tafseer Jalalain “تھا۔ اچھے اور بیترین انداز میں اپنے مقالے کا دفاع کرنے پر لاہور گریژن یونیورسٹی میں اسلامک سٹڈیز ڈیپارٹمنٹ کے سربراہ چیرمین ڈاکٹر طاہر مسعود قاضی سمیت ان کے اساتذہ کرام اورپروفیسر صاحبان نے انہیں مبارک باد دی اور ان کے کام کو سراہا۔مولانا نعیم اللّٰہ نے اس پہلے یونیورسٹی آف لاہور کے ڈیپارٹمنٹ آف اسلامک اسٹڈیز سے ایم فل کر چکے ہیں۔ آجکل وہ لاہور میں آس اکیڈمی (Academy of Arabic Sciences)میں بطور مدرس اپنی خدمات انجام دے رہے ہیں۔ڈاکٹر نعیم اللّٰہ ورکوپ سے تعلق رکھنے والے ریٹائرڈ اسسٹنٹ سب انسپکٹر محمد کریم کے فرزند ہیں۔
