چترال کا ایک اورفرزند محمد افضل خان نے آسٹریلیا سے پی ایچ ڈی کی ڈگری مکمل کرلی

آسٹریلیا (چترال ٹائمز رپورٹ)کندوجال گرم چشمہ، لٹکوہ سے تعلق رکھنے والے محمد افضل خان ولد محمد خان نے University of Tasmania آسٹریلیا سے ڈاکٹریٹ کی ڈگری مکمل کرلی ہے۔ انہوں نے یہ ڈگری ممتاز پروفیسر Andrew Fluck، Dr. Jennifer Masters, Dr. Scott J. Pedersen  اور Dr. Elspeth Stephenson کی زیرنگرانی مکمل کرلی ہے۔ ان کی اسپیشلائزیشن کا موضوع Early Child hood Education تھا۔ ڈاکٹر ایم اے خان2013 ء میں Monash University آسٹریلیا سے ماسٹرآف ایجوکیشن کی ڈگری بھی حاصل کرچکے ہیں۔ڈاکٹر خان آغاخان ایجوکیشن سروس پاکستان، اقوام متحدہ کے یو این ڈی پی پروگرام اور اسماعیلی طریقہ بورڈ میں بھی خدمات انجام دینے کا اعزاز رکھتے ہیں۔

ڈاکٹر ایم اے خان کے تحقیقی مقالات بین الاقوامی طور پر تسلیم شدہ کئی جریدوں میں شائع ہوچکے ہیں۔ انہوں نے اپنی کامیابی کو والدین کی دعاؤں کا نتیجہ قرار دیتے ہوئے کہا کہ والدین بچے کے لئے بنیادی درس گاہ اور رول ماڈل کی حیثیت رکھتے ہیں۔ ہم ڈاکٹر ایم اے خان کی کامیابی پر ان کی پوری فیملی خاص طور پر والدین کو مبارک باد پیش کرتے ہیں اور یہ امید رکھتے ہیں کہ ڈاکٹر ایم اے خان چترال میں تعلیم کی ترقی میں اپنا بہترین کردار ادا کریں گے۔