![Chitral Times - The voice of Chitral | چترال میں درجن سے زیادہ گلیشئرز گلوبل وارمنگ کے باعث انتہائی خطرے سے دو چارہیں۔عبدالولی abdul wali adc glof 2 project chitral workshop](https://chitraltimes.com/wp-content/uploads/2020/12/abdul-wali-adc-glof-2-project-chitral-workshop.jpg?v=1606916914)
چترال میں درجن سے زیادہ گلیشئرز گلوبل وارمنگ کے باعث انتہائی خطرے سے دو چارہیں۔عبدالولی
چترال(نمائندہ چترا ل ٹائمز)گلیشل لیک آوٹ برسٹ فلڈ(گلوف ٹو) پراجیکٹ کے تحت مڈاک لشٹ کے باشندوں کے لئے چترال کے مقامی ہوٹل میں تین روزہ ٹریننگ ورکشاپ کا انعقادگیا ۔جس میں علاقے سے کثیر تعداد میں خواتین وحضرات، اساتذہ رضاکاروں اور سکول کے بچوں نے شرکت کی۔تقریب کے مہمان خصوصی اے ڈی سی (ریلیف)لوئر چترال عبدالولی خان تھے۔
چترال میں گلوف پروجیکٹ ٹو کے حوالے سے اپنے خیالات کا اظہار کرتے ہوئے کہامہمان خصوصی نے کہا کہ چترال میں ایک درجن سے زیادہ گلیشئرز گلوبل وارمنگ اور موسمیاتی تبدیلی کے باعث پگھلاؤ کی وجہ سے انتہائی خطرے سے دو چار ہیں۔ اور کسی بھی وقت کچھ بھی ہو سکتا ہے۔ اس لئے نہ صرف ان گلیشرز کو مزید پگھلاؤ سے بچانے کیلئے اقدامات کی ضرورت ہے۔ بلکہ گلیشل لیک آوٹ برسٹ فلڈ کی صورت میں لوگوں کی جان و مال اور اُن کے املاک کو بچانے کیلئے قبل از وقت تیاری کی جانی چاہیے۔ گلوف ٹو میں اس سلسلے کے لئے اقدامات اُٹھائے جارہے ہیں۔تا کہ لوگ ان حادثات کے بارے میں آگہی حاصل کریں۔ اورمقامی باشندے دیے جانے والے ہدایات و رہنمائی اور فراہم کئے جانے والی سہولیات سے فائدہ اُٹھانے کیلئے پراجیکٹ کے ساتھ تعاون کریں۔ تاکہ سیلاب کی صورت میں کم سے کم نقصانات ہوں۔
اُنہوں کوڈ19کے حوالے سے کہا کہ کورونا کے پہلے لہرمیں تمام اسٹیک ہولڈرز نے ہمارے ساتھ بھرپور تعاون کیا۔اب جونئی لہر دوبارہ شروع ہوگئی ہے اس میں ہمیں صوبائی حکومت کی طرف سے دی گئی ایس او پیزپر ضرور عملدرآمد کرنا ہوگا اور ترقیاتی کاموں میں بھی ضابطہ اخلاق کا خیال رکھنا ضروری ہے۔اُنہوں نے کہا کہ گلف ٹو پراجیکٹ کی طرف سے ابتدائی طورپرکمیونٹی کی ترقی کے لئے خطیر رقم دی گئی۔جس میں مزید اضافہ ہوگا جوکہ کمیونٹی کی ملکیت ہے اور نگرانی بھی خود کمیونٹی کریگی۔
تقریب سے سید حریر شاہ نے بھی خطاب کیااُنہوں نے ورکشاپ کے حوالے سے تفصیلی اگاہی دی اور ادارے کا شکریہ ادا کرتے ہوئے کہا کہ جب بھی کمیونٹی کی بہتری کے لئے اُن کی ضرورت ہوگی تو وہ اپنے خدمات پیش کرنے کے لئے ہروقت پیش پیش ہونگے۔
ورکشاپ میں رسیکیو 1122سے شرکاء نے تربیت حاصل کرکے اُن کے ساتھ مل کر ہنگامی حالات سے نمٹنے کے لئے اختتاطی تدابیر اپنانے کے لئے عملی مظاہرہ کیا۔کمیونیکشن اینڈ رپورٹینگ آفیسر گلف ٹو پراجیکٹ یواین ڈی پی پاکستان وقاص اللہ خان نے ورکشاپ میں شرکت کرنے پرمہمانان اور شرکاء ورکشاپ کا شکریہ ادا کیا۔ورکشاپ کے اخر میں سرٹیفیکٹس بھی دئیے گئے۔
![Chitral Times - The voice of Chitral | چترال میں درجن سے زیادہ گلیشئرز گلوبل وارمنگ کے باعث انتہائی خطرے سے دو چارہیں۔عبدالولی harir shah glof 2 project chitral workshop](https://chitraltimes.com/wp-content/uploads/2020/12/harir-shah-glof-2-project-chitral-workshop.jpg)
![Chitral Times - The voice of Chitral | چترال میں درجن سے زیادہ گلیشئرز گلوبل وارمنگ کے باعث انتہائی خطرے سے دو چارہیں۔عبدالولی glof 2 project chitral workshop5](https://chitraltimes.com/wp-content/uploads/2020/12/glof-2-project-chitral-workshop5-1024x498.jpg?v=1606916960)
![Chitral Times - The voice of Chitral | چترال میں درجن سے زیادہ گلیشئرز گلوبل وارمنگ کے باعث انتہائی خطرے سے دو چارہیں۔عبدالولی glof 2 project chitral workshop2](https://chitraltimes.com/wp-content/uploads/2020/12/glof-2-project-chitral-workshop2.jpg)
![Chitral Times - The voice of Chitral | چترال میں درجن سے زیادہ گلیشئرز گلوبل وارمنگ کے باعث انتہائی خطرے سے دو چارہیں۔عبدالولی glof 2 project chitral workshop](https://chitraltimes.com/wp-content/uploads/2020/12/glof-2-project-chitral-workshop.jpg)