چترال لیویز فورس اپر چترال کے متعدد جوانوں کی اگلے رینکز میں ترقی
اپر چترال ( نمائندہ چترا ل ٹائمز ) چترال لیویز فورس اپر چترال کے متعدد جوانوں کو اگلے گریڈ میں ترقی دے دی گئی۔ ڈپٹی کمشنر/کمانڈنٹ چترال لیویز فورس اپر چترال محمد علی نے ترقی پانے والے اہکاروں میں ترقی کے بیجز لگادئیے۔ اس حوالے سے ایک پروقار تقریب ڈپٹی کمشنر اپر چترال کے آفس کے صحن میں منقعد کی گئی۔ جس میں ڈپٹی کمشنر/کمانڈنٹ چترال لیویز فورس اپر چترال، ایڈیشنل اسسٹنٹ کمشنر مستوج،دیگر انتظامی آفیسران، ضلعی انتظامیہ اپر چترال کے اہلکاراں اور کثیر تعداد میں لیویز فورس اپر چترال کے نوجوانان نے شرکت کیں۔
ترقی پانے والے نوجوانوں میں عبدالرحمن صوبیدار، شہاب الدین نائب صوبیدار، محمد نیاب حوالدار، برہان الدین نائیک ،شمس الرحمن لانس نائیک ،مجیدالحق لانس نائیک اورمحمد حسین لانس نائیک شامل ہیں۔
پروگرام میں ڈپٹی کمشنر/ کمانڈنٹ چترال لیویز فورس اپر چترال اور ایڈیشنل اسسٹنٹ کمشنر مستوج نے جوانوں سے خطاب کئے۔ ڈپٹی کمشنر/کمانڈنٹ چترال لیویز فورس اپر چترال نے اپنے خطاب میں جوانوں کے عزم اور سرحدات کی تحفظ میں ان کے کردار کو بھرپور انداز میں سراہا اور ان کو درپیش تمام مسائل ترجیحی بنیادوں پر حل کرنے کا یقین دلایا۔ انہوں نے اپنے خطاب میں کہا کہ لیویز کے جوان قوم اور ان کے اثاثے ہیں اور قوم کے محافظوں کی نگہداشت بطور کمانڈنٹ ان کی بنیادی ترجیحات میں شامل ہیں۔
ایڈیشنل اسسٹنٹ کمشنر مستوج نے بھی اپنے خطاب میں لیویز فورس کو ملک کا بہترین فورس قرار دیا۔ آخر میں پروگرام پاکستان زندہ باد کے بلند بالا نعروں سے اپنے احتیتام کو پہنچا۔
