پشاور، شہزادہ تنویر الملک صاحبو کتاب ” فنون لطیفہ اور چترال” و موخ پاشیکو تقریب
پشاور(عطاء الرحمن عدیم) کھوار زبانو مشہور و معروف شاعر، ادیب محقق وا مورخ جناب شہزادہ تنویر الملک صاحبو کتاب ” فنون لطیفہ اور چترال” و موخ پاشیکو تقریب انجمن ترقی کھوار حلقہ پشاورو وا گندھارا ہندکو بورڈو مشترکہ زیر اہتمام گندھارا ہندکو بورڈ واقع چنار روڈ یونیورسٹی ٹاون پشاورا منعقد کورونو ہوئے۔
محفلو صدارتو پروفیسر اسرار الدین صاحب اریر، وا خاص مینو گندھارا ہندکو بورڈو جنرل سیکرٹری جناب ضیاء الدین تشریف انگیتیستائے۔
محفلو باقاعدہ اغازو جناب عنایت الرحمن عزیز صاحب تلاوت کلام پاکو سورا اریر، سٹیج سیکرٹریو ذمہ داریو جناب عبد اللہ شہاب صاحب بو شھیلی طریقہ سر انجام پرائے۔
کتاب ”فنون لطیفہ اور چترال” حوالہ انجمن ترقی کھوار حلقہ پشاورو صدر جناب مہربان الہی حنفی صاحب، انجمن ترقی کھوار حلقہ پشاورو سرپرست اعلی جناب عنایت جلیل عنبر صاحب، ڈاکٹر صلاح الدین صاحب، گندھارا ہندکو بورڈو جنرل سیکرٹری جناب ضیاء الدین صاحب وا محفلو صدر محترم جناب پروفیسر اسرار الدین صاحب مقالہ پیش ارینی۔
محفلہ چترال سٹوڈنٹس ایسوسی ایشنو صدر دانیال سیف وچے تو کابینہ، یک زبان کارروان ادبو جنرل سیکرٹری جناب طارق اللہ صاحب وا کھوار اہل قلم حلقہ پشاورو صدر عطاو الرحمن عدیم وا بو امبوخ تعدادا طلباء وا خور معززین شرکت ارینی وا محفلو زعفران زار ارینی۔
