وائلڈ لائف موڑکھو رینج کی بروقت کاروائی، دوشکاری غیرقانونی شکار سمیت گرفتار
اپرچترال (چترال ٹائمز رپورٹ) اطلاعات کے مطابق وائلڈ لائف موڑکھو تریچ رینچ کے ڈپٹی رینچ آفیسر ظفر اللہ نے زرائع سے اطلاع ملنے پر لونگول ویلی میں اپنے ساتھی ہیڈ واچر علی اکبر جان کے ساتھ ناکہ بندی کرکے دو شکاری رنگے ہاتھ گرفتار کر کے ان کے قبضے سے شکار شدہ آئی بیکس اسلحہ سمیت برآمد کرکے وائلڈ لائف ڈیپارٹمنٹ کے حوالے کردئے ہیں۔
ابتدائی اطلاعات کے مطابق بدھ او رجمعرات کی درمیانی شب خفیہ طلاع ملنے پر وائلڈ لائف ڈیپارٹمنٹ موڑکھو رینج کے ڈپٹی رینج آفیسر ظفر اللہ وفا ؔ نے اپنے ساتھی ہیڈ واچر علی اکبر جان کے ساتھ لونگول درے میں ناکہ بندی کرکے دو شکاری کو موقع پر گرفتار کرلیا اور ان کے قبضے سے اسلحہ سمیت ذبح شدہ آئی بیکس کی سری پائے سمیت برآمد کرکے ڈیپارٹمنٹ کو اطلاع دی ہے اسی طرح لونگول،روشگول اور اتھک درے میں نایاب نسل کے سینو لیپرڈ اور مختلف نسل کے آئی بیکس کی سخت حفاظت جاری ہے۔
ہمارے نمائندے سے گفتگو کرتے ہوئے ڈپٹی رینچ آفیسر وائلڈ لائف موڑکھو رینج ظفر اللہ وفا ؔ کا کہنا تھا کہ ان کے ساتھی ہر وقت مستعدی کے ساتھ اپنے فرائض منصبی سر انجام دے رہے ہیں کسی کو بھی غیر قانونی شکار کی اجازت نہیں دی جائے گی ان لوگوں کے ساتھ قانون کے مطابق کاروائی کی جائے گی جنگلی حیات چترال کے قیمتی سرمایہ ہیں ان کی تحفظ ہماری اولین ذمہ داری ہے کسی بھی غیر قانونی شکار کرنے والے پر بھاری جرمانہ بھی عائد کیا جاسکتاہے