نگران وزیرِ اعظم انوار الحق کاکڑ کا گلگت بلتستان کا دورہ ، گورنر اور وزیرِ اعلی گلگت بلتستان گلبر خان کی ملاقات
نگران وزیرِ اعظم انوار الحق کاکڑ کا گلگت بلتستان کا دورہ ، گورنر اور وزیرِ اعلی گلگت بلتستان گلبر خان کی ملاقات
گلگت(چترال ٹایمزرپورٹ)نگران وزیرِ اعظم انوار الحق کاکڑ نے گلگت بلتسان کا دورہ کیا ،جہاں گلگت بلتستان اسمبلی کے کابینہ سے میٹنگ کی، علاقے میں ترقیاتی منصوبوں اور لاء اینڈ آرڈر صورت حال بارے اگہی حاصل کی، بعد ازاں نگران وزیرِ اعظم سے وزیرِ اعلی گلگت بلتستان گلبر خان نے ملاقات کی ہے۔ملاقات میں نگران وزیرِ اعظم کو گلگت میں جاری ترقیاتی منصوبوں پر پیشرفت کے حوالے سے آگاہ کیا۔منگل کو وزیراعظم آفس کے میڈیا ونگ سے جاری بیان کے مطابق اس موقع پر وزیرِ اعلی نے گلگت بلتستان میں عوامی فلاحی منصوبوں بالخصوص صحت و تعلیم کے شعبوں کی ترقی کیلئے حکومت کے اقدامات پر بریفنگ دی۔انہوں نے وزیرِاعظم کو گلگت بلتستان میں سیاحت کی ترقی کیلئے حکومت کے منصوبوں سے بھی آگاہ کیا۔ وزیرِاعلی نے نگران وزیرِاعظم کو گلگت بلتستان کی روایتی پوشاک بھی پیش کی۔
دریں اثنا نگران وزیرِ اعظم انوار الحق کاکڑ سے گورنر گلگت بلتستان سید مہدی شاہ نے ملاقات کی ہے۔ملاقات میں گورنر گلگت بلتستان نے نگران وزیرِاعظم کے دورہ گلگت بلتستان اور گلگت بلتستان کی ترقی میں خصوصی دلچسپی پر شکریہ ادا کیا۔گورنر سید مہدی شاہ نے وزیرِاعظم کو گلگت بلتستان کے انتظامی امور اور امن و امان کی صورتحال کے حوالے سے بھی آگاہ کیا۔وزیراعظم نے وزیراعلیِ گلگت بلتستان سیکٹریٹ میں منعقد ساینس اینڈ آرٹ کمپٹیشن میں مختلف اسٹوڈنٹس کے اسٹال کا وزٹ کیا اور طالبات سے ان کے پراجیکٹ بارے میں دریافت کیاانھیں شاباش دی۔ ان کی کاوشوں کا سراہا۔ قبل ازایں نگران وزیراعظم نے یادگار شہدا میں حاضری دی ، فاتحہ خوانی کی اور یادگار پر پھولوں کا گلدستہ رکھا۔ اس موقع پر گورنر گلگت بلتستان اور وزیراعلیِ گلگت بلتستان بھی ان کے ہمراہ تھے۔
