موجودہ حالات میں اپرچترال ضلعی انتظامیہ کی کاوشیں قابل تحسین ہیں۔۔۔۔بی ایل ایس او

بونی (چترال ٹائمزرپورٹ) موجودہ حالات میں ڈ پٹی کمشنر اپر چترال شاہ سعود کی قیادت میں ڈسٹرکٹ اپر چترال کی انتظامیہ، ہیلتھ اور سیکورٹی اداروں کی کارکردگی قابل تحسین ہے جب سے ملک میں کرونا وائرس کی وبا پھیلی ہے اس کی روک تھام کے لیے دن رات محنت کررہے ہیں اور باہر سے آنے والوں پر کڑی نظر رکھنے کے ساتھ ساتھ لوگوں کو اس موزی بیماری سے بچانے کے لیے حکومت کی جانب سے دیے گئے ھدایات پر سختی سے عمل کروارہے ہیں۔ بیار لوکل سپورٹ آرگنائزیشن علاقے کے عوام کا ادارہ ہونے کے ناطے ان کی خدمات کو شاندار خراج تحسین پیش کرتی ہے اور عوام سے انتظامیہ کی جانب سے دیے گئے ھدایات پر عمل کرتے ہوے اس موزی مرض کو شکست دینے کی اپیل کرتی ہے اور ساتھ ساتھ اعلی حکام سے درخواست کرتی ہے کہ چترال جیسے پسماندہ علاقے میں بھی کورونا ٹسٹ کا بندوبست اور اس سلسلے میں ضروری سامان مہیا کیا جائے اور طبی عملہ کے لیے اس سلسلے میں ٹریئنگ کا بندوبست کیا جائے، بی ایل ایس او آفس سے جاری ایک پریس ریلیز میں اس امید کا اظہار کیا گیا ہے کہ بیار کے عوام جس طرح مشکل کی ہرگھڑی میں نہ صرف ایک دوسرے کے ساتھ مدد کرتے ہیں بلکہ چترال کے دوسرے علاقوں میں مصیبت کے دوران لوگوں کی مدد کرنے میں پیش پیش ہوتے ہیں اسطرح اس نازک موقع پر بھی ایک دوسرے کا بھر پور خیال رکھیں گے ۔ بیار لوکل سپورٹ آرگنائزیشن ضرورت پڑنے پر مستحقین کی نشاندہی میں بھی اپنا کردار ادا کرسکتی ہے۔ اور ہم امید کرتے ہیں کہ اللہ تعالی کی مہربانی ، انتظامیہ، ہیلتھ اور سیکورٹی اداروں کی کاوشوں اور عوام کے تعاون سے وطن عزیز بہت جلد اس موزی وبا سے نجات پائے گا۔