ملاکنڈ ڈویژن میں نیشنل ایکشن پلان کے تحت سرچ اینڈ سٹرائیک آپریشن اور دیگر کارروائیوں کے دوران مختلف جرائم پیشہ عناصر کے خلاف کامیاب کارروائیاں، بھاری مقدار میں منشیات اور اسلحہ برآمد۔ ریجنل پولیس آفیسر
ملاکنڈ ڈویژن میں نیشنل ایکشن پلان کے تحت سرچ اینڈ سٹرائیک آپریشن اور دیگر کارروائیوں کے دوران مختلف جرائم پیشہ عناصر کے خلاف کامیاب کارروائیاں، بھاری مقدار میں منشیات اور اسلحہ برآمد۔ ریجنل پولیس آفیسر
پشاور (چترال ٹائمزرپورٹ) ریجنل پولیس آفیسر ملاکنڈ محمد علی خان کے احکامات کے مطابق ملاکنڈ ڈویژن میں نیشنل ایکشن پلان کے تحت سرچ اینڈ سٹرائیک آپریشن اور دیگر کارروائیوں کے دوران فروری 2024میں منشیات فروشوں، غیر قانونی اسلحہ رکھنے والوں اور دیگر جرائم پیشہ عناصر کے خلاف کامیاب کارروائیاں عمل میں لائی گئیں۔ریجنل پولیس آفیسر ملاکنڈنے گزشتہ ماہ فروری میں نیشنل ایکشن پلان کے تحت کامیاب کارروائیوں کی تفصیلات جاری کردیں اس ضمن میں ملاکنڈ ریجن کے تمام اضلاع میں پولیس کی جانب سے انٹیلی جنس بیسڈ سرچ اینڈ سٹرائیک آپریشنز کے علاوہ سنیپ چیکنگ، نائٹ پٹرولنگ، اور دیگر اہم کاروائیاں عمل میں لائی گئیں جن میں تقریباً66سنگین نوعیت کے جرائم میں مطلوب اشتہاریوں کی گرفتاری کے علاوہ تقریباً 1587افراد سے پوچھ گچھ کی گئی ہے۔فروری کے مہینے میں ملاکنڈ ریجن پولیس نے تقریبا8ملین مالیت کے مختلف کیسز میں مال مسروقہ کی برآمدگی کی گئی۔ ناکہ بندیوں،پولیس آپریشنز اور مذکورہ دیگر کاروائیوں میں غیرقانونی اسلحہ کی بڑی تعداد اور منشیات بھی قبضے میں لئے گئے ہیں،ریجنل پولیس آفس ملاکنڈ سیدو شریف سوات کی جانب سے جاری کردہ ماہانہ کارکردگی رپورٹ کے مطابق ریجنل پولیس آفیسر ملاکنڈ محمد علی خان کے واضح احکامات کے نتیجے میں ریجن بھر کے اضلاع سوات،بونیر،شانگلہ،دیر پائین،دیر بالا،باجوڑ،چترال پائین اور چترال اپر میں پولیس نے کامیاب کاروائیاں کیں۔ خفیہ اطلاعات پر کیے گئے آپریشنز، سرچ اینڈ سٹرائیک آپریشنز، سنیپ چیکنگ، نائٹ پٹرولنگ،ناکہ بندیوں اور دیگر کاروائیوں میں مطلوب اشتہاریوں کی گرفتار ی اور مشتبہ افراد سے پوچھ گچھ کے ساتھ ساتھ غیر قانونی اسلحہ کے خلاف کارروائی کرتے ہوئے10عددایس ایم جی گن،12عدد رائفل،40عدد شارٹ گن،285عدد پستول،6622عدد کارتوس،167 عدد میگزین، 07عدد خنجر،05عد ہینڈ گرینیڈ،6.040کلو گرام بارود،14 عدد مارٹر گولے بھی قبضے میں لئے گئے ہیں،ریجن بھر میں پولیس نے منشیات کے خلاف کاروائیاں کرتے ہوئے78.045کلوگرام چرس،4.277کلوگرام ہیروئن،0.995کلوگرام آئیس،0.296کلو گرام افیون،85لیٹر شراب جبکہ 317 عدد سلیپرز بھی قبضے میں لئے ہیں۔ریجنل پولیس آفیسر ملاکنڈ محمد علی خان نے ملاکنڈ ریجن کے تمام ڈسٹرکٹ پولیس آفسران کو احکامات جاری کرتے ہوئے کہا کہ سماج دشمن عناصر اور جرائم پیشہ افراد بالخصوص منشیات فروشوں کے خلاف بھرپور کریک ڈاون کیا جائے تاکہ نو جوان نسل کو منشیات سے پاک معاشرہ یقینی بنایاجاسکے۔
