چترال ( نمائندہ چترال ٹائمز ) ملاکنڈ ڈویژن انتظامیہ نے نان کسٹم پیڈ گاڑیوں کی ڈاکومیٹیشن میں 31دسمبر تک مذید توسیع دینے کی منظوری دی ہے ۔ کمشنر ملاکنڈ ڈویژن کی طرف سے جاری ایک اعلامیہ کے مطابق مختلف وجوہات کی بنا پر اب تک جو گاڑیاں ڈاکومیٹیشن(رجسٹریشن) پراسیس سے نہیں گزری ہیں ان کی ڈاکومینٹیشن کیلئے فوری طور پر متعلقہ اضلاع کے ذمہ داروں سے رابطے کی ہدایت کی گئی ہے۔ اس سلسلے میں چترال پولو گراونڈ میں بھی ڈاکومینٹیشن کیلئے کاروائی کا سلسلہ شروع ہے ۔ پولیس ذرائع کے مطابق یہ توسیع اخری بار دی گئی ہے ۔ جس کے بعد ڈاکو مینٹیشن نہ کرنے والے گاڑی مالکان کے خلاف باقاعدہ پولیس کاروائی کریگی ۔