13 اکتوبر اتوارو انوس جامعہ عثمانیہ شاخ گلشن عمر مدرسا سالانہ تقریب یوم سرپرستان منعقد کورونو ہوئے۔
بانی مدرسہ جامعہ عثمانیہ و محتمم شیخ الحدیث مولانا مفتی غلام الرحمن صاحب محفلو صدارتو اریر۔ وا خاص مینو وا سرپرست اعلی قاری عمر خطاب صاحب کراچیار تشریف انگیتیستائے۔
مولانا حسین احمد صاحب ناظم تعلیمات مدرسہ جامعہ عثمانیہ و وفاق المدارس کے پی کے ناظم دی محفلو رونق اوشوئے۔
ہیہ تقریبا (اردو پشتو انگلش عربی) تقریری مقابلہ ہوئ
وا اخیرا تقریب اسنادو سلسلہ شروع ہوئے ہیہ سلسلہ سالانہ وفاق المدارسو امتحانہ قومی صوبائی وا مدرسو لیولہ پوزیشن گنیرو طلباء وا میٹرک و انٹر لیولہ پوزیشن گنیرو طلبانتے نقد انعامات وا شیلڈ تقسیم ہونی۔
چھیترارو تیریچو سوم تعلق لالھک نوجوان طالبعلم ذیشان الہی عصری علومہ سیکنڈ ائیرو امتحانہ مدارسان لیولہ سیکنڈ پوزیشن گنی انعامو حقدار ہوئے وا مدرسو محتمم و بانی مفتی غلام الرحمن صاحبو خصوصی تذکرو حصہ ساوز ہوئے
مدرسو محتمم مولانا مفتی غلام الرحمن صاحبو دعار اچی ہیہ تقریب تن اختتاموتے توریتایے۔
عثمانیہ چلڈرن اکیڈمی مڈل ٹو انٹرمیڈئیٹ لیول مدرسو طالبعلمانتے عصری علومو تعلیمو مہیا کوریکا اہم کرادار ادا کوروین وا ہیہ اکیڈمیو سرپرستیو مفتی سیف الاسلام صاحب کوروین۔
تقریب پوروزیکار اچی عثمانیہ عجائب گھر شرکاء محفلان پورا توجہو تن ویشکی ژینگیتائے۔۔
عثمانیہ عجائب گھرو بنیادو چھیتراری لاکھی اساک بیرانی وا فی الحال عجائب گھرو ذمہ داری دی چھیتراری طالبعلمان سوم شک بیرائے ہے موژی ای مولانا فیصل صاحبو ذکرو خاص طورا کومن کو ریکو فیصل صاحب بو سنجیدہ وا ذمہ دار شخصیت وا ہر فورمہ چھیتراری طالبعلمان گنی اسپہ نمائندگیو کوین۔ ہیہ اسپہ بچے پورا چھیترارو بچے بو فخرو بش لو۔ ہیہ مدرسا ٹوٹل تینتیس چھیتراری طالبعلم سبق رینیان وا کم تعدادا بیکو سوم جستہ ہر میدانہ سفان سر پروشٹی غیچی گونیان۔ (اللہ پاک ہیتان مزید پروشٹی الار)
نمائندہ کھوار سیکشن عطاو الرحمن عدیم پشاور
