عوام اور پولیس کے درمیان فاصلوں کو کم کرنے اور عوام دوست پولیسنگ کو فروغ دینے کے سلسلے میں تمام ایس۔ڈی۔پی۔اوز اور ایس۔ایچ۔اوز اپنے علاقوں میں خصوصی پروگرامز منعقد کریں۔ ڈی پی اواکرام اللہ خان
چترال ( چترال ٹائمزرپورٹ ) ڈی۔پی۔او آفس بلچ لوئر چترال میں ڈی۔پی۔او لوئر چترال کی زیر صدارت پولیس افسران کے ساتھ کرائم میٹنگ کا انعقاد کیا گیا جس میں ایس۔پی۔انوسٹگیشین محمد ستار خان, ڈی۔ایس۔پی۔لیگل شیر محسن الملک سرکل ایس۔ڈی۔ پی۔اوز، جملہ ایس ایچ اوز اور تفتیشی افسران نے شرکت کی۔
میٹنگ کا آغاز تلاوت کلام پاک سے ہوا۔ ڈی۔پی۔او لوئر چترال اکرام اللہ خان نے انسپکٹر جنرل اف پولیس خیبر پختونخواہ اختر ِحیات خان گنڈاپور اور ریجنل پولیس افیسر ملاکنڈ محمد علی خان کے احکامات و ہدایات پر تفصیلی بریفنگ دی۔
جس کے بعد ڈی۔پی۔او نے کرائم چارٹ کا تقابلی جائزہ لے کر جرائم کی شرح، نوعیت، عدم گرفتار ملزمان، منشیات کے خلاف کاروائیوں اور جرائم برخلاف مال و اشخاص کے حوالے سے ایس۔ایچ۔اوز و تفتیشی افسران کی کارکردگی کا جائزہ لیا۔ڈی۔پی۔او لوئر چترال اکرام اللہ خان نے مستقبل کی پالیسی کے حوالے سے احکامات جاری کئے۔
ڈی پی او نے کہا کہ رپورٹ کنندگان کی رپورٹ پر بلا تاخیر مقدمہ درج رجسٹر کریں اور مقدمہ میں میرٹ پر تفتیش یقینی بنائیں۔ منشیات فروشوں کے خلاف موثر کاروائی عمل میں لا کر ان کے مزید لنکس کا سراغ لگا کر ان پر بھی ہاتھ ڈالیں،جبکہ تفتیشی افسران بھی میرٹ پر تفتیش سے ایسے افراد کو قرار واقعی سزا دلوائیں۔
چترال میں سیاحت کے فروغ کے لئے لوئر چترال پولیس کے استعداد کار میں مزید اضافہ کیا جائے ۔ مجرمان اشتہاریوں کی گرفتاری پر خصوصی توجہ دیں۔
دوران ڈیوٹی حفاظتی اقدامات بلٹ پروف جیکٹ و ہلمٹ کا استعمال یقینی بنائیں۔ کم سن ڈرائیورز/ موٹرسائکلسٹ,غیر نمونےکے نمبر پلیٹ اور ٹریفک قوانین کی خلاف ورزی کرنے والوں کے خلاف سخت کارروائی کرنے کے سلسلے میں انچارچ ٹریفک وارڈن پولیس کو خصوصی احکامات دیں۔
عوام اور پولیس کے درمیان فاصلوں کو کم کرنے اور عوام دوست پولیسنگ کو فروغ دینے کے سلسلے میں تمام ایس۔ڈی۔پی۔اوز اور ایس۔ایچ۔اوز کو اپنے علاقوں میں خصوصی پروگرامز منعقد کرنے کی ہدایات دی۔ موجودہ صورتحال کے پیش نظر بازاروں، پٹرول پمپس،کرایے کے مکان اور ہوٹل وغیرہ کی چیکنگ یقینی بنائیں اور چترال کی مثالی امن کو بر قرار رکھنے میں اپنا کردار ادا کریں
