عبوری صدر چترال تجار یونین دین محمد ندیم نے اپنے عہدے سے استفعی دے دیا
چترال( نمائندہ چترال ٹائمز )تجار یونین چترال لوئر کے عبوری صدر دین محمد ندیم نے اپنے عہدے سے نامعلوم وجوہات کی بنا پراستفعی دے دیا ۔ دین محمد ندیم نےتجار یونین کے عبوری صدارت کا عہدہ سنبھالتے ہی تجار یونین لوئر چترال کے مسائل حل کرنے کے لیے ہمہ وقت مصروف عمل رہے اور ان کی کارکردگی بھی سب کو واضح طور پر نظر آتی رہی۔ دین محمد ندیم نے استاذ کے پیشے سےمنسلک رہنے کے بعد پاکستان ٹیلی کمیونیکیشن میں ملازمت سے سبکدوش ہونے کے بعد چترال بازار میں کاروبار شروع کیا ۔ جوکہ مہذب شائستہ اور نڈر انسان ہے چھوٹوں بڑوں سب کو احترام کا درجہ دینا ان کی فطرت میں شامل ہیں انہوں نے مختصر عرصے میں تجار یونین کا موقف ڈٹ کر بیان کیا اور کاروباری حضرات کو بھی پیشہ پیغمبری کو مد نظر رکھ کر کاروبار کرنے کی تاکید کرتے تھئ اور غلط کاروبار کرنے والوں کو سختی سے تنبیہ کرکے ان کی غلط کام کا بھرپور مخالفت کرتےر ہے تجار یونین کا عہدہ سنبھالتے ہی دین محمد ندیم نے واپڈا پیسکو کو چترال کے ذمہ داران کے ساتھ چترال بائی پاس روڈ کے ٹرانسفارمر اور شاہی بازار کےساتھ ملحقہ بازار کے مسائل کے متعلق بار بار تفصیلی میٹنگ کی اور واپڈا زمہ داران کی ہدایت کی روشنی میں ٹرانسفارمرز سے متعلق تمام متعلقہ حکام کو بزریعہ لیٹر اگاہ کیا۔
چترال کے تجار برادری نے ان کی استعفی پر غم و غصے کا اظہار کرتے ہوئے انہیں اپنے فیصلے پر نظر ثانی کی درخواست کی ہے۔
٣ دن کے اندر تجار یونین چترال کے ایگزیکٹیو کونسل کا اجلاس بلا کر تجار یونین چترال کے انتخابات اور آئیندہ کے لائحہ عمل کا اعلان کیا جائے گا۔ بشیر احمد سابق صدر تجار یونین چترال.
چترال (چترال ٹائمزرپورٹ ) عبوری صدر دین محمد ندیم کے استعفی کے بعد صورتحال کے پیش نظر بشیر احمد سابق صدر و ممبر ایگزیکٹیو کونسل تجار یونین چترال نے تجار برادری کے نام اپنے پیغام میں کہا تاجر برادری کو موجودہ صورتحال میں پریشان ہونے کی ضرورت نہیں کیونکہ تجار برادری کی ایک مظبوط قیادت اپنی جگہ پر موجود ہے اور کسی بھی تاجر کو جب بھی ضرورت پڑے تو وہ سابق صدر بشیر احمد اور عبوری کابینہ کے دوسرے اراکین سے رابطہ کر سکتا ہے ۔ تاجروں کے تحفظ کو ہر صورت یقینی بنایا جائے گا۔ جاری ایک اخباری بیان میں انہوں نے کہا کہ ٣ دن کے اندر اندر ایگزیکٹیو کونسل کا اجلاس بلا کر تجار یونین چترال کے انتخابات کی تاریخ کا باقاعدہ اعلان کیا جائے گا۔ لہذا تاجر برادری مطمئن رہے اور اپنی کاروباری سرگرمیوں کو جاری رکھیں آپ کے نمائندے آپ کے حقوق کے تحفظ کے لئے موجود ہیں اور اس حوالے سے کوئی کوتاہی نہی برتی جائے گی۔