![Chitral Times - The voice of Chitral | صوبے میں گندم کی وافر مقدار موجود ہے جو ایک قابل اطمینان امر ہے۔۔۔قلندر لودھی Minister for Food kp meeting](https://chitraltimes.com/wp-content/uploads/2018/03/Minister-for-Food-kp-meeting.jpg)
صوبے میں گندم کی وافر مقدار موجود ہے جو ایک قابل اطمینان امر ہے۔۔۔قلندر لودھی
پشاور ( چترال ٹائمزرپورٹ ) صوبائی وزیر خوراک قلندر لودھی نے کہا ہے کہ صوبے میں گندم کی وافر مقدار موجود ہے جو ایک قابل اطمینان امر ہے۔ یہ بات ان کے دفتر میں منعقدہ صوبائی خوراک کمیٹی کے ایک اجلاس کی صدارت کرتے ہوئے بتائی ۔ ڈائریکٹر محکمہ خوراک کی طرف سے تفصیلی بریفینگ کے بعد وزیر خوراک خیبرپختونخوا نے اس بات پراطمینان اور خوشی کااظہار کیا کہ صوبے میں گندم کی وافر مقدار موجود ہے اور صوبہ بھر کی فلورملوں کو ان کے کوٹہ کے مطابق ترسیل جاری ہے۔ انہوں نے کہاکہ گذشتہ سال کی طرح امسال بھی محکمہ خوراک کے اکاؤنٹ II-سے گندم کی خریداری کی جائے گی جس سے صوبہ کو مالی فائدہ ہوگا جبکہ گذشتہ ادوار میں کمرشل بنکوں سے پیسے لے کر گندم کی خریداری کی جاتی تھی جو صوبے پرایک بوجھ ہوتاتھا۔سیکرٹری خوراک اکبر خان نے اس موقع پر بتایا کہ اکاؤنٹII- میں گندم کی خریداری کے لئے مقررہ رقم موجودہے۔ واضح رہے کہ نئے سال کے لئے گندم کی خریداری یکم مئی سے شروع کی جاتی ہے اور وفاقی حکومت کی طرف سے صوبہ خیبرپختونخوا کیلئے 3 لاکھ ٹن کاکوٹہ مقرر کیاگیاہے۔ صوبائی وزیر قلندر لودھی نے اس بات پراطمینان کااظہار کیاکہ صوبے میں وافر گندم کی موجودگی کے باوجود نئے سال کی گندم خریداری کے لئے تمام تر اقدامات بروقت اٹھائے گئے ہیں۔ اس موقع پر محکمہ خوراک کے اہلکاروں کے علاوہ محکمہ خزانہ ،قانون اوردیگر متعلقہ محکموں کے اعلیٰ حکام نے بھی شرکت کی۔
بعد ازاں صوبائی وزیر نے محکمہ خوراک کے افسران کے دفترات کیلئے تعمیر شدہ بلڈنگ کا افتتاحکیا. اس موقع پر سیکریٹری فوڈ اکبر خان اور ڈائر یکٹر فوڈ بھی موجود تھے.