صدر مملکت نے قیدیوں کی سزاؤں میں 90 روز کی کمی کا حکم جاری کردیا

اسلام آباد(سی ایم لنکس) صدر مملکت نے عیدالفطر کے موقع پر قیدیوں کی سزا میں 90 روز کی معافی کی منظوری دے دی ہے، قیدیوں کی سزا میں معافی کا نوٹیفکیشن وزیراعظم کی ایڈوائس پر جاری کیا گیا۔قیدیوں کی سزا میں 90 روزہ معافی کا نوٹیفکیشن چاروں صوبوں اور گلگت بلتستان حکومت کو ارسال کردیا گیا ہے۔حکومت پاکستان کی جانب سے جاری کرہ نوٹیفکیشن کے مطابق اس عرایت کا اطلاق قتل، ریاست مخالف سرگرمیوں، ڈکیتی، اغواء اور دہشت گردی کے ملزمان پر نہیں ہوگا۔حکم نامے میں کہا گیا ہے کہ 90روزہ معافی کا اطلاق ان مرد قیدیوں پر ہوگا جو سزا کا دو تہائی مکمل کرچکے ہیں۔نوٹیفکیشن کے مطابق 65سال سے زائد مجرم جو قید کا ایک تہائی حصہ مکمل کرچکے وہ بھی مستفید ہوں گے، وہ خواتین قیدی جو سزا کا تہائی پورا کرچکی ہیں وہ بھی معافی کا فائدہ اٹھاسکیں گی۔اس کے علاوہ18سال سے کم عمر بچے جو سنگین جرائم میں ملوث نہیں وہ بھی اس رعایت سے مستفید ہوں گے۔