سائفرتحقیقات؛ ایف آئی نے چیئرمین پی ٹی آئی کو طلب کرلیا، پیش نہ ہونے پر یکطرفہ کارروائی کا عندیہ
اسلام آباد(چترال ٹایمزرپورٹ)سائفر وآڈیو لیکس پر کابینہ کی سب کمیٹی کے فیصلے کے تناظر میں ایف آئی اے کی تحقیقات میں تیزی آگئی اور تفتیشی ٹیم نے سابق وزیر اعظم و تحریک انصاف کے سربراہ کو طلبی کا تیسرا نوٹس جاری کرکے25 جولائی کے لیے طلب کرلیا جبکہ شاہ محمود قریشی اور اسد عمر کو بھی طلب کرلیا۔تفصیلات کے مطابق وزارت داخلہ کے احکامات پر ڈی جی ایف آئی اے نے 5 اکتوبر کو سائفر و آڈیو لیک کے حوالے سے تحقیقات کے لیے ڈائریکڑ ایف آئی اے اسلام آباد زون رانا عبدالجبار کی سربراہی میں پانچ رکنی انکوائری ٹیم تشکیل دے دی تھی، جس کے دیگر ممبران میں ایڈیشنل ڈائریکٹر ایف آئی اے سائبر کرائم اسلام آباد، ڈیپٹی ڈائریکٹر کاونٹر ٹیررازم ونگ، اسٹنٹ ڈائریکٹر آئی او اور ٹیم کے سربراہ کی طرف مقرر کردہ آفیسر ممبران میں شامل ہیں۔اسی طرح انکوائری ٹیم میں 3 انٹیلی جینس ادروں سے گریڈ 19 کے ایک ایک آفیسر کو بھی شامل کیاگیا ہے۔ تحقیقیاتی ٹیم سائفر اور اسکی کاپی غالب ہونے سمیت آڈیو لیک اور دیگر حوالوں سے تحقیقات جاری رکھے ہوئے ہے۔
اب سابق وزیراعظم کے پرنسپل سیکرٹری اعظم خان کا سائفر کے حوالے سے بیان بھی سامنے آچکا ہے تو ٹیم نے تحقیقات میں تیزی لاتے ہوئے سابق وزیراعظم کوطلبی کا تیسرا نوٹس جاری کرکے 25جولائی کو ایف آئی اے ہیڈکوارٹر میں دن 12 بجے طلب کرلیا ہے۔طلبی نوٹس میں مزید کہا گیا ہے آپ کو دو مرتبہ پہلے بھی مشترکہ تحقیقاتی ٹیم کے سامنے پیش ہونے کے نوٹس دیئے گئے مگر شامل تفتیش نہ ہوئے، اسی طرح نوٹس میں مزید کہا گیا ہے کہ سائفر ٹیلی گرام سے متعلقہ دستاویزات بھی ہمراہ لائیں اور مزید تنبیہ کی گئی ہے نوٹس پر عمل نہ کیا گیا تو دستیاب ثبوتوں کی بنا پر یکطرفہ کارروائی بھی کی عمل میں لائی جاسکتی یے۔علاوہ ازیں ایف آئی اے نے شاہ محمود قریشی اور اسد عمر کو بھی 24 جولائی کو طلب کرلیا۔یاد رہے کہ سائفر کیس میں ایف آئی اے کے طلب کرنے پر سابق سیکرٹری خارجہ سہیل محمود ایف آٰئی اے انکوائری میں شامل ہوکر بیان ریکارڈ کراچکے ہیں
اسی طرح ایف آئی اے نے تحقیقات کے دوران سابق وزیراعظم کیپرنسپل سیکرٹری اعظم خان کو بھی طلبی کے دو نوٹسز جاری کیے تھے لیکن اسوقت انھوں نے فیملی کے ساتھ بیرون ملک ہونیاورنومبر2022 کے وسط تک وطن پہنچ کر انکوائری میں شامل ہونے کا عندیہ دیا تھا۔اسکے بعد اب انکا حالیہ بیان سامنے آیا ہے جبکہ ایف آئی اے ائی کی جانب سے اسد عمر اور شاہ محمود قریشی کو بھی طلبی کے نوٹس جاری کیے گئے تھے جن میں شاہ محمود قریشی نے اپنے وکیل کے زریعے بیان جمع کرایا تھا۔اب شاہ محمود قریشی اور اسد عمر کو بھی 24 جولائی کو دوبارہ ایف آئی اے کی جوائنٹ انکوائری ٹیم کے روبرو پیش ہونے کے لیے طلب کیا گیا یے۔ شاہ محمود قریشی کو صبع 11 بجے اور اسد عمر کودن 12 بجے کے لیے ایف آئی اے ہیڈکواٹر میں بمعہ دستاویزی ثبوت پیش ہونے کی ہدایت کی گئی ہے اور نوٹسز میں دونوں رہنماوں کو بھی تنبییہ کی گئی عدم پیشی کی صورت میں یک طرفہ کاروائی عمل میں لائی جاسکتی ہے۔
توشہ خانہ: حکمِ امتناع پر نوٹس اجراء کا تحریری حکم نامہ
اسلام آباد(سی ایم لنکس)اسلام آباد ہائی کورٹ نے توشہ خانہ کیس قابلِ سماعت قرار دینے کے عدالتی فیصلے کے خلاف درخواست پر سماعت کا تحریری حکم نامہ جاری کر دیا۔عدالتِ عالیہ نے اپنے تحریری حکم نامے میں کہا ہے کہ درخواست گزار کے وکیل نے کہا کہ عدالت نے 4 جولائی کو کیس ریمانڈ بیک کیا تھا۔اسلام آباد ہائی کورٹ کا تحریری حکم نامے میں کہنا ہے کہ درخواست گزار کے مطابق عدالت نے ٹرائل کورٹ کو 7 دن میں دوبارہ فیصلے کاحکم دیا۔تحریری حکم نامے میں عدالت نے کہا ہے کہ عدالت نے 8 قانونی سوالات کے ساتھ معاملہ واپس ٹرائل کورٹ کو بھجوایا۔اسلام آباد ہائی کورٹ کے تحریری حکم نامے میں کہا گیا ہے کہ درخواست گزار کے وکیل کے مطابق 7 دن کا وقت 12 جولائی کو ختم ہونا تھا، ٹرائل کورٹ نے جلد بازی میں 8 جولائی کو ہی فیصلہ سنا دیا۔جاری کیے گئے تحریری حکم نامے کے مطابق پٹیشنر کے وکیل کا کہنا ہے کہ ٹرائل کورٹ نے انہیں سنا بھی نہیں، درخواست گزار کا مو قف ہے کہ انہیں ٹرائل کورٹ میں شنوائی کا مناسب موقع نہیں دیا گیا۔عدالتِ عالیہ کے تحریری حکم نامے میں کہا گیا ہے کہ وکیل کے مطابق ٹرائل کورٹ عدالتی سوالات کا جواب نہ دے تومعاملہ دوسری کورٹ بھجوانا چاہیے۔اسلام آباد ہائی کورٹ کے تحریری حکم نامے کے مطابق درخواست گزار کے وکیل نے اس معاملے پر سپریم کورٹ کے فیصلے کا بھی حوالہ دیا ہے۔تحریری حکم نامے میں کہا گیا ہے کہ درخواست پر فریقین کو نوٹس جاری کیے جا رہے ہیں، سماعت اگلے ہفتے میں کسی دن مقرر کی جائے گی۔اسلام آباد ہائی کورٹ نے ٹرائل کورٹ میں توشہ خانہ کیس پرحکمِ امتناع کی درخواست پر نوٹس جاری کر دیے۔