دو آنکھیں ۔ ڈاکٹر شاکرہ نندنی
دیکھا تھا تمہیں جب راتیں گہری اور خاموش تھیں
تمہاری آنکھوں کی چمک، جو میرے دل میں جاگ رہی تھی
تمہاری مسکراہٹ میں، جیسے کوئی راز چھپے ہوئے تھے
جنہیں میری نظریں بے چین ہو کر ڈھونڈتی تھیں
تمہاری قربت میں، دل کا سکون کہیں گم ہو گیا
تمہاری بے خود نگاہیں، مجھے اپنے اندر گم کر دیتی تھیں
تمہاری ہر حرکت میں، کوئی دُھندلا سا لمس تھا
تمہاری آنکھوں کی دھوپ میں، میں خود کو پگھلتا ہوا پاتی تھی
آنکھوں کے سامنے تمہارا چہرہ تھا، تمہاری نرم سی نگاہیں
جو دل میں ایک گہرا سا درد دیتی اور پھر وہی تکلیف خوشبو بن جاتی تھی
میرے اندر کچھ تھا، جو تمہیں چاہنے کی لذت میں رقص کرتا تھا
تمہاری مسکراہٹ جیسے کوئی خواب ہو، اور میں ان خوابوں کے رنگوں میں گم ہو جاتی تھی
یہ دل، یہ بدن، سب تمہاری محبت میں رقصاں تھے
تمہاری ہر بات، ہر حرکت، میری دنیا کو چھو کر گزر جاتی تھی
تمہاری آنکھوں کی گہرائیوں میں جو محبت کا سمندر تھا، وہ مجھے ڈوبو لیتا تھا
اور میں شاکرہ، اس سمندر میں تمہاری چاہت کی لہروں میں بہتا ہوا پاتی تھی