درجہ حرارت میں اچانک اضافہ، دریائے چترال میں طغیانی ، مختلف مقامات پر نشیبی علاقے زیر آب اگئے

درجہ حرارت میں اچانک اضافہ، دریائے چترال میں طغیانی ، مختلف مقامات پر نشیبی علاقے زیر آب اگئے

چترال (نمائندہ چترال ٹائمز )حالیہ دنوں میں درجہ حرارت میں اچانک اضافہ ہونے کے نتیجے میں دریائے چترال میں بھی طغیانی آگئی ہے اور چترال کی مختلف وادیوں میں نشیبی علاقے زیر آب آنے کی اطلاع موصول ہورہی ہیں۔ مقامی لوگوں کا کہنا ہے کہ اس سال دریا کا سطح بلند ہونے کی شرح نہایت خوفناک ہے جوکہ جولائی کی آخری ہفتے میں اپنی نقطہ عروج کو پہنچ جاتی ہے۔ انہوں نے کہاکہ اس وقت دریائے چترال کی سطح کی بلندی گزشتہ سالوں کی جولائی کے مہینے میں معمول کی سطح سے کہیں بلند تر ہے۔ اس سال مارچ سے بارشوں کے ذیادہ ہونے کی بنا پر مختلف گاؤں کی ندیوں میں پانی کی مقدار میں کمی نہیں آئی اور گاؤں کی ضرورت سے اضافی پانی دریائے چترال میں شامل ہورہے ہیں۔ چترال کا نواحی گاؤں اورغوچ مٰں اس سال اضافی پانی دریا میں گرنے کی اطلاع ہے جوکہ خوشگوار حیرت کا باعث ہے جبکہ یہ گاؤں پانی کی کمی کا شکار چند ایک گاؤں میں شمار ہوتا ہے۔