تمام آٹو میٹک رائفل ، بندوق اور پستول کے لائسنس منسوخ ، 31جنوری تک کی ڈیڈ لائن

چترال ( چترال ٹائمز رپورٹ ) ڈپٹی کمشنر چترال کے آفس سے جاری ایک نوٹس میں تمام آٹو میٹک بندوق، رائفل ، پستول کے لائسنس یافتہ حضرات کو مطلع کیا گیا ہے ، کہ وفاقی حکومت نے تمام آٹو میٹک بندوق ، رائفل ، پستول کے لائسنس جوکہ منسٹری آف انٹیئرئیر سے حاصل کرچکے ہیں کو فوری طور پر منسوخ کردیا گیا ہے ۔ لہذا وہ تمام حضرات اپنے لائسنس یافتہ آٹو میٹک بندوق، رائفل ، پستول حکومت کے ساتھ جمع کرکے مبلغ پچاس ہزار روپے آٹو میٹک رائیفل کیلئے اور مبلغ بیس ہزار روپے آٹو میٹک پستول کیلئے حکومت سے پیسے وصول کرسکتے ہیں یا وہ حضرات اپنے لائسنس یافتہ آٹو میٹک بندوق، رائفل ، پستول کو چترال کے لائسنس یافتہ آرمز ریپءئر میکنیک کے زریعے Semi/non automatic weaponsمیں تبدیل کراکے ڈی سی آفس چترال سے سرٹفیکیٹ حاصل کرسکتے ہیں۔ اور یہ کام 31جنوری 2018تک ہر صورت مکمل ہونی چاہیے مقرر ہ تاریخ کے بعد کوئی بھی کام قابل قبول نہیں ہوگا۔ اوران کے خلاف قانونی کاوارئی عمل میں لایا جائیگا۔ مذید معلومات کیلئے ڈی سی آفس کے لائسنس برانچ سے رابطہ کرنے کی تاکید کی گئی ہے ۔