پشاور(چترال ٹائمز رپورٹ ) چترال کا تاریخی چار روزہ جشن قاقلشٹ رنگا رنگ کھیلوں کے ساتھ دوسرے روز بھی جاری رہا، 8ہزار بلندی پر واقع وادی ققلشت میں شروع ہونے والے جشن قاقلشٹ چترال کی تاریخ کا 2ہزار سال پرانا فیسٹیول ہے جس میں ملک بھر سے سیاحوں سمیت بیرون ممالک سے سیاح اس فیسٹیول میں شرکت کرتے ہیں ، فیسٹیول میں مختلف سپورٹس کھیلوں جن میں پولو، خصوصی افراد کے کھیل، ثقافتی کھانوں کے سٹالز، ثقافتی شو، رسہ کشی، شوٹنگ ، میراتھن ریس ، والی بال ،راک گلائمبنگ ، کرکٹ ، فٹبال ، آرچری ، فالک پرے ، ہاکی اورموسیقی نائٹ سمیت پیراگلائیڈنگ ، زِپ لائننگ، مشاعرہ اور دیگر سرگرمیاں شامل ہے ، فیسٹیول کے انعقاد کا مقصدقاقلشٹ کے مقام کو سیاحت کیلئے آباد کرنا اور چترال کی ثقافت کی رونمائی ہے ، چترالی ثقافت تاریخی ثقافت ہے اورچترال میں ہر سال دنیا بھر سے سیاح ان مقامات کارخ کرتے ہیں ، افتتاحی تقریب سے خطاب کرتے ہوئے مہمان خصوصی ڈپٹی کمشنر چترال ارشاد سدھر نے کہاکہ سیاحت سے متعلق سیاحوں اور شہریوں کو مواقع فراہم کرنے سے مقامی آبادی کو فائدہ ہوتا ہے اور سیاحت کے فروغ سے معیشت مستحکم ہوتی ہے ، ہماری کوشش ہے کہ چترال کو سیاحوں کیلئے بہترین سیاحتی مقام کے طور پر پیش کیا جائے تاکہ سیاح ان علاقوں کا رخ کرسکیں،
