بہترین کارکردگی کے حامل پولیس جوانوں میں اسناد تقسیم
چترال (چترال ٹائمزرپورٹ) ڈی۔پی۔او چترال وسیم ریاض (PSP) نے اپنے آفس میں اردلی روم کا انعقاد کیا جس میں بہترین کارکردگی دکھانے والے پولیس جوانوں میں انعامات اور اسناد تقسیم کیے گئے ۔ڈی۔پی۔ او نے جوانوں سے اپنے خطاب میں کہا کہ وہ خلوص نیت سے اپنی ڈیوٹی سرانجام دیں اور محنت و لگن سے مزید نکھار لائیں تاکہ پولیس ڈپارٹمنٹ کی نیک نامی ھو اور عوام کے دلوں میں پولیس کے لئے جگہ بنائیں ۔ کمیونٹی پولسینگ سے متعلق بھی ہدایت جاری کئے اور عوام کی خدمت کو اولین ترجیح دینے پر زور دیا ۔
