بھٹو کے قاتل ہائیکورٹ اور سپریم کورٹ کے جج صاحبان تھے، بلاول بھٹو
لاہور(سی ایم لنکس) پیپلز پارٹی کے چیئرمین بلاول بھٹو کا کہنا ہے کہ ذوالفقار علی بھٹو کے قاتل ہائیکورٹ اور سپریم کورٹ کے جج صاحبان تھے لیکن آج کے بعد کوئی بھی وزیر اعظم بنے ان کے ساتھ ایسا سلوک نہیں کیا جائے گا۔لاہور ہائیکورٹ کے جاوید اقبال آڈیٹوریم میں پاکستان کے آئین بننے کی 50 سالہ تقریب سے خطاب کرتے ہوئے بلاول بھٹو زرداری کا کہنا تھا کہ کہا جاتا ہے کہ عدالت میں انصاف کے لیے آیا جاتا ہے لیکن آج تک اس لاہور ہائیکورٹ کو کرائم سین کے طور پر ہی دیکھا جاتا رہا ہے۔انہوں نے کہا کہ وہ لیڈر جو مسلم اْمّہ کا ترجمان تھا وہ اسی لاہور میں تھا۔ اسی نے سمجھایا کہ جو آپ کے پاس تیل ہے وہ ناصرف کمائی کا ذریعہ ہے بلکہ طاقت ہے۔ فلسطین میں ہمارے بہن بھائیوں کے ساتھ ظلم ہو رہا ہے تب بھی ظلم ہوتا تھا لیکن اس وقت لیڈر بھٹو تھا، انہوں نے فیصلہ کیا تھا کہ جب تک فلسطینوں کے ساتھ ظلم ہوگا تب تک آپ کو تیل نہیں دیں گے۔بلاول بھٹو نے کہا کہ ہم امید رکھتے ہیں عدالتوں سے کہ اتنے سال گزرنے کے بعد نا صرف قانون کے مطابق غلطی کو درست کریں گے بلکہ تاریخ کو بھی درست کریں گے، جج صاحبان اپنے جج صاحبان کے خون کے داغ دھوئیں گے۔انہوں نے کہا کہ پاکستان میں اس وقت سیاست میں پولورائزیشن چل رہی ہے، کچھ دیر پہلے جب آپ نعرے لگا رہے تھے تو پیچھے سے پی ٹی آئی کے نعرے لگے، ہم نے سیاست کو ذاتی دشمنی بنا لیا ہے اور خان صاحب کا اس میں سب سے زیادہ کردار ہے۔چیئرمین پی پی کا کہنا تھا کہ میں زبردستی جیے بھٹو کے نعرے نہیں لگواؤں گا بس چاہتا ہوں کہ آپ مانیں کہ میں بھی محب وطن پاکستانی ہوں، میں آپ کے سیاسی لیڈر سے اختلاف کرسکتا ہوں لیکن ان کی میں عزت کرتا ہوں۔
روپوش رہنما جلد کاغذات جمع کرائیں گے، بیرسٹر گوہر
پشاور(چترال ٹائمزرپورٹ) چئیرمین پی ٹی آئی بیرسٹر گوہر نے کہا ہے کہ پی ٹی آئی ملک کی 70 فی صد مقبول جماعت ہے اگر اس سے بیٹ کا نشان لیا تو ہارس ٹریڈنگ شروع ہوجائے گی، ہمارے روپوش رہنما جلد کاغذات نامزدگی جمع کرائیں گے۔پشاور میں میڈیا سے گفتگو کرتے ہوئے انہوں نے کہا کہ انٹرا پارٹی الیکشن کمیشن کیس میں الیکشن کمیشن کا جواب نہیں آیا عدالت نے جواب کی کاپی طلب کی، عدلیہ سے امید ہے، پی ٹی آئی ملک کی 70 فی صد مقبول جماعت ہے اگر اس سے بیٹ کا نشان لیا تو ہارس ٹریڈنگ شروع ہوجائے گی، ہم چھ ماہ سے بیٹ کے نشان کے لیے کوششیں کررہے ہیں۔انہوں نے کہا کہ پاکستانی کی 174 پارٹی میں سب سے زیادہ شفاف انٹرا پارٹی کے انتخابات پی ٹی آئی نے کروائے، پی ٹی آئی نے کبھی کسی فورم میں عدلیہ کے خلاف بات نہیں کی۔بیرسٹر گوہر نے کہا کہ پشاور ہائی کورٹ کا رول بہت منصفانہ رہا ہے پشاور اور لاہور ہائی کورٹ میں انتخابات عدالیہ کی نگرانی میں کرانے کی درخواستیں دی ہیں، ہم سمجھتے ہیں کہ ڈپٹی کمشنر اور انتظامیہ غیر جانب دار ہیں، سپریم کورٹ کا ہر فیصلہ منظور ہے، یہ احکامات جاری کریں کہ شفاف انتخابات کروائیں۔انہوں نے کہا کہ ہمارا ورکر اور سپورٹر بہت متحرک ہے ہم انتخابات کا انتظار کررہے ہیں، شفاف انتخابات الیکشن کمیشن کی ذمہ داری ہیں، 25 کروڑ عوام کی نظریں آپ پر ہیں۔انہوں ں ے مزید کہا کہ پی ٹی آئی کے روپوش رہنما جلد انتخابات کے لیے کاغذاتِ جمع کرائیں گے۔