بلدیاتی انتخابات کا اعلان ہوتے ہی چترال میں کاغذات نامزدگی جمع کرنے اور فارم لینے کا سلسلہ شروع
چترال ( نمایندہ چترال ٹایمز ) بلدیاتی انتخابات کا اعلان ہوتے ہی لویر اور اپر چترال میں انتخابی سرگرمیاں شروع ہوگی ہیں ۔لویرچترال میں ریٹرننگ آفیسرحفیظ اللہ کے آفس میں آج بلدیاتی انتخابات کے امیدواروں کا تانتا بندھا رہا۔آر او اور اے آر او نے بعض امیدواروں کی کاغذات نامزدگی کی غلطیوں کی موقع پر تصحیح بھی کرائی۔ 9 ویلیج کونسلز سے اس وقت تک کل 38 امیدواروں نے کاغذات نامزدگی جمع کرائے۔ پریس ریلیز کے مطابق زیادہ تر کاغذات نامزدگی کیلاش ویلیز سے موصول ہوئیں۔امیدواروں کو سکروٹنی کے لئے 21، 22 اور 23 فروری کی تاریخیں دی گئیں۔آج 27 مزید فارمز بھی جاری کئے گئے۔ امیدوار 18 فروری کے شام 5بجے سے پہلے تک نامزدگی فارم لے بھی سکتے ہیں اور جمع بھی کرسکتے ہیں۔ امیدواروں کے اطلاع کے لئے عرض ہے کہ الیکشن فارم کی فلنگ کی کوئی فیس مقرر نہیں ہے اسلئے وہ کسی کو پیسے دینے گریز کریں۔اسی طرح دیگر تحصیلوں میں بھی کاغذات نامزدگی جمع کرنے اور فارم لینے کا سلسلہ جاری رہا ۔
