بجلی کے بلوں میں اضافے کے خلاف ریشن اپرچترال میں احتجاجی جلسہ ، ۲۱جون تک کاڈیڈ لائن

اپر چترال (نمائندہ چترال ٹائمز ) اتوار کے رو ز رمداس چوک ریشن میں بجلی کے بلوں میں اضافے کے خلاف بھرپور احتجاجی جلسہ منعقد کیا گیا جلسے کی صدارت ریٹائر صوبیدار افسر علی شاہ نے کی مقررین میں اکبر حسین ، حاجی عبدرالرب، سید سردار حسین شاہ ، نورعالم ، نادر جنگ ، ریٹائر پرنسپل صاحب الرحمن، چیئرمین ویلج کونسل ریشن اشفاق احمد اور مولانا اکرام الدین نمایاں تھے، جلسے میں عوام ریشن کی کثیر تعداد نے شرکت کی مقررین نے کہا ہم ایک سال سے سراپا احتجاج ہیں لیکن حکومت وقت اور انتظامیہ ہمارے جائز مطالبات کو تسلیم کرنے کے بجائے ٹال مٹول سے کام لے رہی ہے مقررین نے حکومت کو 21 جون تک کا وقت دے دیا اگر 21 جون سے پہلے پہلے ہمارے مطالبات حل نہ کیے گئے تو سنگین نتائج ہوں گے اس کی تمام تر ذمہ داری حکومت اور انتظامیہ پر عائد ہوگی۔