بجلی کی لوڈشیڈنگ سے متعلق پشاور ہائیکورٹ کا فیصلہ کالعدم قرار
بجلی کی لوڈشیڈنگ سے متعلق پشاور ہائیکورٹ کا فیصلہ کالعدم قرار
اسلام آباد( چترال ٹایمزرپورٹ) سپریم کورٹ آف پاکستان نے بجلی کی لوڈشیڈنگ سے متعلق پشاور ہائی کورٹ کا فیصلہ کالعدم قرار دے دیا۔جسٹس اعجاز الاحسن کی سربراہی میں 3 رکنی بینچ نے پیسکو کی اپیل منظور کر لی۔سپریم کورٹ نے کہا کہ پشاور ہائی کورٹ کا لوڈشیڈنگ کے خاتمے کا حکم قانون کے خلاف ہے۔عدالت نے ہدایت کرتے ہوئے کہا کہ بجلی کی لوڈشیڈنگ سے متاثرہ افراد نیپرا سے رجوع کریں، قانون میں ڈسکوز کے خلاف نیپرا اتھارٹی اور ٹریبونل کے فورم قائم کیے گئے ہیں۔سپریم کورٹ نے کہا کہ متعلقہ فورم کے ہوتے ہوئے ہائی کورٹ براہِ راست حکم جاری نہیں کر سکتی۔دورانِ سماعت پیسکو کے وکیل نے عدالت کو بتایا کہ پشاور ہائی کورٹ نے لوڈشیڈنگ پر حکام کے خلاف مقدمات درج کرانے کا حکم دیا، لوڈشیڈنگ پورے ملک کا مسئلہ ہے، پیسکو حکام پر مقدمات بلاجواز ہوں گے۔جسٹس منیب اختر نے کہا کہ اس معاملے میں کئی تیکنیکی نکات بھی آ سکتے ہیں، عدالت کیسے جائزہ لے گی؟ جن فیڈرز سے ریکوری نہیں ہو رہی ان کا کیا کریں گے؟
دورانِ عدت نکاح کیس خارج کرنے کی چیئرمین PTI، بشریٰ بی بی کی درخواست پر سماعت نہ ہو سکی
اسلام آباد(سی ایم لنکس)اسلام آباد ہائی کورٹ میں آج دورانِ عدت نکاح کیس خارج کرنے کی چیئرمین پی ٹی آئی اور بشری بی بی کی درخواست پر سماعت نہ ہو سکی۔چیف جسٹس عامر فاروق کی عدالت میں کیسز کی ریگولر کاز لسٹ منسوخ کر دی گئی۔جس کے بعد چیئرمین پی ٹی آئی کی کیسز کی تفصیلات فراہمی کی درخواست پر سماعت بغیر کارروائی ملتوی کر دی گئی۔چیف جسٹس عامر فاروق نے آج سنگل بینچ کی کاز لسٹ میں صرف ارجنٹ کیسز کی سماعت کی۔چیف جسٹس عامر فاروق کی سربراہی میں ڈویڑن بینچ میں بھی صرف ارجنٹ کیسز پر ہی سماعت ہو گی۔دو رکنی ڈویڑن بینچ میں ارجنٹ کے سوا دیگر تمام کیسز کی کاز لسٹ بھی کینسل کر دی گئی ہے۔