چترال (نمائندہ چترال ٹائمز) اے کے ایف سی کے زیر اہتمام گذشتہ دنوں سے جاری فٹ بال ٹورنامنٹ اختتام پذیر ہوا۔ ابتدائی میچ چترال ٹاؤں میں کھیلا گیا اور گراونڈ میں تعمیراتی کام شروع ہونے کی وجہ سے ٹورنامنٹ کے بقیہ میچ کرنل مراد اسٹیڈیم دروش میں کھیلا گیا۔ فائنل میچ موڑہ چترال اور مغلاندہ چترال کے مابین کھیلا گیا ۔ میچ کافی سنسنی رہا اور اختتام تک کوئی بھی ٹیم اسکور کرنے میں ناکام رہی ۔ آخر میں پینلٹی کک میں موڑدہ نے برتری حاصل کی۔گراونڈ میں کثیر تعداد میں تماشائی حضرات موجود تھے۔مہمان خصوصی ممبرصوبائی وچیئرمین ڈیڈک سلیم خان نوجوانون سے مخاطب ہو کر کہا ہے کہ نوجوان قوم کا قیمتی آثاثہ ہیں اس لیے تعلیم کے ساتھ ساتھ کھیلوں کی طرف راغب ہو کر معاشرے میں نمایاں کردار ادا کر سکتے ہیں ان کی حوصلہ افزائی ہم سب کی ذمہ داری ہے۔ انہوں نے کہا کہ ہمارے دور حکومت میں سیداآباد میں اسٹیڈیم کیلئے اراضی بھی لی گئی ہے جس سے نوجوانوں استفادہ کرینگے ۔ ان کا مزید کہنا ہے کہ تعلیمی میدان میں پاکستان پیپلز پارٹی نے چترال میں تعلیمی جھال بچھانے میں کوئی کسرنہیں چھوڑی ہے ۔دروش گرلزڈگری کالج، شاہنگار ہائی سکول،ارندو ہائی سکول،عشریت سکول ، مڈکلشت ہائی سکول دیگر ہائی ،مڈل اورپرائمری سکول اُن کی زندہ مثال ہے ۔انہوں نے کہاکہ دروش اورآس پاس کے پسماندہ علاقوں کی نمائندگی کرتے ہوئے تحصیل ہیڈکوارٹر ہسپتال کیلئے صوبائی اسمبلی میں کئی مرتبہ آواز اٹھائی ہے جس کی بدولت آج دروش ہسپتال کی اپگریڈیشن ہوئی ہے اورگریڈسی بھی آخری مرحلے میں ہے اور بلڈنگ کی تعمیراتی کام آخری مراحل پہنچ چکے ہیں۔انہوں نے کہاکہ پاک چائینہ اقتصادی راہدی کا روٹ چترال میں شامل کرنا،گولین گول ہائیڈو پاؤر پراجیکٹ ، لاوی ہائیڈو پاؤر پراجیکٹ جیسے بڑے بڑے منصوبے ہمارے دورے حکومت میں چترال کیلئے بہترین تحفہ ہیں۔ بہترین ٹورنامنٹ کا انعقاد کر نے پر اے کے ایف سی کے انتظامیہ کو خراج تحسین پیش کیا اور 30 ہزار روپے کا اعلان کیا۔ ساتھ ساتھ رنر او ر ونر ٹیم کو دس دس ہزار روپے کا اعلان کیا گیا۔ اس موقع پرپاکستان پیپلزپارٹی علماء ونگ کے صدرمولاناقاری نظام الدین،ضلعی سینئرنائب صدرانجینئرفضل ربی جان،سب ڈویژن چترال کے صدرعالمزیب ایڈوکیٹ،تحصیل دروش کے صدرعبدالحمیدایڈوکیٹ وجنرل سیکرٹری مہترژاؤسکندراحمدخان،صدرپی پی پی یوسی ارندوحاجی غازی خان دیگرپارٹی ورکرزنے سلیم خان کوخراج تحسین پیش کرتے ہوئے آنے والے الیکشن میں بھاری مینڈیٹ سے کامیاب کرنے کاعہدکیا۔
