اپر چترال کے مختلف علاقوں میں طوفانی ہواؤں کی زد میں اکر درجن سے زیادہ گھروں کی چھتیں اُڑگئیں،
اپر چترال (نمائندہ چترال ٹائمز) اپر چترال کے تحصیل موڑکہوتورکہو میں طوفانی ہواؤں نے تباہی مچادی۔ گزشتہ دن تیز اور طوفانی ہواؤں کی زد میں اکر درجن سے زیادہ گھروں کے چھتیں اُڑگئیں ہیں۔ اور ایک مسجد بھی شہید ہوگئی ہے۔ عینی شاہدین نے چترال ٹایمز کو بتایا کہ ہوا کی رفتار اتنی تیز تھی کہ جستی چادروں کے ساتھ مکانات کی شہیتر اور ستونوں کو بھی اُکھاڑدیا ہے۔ تاہم کسی قسم کی جانی نقصان کی اطلاع نہیں ہے۔ کوشٹ کے علاقہ میں ایک مسجد اور درجن سے زیادہ گھرمتاثرہیں۔ اسی طر ح تورکہو کے رائین گاوں، زیزدی اور نیشکوہ میں بھی گھروں کو نقصان پہنچا ہے۔ کوشٹ کے علاقہ میں ایک درجن سے زیادہ گھر متاثرہونے کی وجہ سے مکین کھلے اسمان تلے رہنے پر مجبور ہوگئے ہیں۔ علاقے کے عوام نے صوبائی حکومت، ضلعی انتظامیہ اور خصوصی طور پر این ڈی ایم اے، پی ڈی ایم اے اور غیر سرکاری اداروں سے متاثرین کے ساتھ فوری امداد کی اپیل کی ہے۔
