اپر چترال میں کرونا کے مذید تین پازیٹیوکیسز کی تصدیق، کل متاثرہ افراد کی تعداد 8ہوگئی
چترال (نمائندہ چترال ٹائمز) اپر چترال سے کرونا کے مذید تین کیسز کی تصدیق ہوئی ہے۔ جن کے ساتھ اپر چترال میں کل پازیٹیو کیسز کی تعداد آٹھ ہوگئی۔ محکمہ صحت کے مطابق ہدایت الرحمن ولد عبد الرحمن ساکن تریچ اور اجمل الدین ولد معراج الدین ساکن تریچ کے کورونا ٹیسٹ پازیٹیو رپورٹ ہوئی ہیں۔ اسی طرح مستوج کے نواحی گاوں نصر سرغوز کے رہائشی صاحب شریف خان ولد بخت علی میں کرونا وائس کی تصدیق ہوئی ہے۔ ان تین افراد کے ساتھ اپر چترال میں کل پازیٹیو کیسز کی تعداد آٹھ ہوگئی ہے۔ تینوں افراد کو قرنطینہ سے ٹی ایچ کیوہپستال بونی کے آئسولیشن وارڈ شفٹ کردیا گیاہے۔