اپر چترال میں ایک اورمریض میں کورونا پازیٹیورپورٹ موصول، کل تعداد14جبکہ لوئیرمیں2 4ہوگئ
چترال (نمائندہ چترال ٹائمز)چترال اپر میں آج ایک اورشخص میں کورونا پازیٹیورپورٹ موصول ہوئی ہے ۔ محکمہ ہیلتھ کے مطابق بہادرعلی ساکن کھوت کی کورونا ٹیسٹ رپورٹ مثبت آئی ہے ۔ جس کے ساتھ اپر چترال میں کورونا مریضوں کی کل تعداد چودہ ہوگئی جبکہ ان میں سے آٹھ افراد صحت یاب ہوکر آئسولیشن وارڈ سے ڈسچارچ ہوگئے ہیں ۔
اسی طرح لوئر چترال میں کورونا پازیٹیوکیسز کی کل تعداد بیالیس ہے جن میں سے ۳۳افراد صحت یاب ہوکر فارغ ہوگئے ہیں صرف نو پازیٹیوکیسز کے حامل مریض آئسولیشن وارڈ میں ہیں۔ یہاں یہ بات بھی قابل ذکر ہے کہ کورونا پازیٹیو مریضوں کیلئے پی ٹی ڈی سی موٹل چترال میں آئسولیشن وارڈ قائم کردیا گیا ہے ۔ جبکہ قرنطینہ سنٹروں کو ختم کردیا گیا
اپر اورلوئیر چترال میں ابتک کورونا مریضوں کی کل تعداد 56ہوگئی ہے۔ جن میں سے صرف پندرہ مریض آئسولیشن میں ہیں باقی صحت یاب ہوکر فارع ہوگئے ہیں۔ یہاں یہ بھی قابل ذکر ہے کہ چترال کے دونوں اضلاع میں ابتک کورونا کی وجہ سے کوئی فوتگی نہیں ہوئی ہے۔
