اپرچترال ، ریشن گاوں میں طالب علم جان بحق ، حادثاتی موت یا قتل ، پولیس اسٹیشن میں درخواست دائر
اپرچترال ، ریشن گاوں میں طالب علم جان بحق ، حادثاتی موت یا قتل ، پولیس اسٹیشن میں درخواست دائر
اپرچترال ( نمائندہ چترال ٹائمز ) ریشن کولوم شوغور میں نوجوان کی لاش ملی ہے، اور لاش کے ساتھ موٹرسائیکل بھی ایکسیڈنٹ کی صورت میں پڑی ہے، مقامی پولیس کو اطلاع ملنے پر لاش پوسٹ مارٹم کے لئے ہسپتال منتقل کردیا ہے،۔ اور لاش کی شناخت رفیق علی ساکن ریشن کے طور پر کیا گیا ہے ، زرائع کے مطابق رفیق علی پشاور کے ایک پرائیوٹ یونیورسٹی میں ارکیٹیکچر انجینئرنگ کا طالب علم تھا ، جو عید کی چھٹیوں پر گھر آیا ہوا تھا اورآج موٹرسائیکل سمیت انکی لاش ریشن کولوم شوغور کے قبرستان کے قریب کھائی میں ملی ہے، بعض زرائع کے مطابق نوجوان کی موت حادثاتی ہے اوروجہ حالیہ بارشوں کے بعد سڑکوں کو ناگفتہ بہ حالت ہے مگر ان کے بعض رشتہ داروں نے پولیس میں یہ دعوی کیاہے کہ واقعہ حادثہ نہیں بلکہ قتل ہے، جس پر پولیس لاش کو تحویل میں لیکر پوسٹ مارٹم کے بعد انکوائری کررہی ہے۔