الیکشن کمیشن نے عام انتخابات 2024ء کا شیڈول جاری کردیا
اسلام آباد ( چترال ٹائمز رپورٹ ) الیکشن کمیشن نے عام انتخابات 2024ء کا شیڈول جاری کردیا، جس کے مطابق عام انتخابات کے لیے 20 سے 22 دسمبر تک امیدوار کاغذات نامزدگی جمع کراسکیں گے،امیدواروں کے ناموں کی فہرست 23 دسمبر کو جاری کی جائے گی، جبکہ 24 دسمبر سے 30 دسمبر تک کاغذات نامزدگی کی جانچ پڑتال ہوگی، اسی طر ح 3 جنوری 2024ء کو کاغذات کی منظوری اور مسترد ہونے پر اپیلوں کی سماعت ہوگی، اعلامیہ کے مطابق 10 جنوری 2024ء کو اپیلوں پر اپیلٹ اتھارٹی کے فیصلوں کا آخری روز ہوگا، 11 جنوری 2024 کو امیدواروں کی نظرثانی فہرست جاری کی جائے گی، اور12 جنوری 2024ء کو کاغذات نامزدگی واپس لینے کی آخری تاریخ ہوگی، جبکہ 13 جنوری 2024ء کو امیدواروں کو انتخابی نشان الاٹ ہوں گے، اور عام انتخابات کے لیے پولنگ 8 فروری 2024ء بروز جمعرات کو ہوگی۔
