اقراء روضتہ الاطفال ٹرسٹ چترال کے زیر انتظام 482 طلباوطالبات نے حفظ قران پاک مکمل کرکے فارع، حفاظ کرام کو نشان اقراء ایوارڈ سے نوازا گیا،

چترال ( نمائندہ چترال ٹائمز ) اقراء روضتہ الاطفال ٹرسٹ چترال کے زیر انتظام بچوں اور بچیوں کو حفظ قرآن پر نشان اقراء ایوارڈ دینے کے لئے ایک سادہ پروقار تقریب پریڈ گراؤنڈ لوئر چترال میں گزشتہ دن منعقد ہوئی۔ اس تقریب میں 482طلبہ وطالبات کو نشان اقراء ایوارڈ دیا گیا جنہوں نے قرآن مجید فرقان حمید کو اپنے دلوں میں محفوظ کئے تھے ۔
اقراء روضۃ الاطفال ٹرسٹ کے تقریباً 195شاخین ملک بھر کے مختلف علاقوں میں موجود ہیں جہاں پچاسی ہزار تین سو طلبہ وطالبات زیر تعلیم ہیں جنھیں عصری علوم کے ساتھ قرآن پاک بھی حفظ کرایا جاتا ہے۔

چترال کا پروگرام اس لئے بھی منفرد تھا کہ تقریباً 12سال کے بعد ہو رہا تھا ۔تقریب میں طلبہ وطالبات کے علاؤہ کثیر تعداد میں والدین اور مہمان گرامی شریک ہوئے۔
تقریب کے مہمان خصوصی مولانا عبد الرحمن تھے ۔ان کے علاؤہ چترال کے مشہور سماجی ومذہبی شخصیت قاری فیض اللہ چترالی ، خطیب شاہی مسجد مولانا خلیق الزماں کاکاخیل ، اقراء کے بانی مولانا مفتی خالد محمود ،مولانا مفتی محمد اول ، پشاور زون کے ناظم تعلیمات مولانا قاری اسرار احمد رحیم،زون ناظم الامور مولانا مطیع الرحمن ، مولانا میربہادر ، مولانا محمود الحسن ، انور مقصود نے شرکت کی۔ یہ بہت ہی مختصر اور انتہائی سادہ تقریب تھی ۔

تقریب میں تلاوت حمد نعت مختلف زبانوں میں طلبہ وطالبات نے تقاریر پیش کئے ۔اور سامعین سے خوب داد وصول کئے ۔معزز علماء کرام نے طلبہ کو نشان اقراء ایوارڈ پیش کئے ۔یہ پروقار تقریب قاری فیض اللہ چترال کی دعا سے اختتام پذیر ہوا۔کامیاب تقریب کے انعقاد پر منتظمین کو خصوصاً انور مقصود کومبارک باد پیش کیا گیا ۔