اسرائیلی مظالم کے خلاف اور فلسطینی مسلمانوں کے ساتھ اظہاریکجہتی کے لئے جماعت اسلامی کے زیر اہتمام چترال میں احتجاجی مظاہرہ

چترال (نمایندہ چترال ٹائمز)جمعتہ الوداع کے موقع پر جماعت اسلامی چترال نے فلسطینی مسلمانوں کے ساتھ یکجہتی کا دن مناتے ہوئے اسرائیلی ریاست کی ذیادتیوں کے خلاف بھر پور احتجاج کیا اور ریلی نکالی۔

جماعت اسلامی کے رہنماؤں مولانا جمشید احمد، وجیہہ الدین، قاضی سلامت اللہ اور دوسروں نے عزہ میں فلسطینی مسلمانوں کی اسرائیل کے ہاتھوں نسل کشی کی سخت مذمت کی جس میں 33ہزار فلسطینی اب تک شہید ہوچکے ہیں۔ امریکی حکومت انتہا ئی دوغلاپن کا مظاہر ہ کررہی ہے جوکہ فلسطین میں مسلمانوں کا خون بہانے میں اسرائیل کا مددگارہے۔ تمام مسلمانوں کو اسرائیلی مصنوعات کا مکمل بائیکاٹ کرنا چاہئے جس سے حاصل ہونے والی آمدنی کو مسلمانوں کے خلاف استعمال کیاجارہا ہے۔ حکومت پاکستان کو چاہئے کہ وہ دوٹوک پالیسی اختیارکرتے ہوئے اسرائیلی مظالم کو روکنے میں اپنا بھر پور کرداراد کرے۔