![Chitral Times - The voice of Chitral | اساتذہ کا جنرل ٹرانسفرکرکے تعلیمی سال کے دوران ٹرانسفرپر پابندی لگائی جائے ۔۔انصاف ٹیچرز Shahid Jalal](https://chitraltimes.com/wp-content/uploads/2019/01/Shahid-Jalal.jpg)
اساتذہ کا جنرل ٹرانسفرکرکے تعلیمی سال کے دوران ٹرانسفرپر پابندی لگائی جائے ۔۔انصاف ٹیچرز
چترال(چترال ٹائمزرپورٹ ) انصاف ٹیچر ایسو سی ایشن ضلع چترال نے صو بائی حکومت سے مطالبہ کیا ہے کہ نئے تعلیمی سال شروع ہونے سے پہلے اسا تذہ کا جنرل ٹرانسفر کر کے اس کے بعد تعلیمی سال کے دوران ٹرانسفر پر مکمل پابندی لگائی جائے ، سابق وزیر اعلیٰ پر ویز خٹک نے ٹرانسفر پر پا بندی لگاکر تعلیمی معیار کو بہتر بنا یا تھا۔ ایک اخباری بیان میں انصاف ٹیچر ایسو ایشن کے صدر شاہد جلال نے کہا ہے کہ گزشتہ 5سالوں کی پا بندی کی وجہ سے اساتذہ کو کئی مسائل کا سامنا ہے ۔ جنرل ٹرانسفر نہ ہونے کی بنا ء پر اساتذہ انفرادی درخواستیں لیکر سفارش ڈھونڈتے ہیں اور دفتروں کے چکر لگا نا پڑ تا ہے ۔ ضلعی دفاتر سے لیکر صو بائی دفاتر تک ہر جگہ ٹاوٹ کلچر پروان چڑھ رہا ہے ۔ جو اساتذہ برادری میں بے چینی کا سبب بن رہا ہے ۔مو جودہ حکومت سکو لوں کا معیار بہتر بنانا چاہتی ہے اس لئے تعلیمی سال شروع ہونے سے پہلے میرٹ پر اساتذہ کی جنرل ٹرانسفر کر کے پورے سال کے دوران تبدیلی پر پا بندی لگائے ۔