کنگ سلمان ہیو مینیٹیرین ایڈ اینڈ ریلیف سینٹر كی طرف سے چترال سمیت پاکستان کے 10 اضلاع میں قربانی کے گوشت کی تقسیم کا عمل مکمل
اسلام آباد(چترال ٹایمز رپورٹ ) کنگ سلمان ریلیف سینٹر کی طرف سے عید الاضحی کے موقع پر 300بیل اور600بکروں کی اجتماعی قربانی کا اہتمام پاکستان کے دس اضلاع میں کیا گیا تاکہ مستحق اور متاثرہ افراد بھی عید الاضحی کے موقع پر قربانی کے گوشت سے مستفید ہوں.۔ ان اضلاع میں چترال لویر بھی شامل تھا جہاں کلاش ویلی کے بمبوریت اوررمبورویلی میں قربانی کا گوشت تقسیم کیاگیا۔
جاری پریس ریلیز کے مطابق اس پروگرام کے تحت خیبرپختونخوا کے 8 اضلاع جبکہ گلگت بلتستان کے دو اضلاع میں قربانی کا گوشت تقسیم کیا گیا ان اضلاع میں خیبرپختونخوا کا ضلع چارسدہ، مردان، صوابی، لکی مروت مانسہرہ، چترال، کوہستان، باجوڑ جبکہ گلگت بلتستان کے قدرتی آفات سے متاثرہ اضلاع گانچھے اور روندو شامل تھے یہ پروگرام نیشنل ڈیزاسٹر مینجمنٹ اتھارٹی، مقامی حکومت اور مقامی این جی او کے تعاون سے کیا گیا جس سے پاکستان میں 80 ہزار 297 سے زائد افراد مستفید ہوہے-
