چترال (ارشاداللہ شاد) چترال کی وادی گولین کے متاثرین سیلاب میں ڈاکٹرز ورلڈ وائڈ (DWW)ٹرسٹ پاکستان کے تحت امدادی اشیا ء تقسیم کئے گئے۔ جاری پریس ریلیز کے مطابق گزشتہ دن فوڈ پروگرام کے تحت گولین سیلاب متاثرین میں 150فوڈ پیکجز جس میں آٹا، چینی، چاول، دالیں، خشک دودھ، گھی،مصالحہ جات و دیگر اشیاء خوردونوش تقسیم کئے گئے۔ علاقے کے عوام نے ٹرسٹ کی کاوشوں کو سراہا اور شکریہ ادا کیا۔ٹرسٹ کے ذمہ داروں نے کہا ہے کہ ہم چترال میں سیلاب سے متاثرہ بہن بھائیوں کی غم میں شریک ہیں اور ان کی مدد کیلئے ہر ممکن کوشش جاری رکھیں گے۔