چترال (چترال ٹائمز رپورٹ ) تحریک انصاف کے سینئر رہنما اور ایڈیشنل جنرل سیکرٹری ملاکنڈ ڈویژن اسرار الدین صبور نے ایک اخباری بیاں میں کہا ہے کہ پاکستان تحریک انصاف لوئر چترال کی ضلعی کابینہ کی دو تہائی اکثریت کابینہ سے مستعفیٰ ہو چکے ہیں اور موجودہ کابینہ صرف تین افراد پر مشتمل ہے جس کی قانونی حیثیت تقریبا معزول تصور ہوتی ہے اور ایسے میں تحصیل یا یوسی لیول پہ تنظیم سازی کرنا حماقت ہوگی کیونکہ نامکمل کابینہ کے فیصلے بھی قانونی اعتبار سے نامکمل ہیں اور جب تک ضلعی کابینہ مکمل طور پر تشکیل نہیں پاتی تب تک کوئی بھی تنظیم سازی سیاسی مذاق تصور ہو گی اور اسے کوئی بھی سنجیدہ لینے کو تیار نہیں ہوگا۔ لہذا میں اپنی طرف سے تحریک انصاف لوئر چترال کے کارکنوں سے گذارش کرتا ہوں کہ وہ ایسے کسی بھی سرگرمی کا حصہ نہ بنیں جس کا انجام شرمندگی اور رسوائی ہو۔ لہذا جب تک ضلعی کابینہ کی تشکیل مکمل نہیں ہوتی تب تک کوئی بھی تنظیم سازی قانونی تصور نہیں ہو گی۔
بونی (چترال ٹائمز رپورٹ ) ڈپٹی کمشنر اپرچترال کی جانب سے تین گاوں کو سیل کرنے کے حوالے سے نوٹیفیکشن جاری کردیا گیا۔۔موڑگرام بونی،بیلا دوری ریشان، سیداندور کوراغ کو سمارٹ لاک ڈاون کے تحت سیل کردیا گیا۔۔اپر چترال میں گزشتہ 24 گھنٹوں کے دوران کرونا کے 17کیسیز رپورٹ ہوئے جس سے کیسیز کی مجموعی تعداد 54 ہوگئی. اسی طرح لوئیر چترال میں بھی پازیٹیو کیسز کی تعداد 76ہوگئی ہے ۔ جن میں سے 43افراد صحت یاب ہوکر فارع ہوگئے ہیں ۔ جبکہ ضلعی انتطامیہ ریکارڈ کے مطبق ابتک چترال میں کورونا وائر سے متاثرہ ایک شخص جان ہوچکا ہے ۔
کورونا وائرس کے بڑھتے ہوئے پھیلاؤ کے خدشات اور اپر چترال کے کچھ متاثرہ علاقوں کے مکینوں کو isolate کرنے اور ان میں آگاہی پیدا کرنے کے حوالے سے ایک اہم میٹنگ زیر صدارت محمد عرفان الدین ایڈیشنل ڈپٹی کمشنر اپر چترال منعقد ہوا۔ اس میٹنگ میں مکرم خان افریدی ایڈیشنل اسسٹنٹ کمشنر موڑکہو، سب ڈویژنل پولیس آفیسر مستوج، ایم،ایس، ٹی،ایچ،کیو بونی، ڈپٹی ،ڈی،ایچ،او اپر چترال اور نمائندہ ٹی،ایم،او مستوج شریک ہوئے۔
اے،ڈی،سی اپر چترال نے کورونا وائرس کے بڑھتے ہوئے پھیلاؤ کے متعلق صوبائی حکومت کے حالیہ SOPs سے متعلق آگاہ کیا اور اس حوالے تمام متاثرہ علاقوں کو فوری طور پر جزوی لاک ڈاءون کرنے کے حوالے سے احکامات صادر کئے اور AAC اور SDPO کو بونی، کوراغ اور مستوج میں جتنے لوگ متاثر ہوئے ہیں ان گھروں اور ان کے گھروں کے اردگرد جتنے بھی متصل گھر ہیں کو فوری طور پر لاک ڈاءوں کرنے کے حوالے سے ہدایات دیں۔
دریں اثنا صوبائی حکومت اور ڈپٹی کمشنر اپر چترال کے احکامات کی روشنی میں کورانا وائرس کے بڑھتے ہوئے پھیلاؤ کے پیش نظر مکرم خان افریدی ایڈیشنل اسسٹنٹ کمشنر موڑکہو/ تورکہو بہمراہ جہانزیب خان سب ڈویژنل پولیس آفیسر مستوج اور ربنواز خان تحصیلدار مستوج نے بونی، کوراغ اور ریشن میں کورونا سے متاثرہ افراد کے گھر جاکر ان کی خیریت دریافت کی اور کورانا وائرس سے مذید متاثر ہونے سے سے متعلق صوبائی حکومت کے احکامات ان تک پہنچائے۔ ان لوگوں کو اپنے گھروں میں قرینطینہ ہونے اور اس موذی مرض کو مذید پھیلنے کے خطرات کو روکنے کے لئے احتیاطی تدابیر اپنانے کے حوالے سے آگاہی دی گئی۔ متاثرہ گھروں کے متصل جتنے بھی گھر موجود ہیں ان سب کو تاحکم ثانی کسی بھی نقل و حمل اور نشست برخواست کے لئے Smart lockdown کے تحت بند کردی گئی۔ ان علاقوں میں چترال پولیس اور چترال لیویز کے اہلکاروں کی ڈیوٹی لگادی گئی۔ تمام لوگوں کو سختی سے سمجھایا گیا کہ ان کی معمولی سی کوتاہی بڑی تباہی کا پیش خیمہ ثابت ہوسکتی ہے۔ لہذا اپنے اور اپنے پیاروں کے زندگی کو بچانے کی خاطرعارضی تکلیفی کو برداشت کرنا ہوگا۔
چترال (نمائندہ چترال ٹائمز) اسلامی جمعیت طلبہ چترال کے ضلعی ناظم اقبال الدین نے کالج اور یونیورسٹی کے اسٹوڈنٹس کے لئے ان لائن کلاسز شروع کرنے سے پہلے انٹرنیٹ کی connectivityکے مسئلے کو حل کرنے، یونیورسٹی آف چترال کے طلباء وطالبات کو ایس او پیز کے ساتھ ہوسٹلوں میں رہائش رکھنے کی اجازت دینے اور کروناوائرس کی ایمرجنسی کی بنیاد پر یونیورسٹی کی ٹیوشن فیس معاف کرنے کا مطالبہ کرتے ہوئے کہاہے کہ اگر یہ مطالبات منظور نہ ہوئے تو اپر اور لویر چترال میں احتجاجی تحریک چلائی جائے گی جس کی ذمہ داری حکومت پر عائد ہوگی۔
پیر کے روز جمعیت کے دیگر رہنماؤں عزیر بشیر، دانیال اسلم، احسان جلیل، کاشف حسین، ذیشان الیاس، یاور جلال اور دوسروں کی معیت میں چترال پریس کلب میں ایک پریس کا نفرنس سے خطاب کرتے ہوئے انہوں نے اس بات پر حیرانگی کا اظہار کیا کہ ایک طرف یونیورسٹی آف چترال نے اپنے اسٹوڈنٹس کے لئے ان لائن کلاسز شروع کرنے کا اعلان کیا ہے تو دوسری طرف لویر چترال میں انٹرنیٹ کی خراب کنکشن اور اپر چترال میں اس سہولت کی عدم دستیابی اور نادار اسٹوڈنٹس کے پاس انڈرائڈ فون اور لیپ ٹاپ نہ ہونے کے مسئلہ بھی درپیش ہے۔ انہوں نے کہاکہ یونیورسٹی آف چترال میں 90فیصد اسٹوڈنٹس کا تعلق اپر چترال سے ہے جہاں انٹرنیٹ کی سہولت سے لوگ ناآشنا ہیں اور چترال سے تعلق رکھنے والے ڈیڑھ ہزار طلباء وطالبات وہ بھی ہیں ڈاون کنٹری میں مختلف کالجوں میں زیر تعلیم ہیں اور اداروں کی بندش کی وجہ سے گھروں میں پڑے ہوئے ہیں اور وہ انٹرنیٹ کی سہولت دستیاب نہ ہونے کی وجہ سے اپنے اپنے اداروں کی ان لائن کلاسوں سے فائدہ اٹھانے سے قاصر ہیں اور ان کی تعلیم کا ضیاع بھی جاری ہے۔
انھوں نے مذید کہا کہ آن لائن کلاسز کی اجراٗ کے ساتھ بجلی کی لوشیڈنگ کا بھی خاتمہ کرنا ہوگا جبکہ حال ہی میں مختلف تعلیمی اداروں نے آن لائن کلاسز کا اجرا کیا ہے مگر بجلی کی لوڈشیڈنگ اورآنکھ مچولی کی وجہ سے کلاسز متاثر ہورہے ہیں.
اسلامی جمعیت طلبہ کے رہنماؤں نے حکومت سے مطالبہ کیا کہ ایس اوپیز پر عملدرامد کو شرط بناتے ہوئے اسٹوڈنٹس کو چترال ٹاؤن میں واقع مختلف ہاسٹلوں میں رہائش رکھنے کی اجازت دی جائے تاکہ وہ یہاں انٹرنیٹ کی سہولت سے فائدہ اٹھاکر ان لائن کلاسز اٹینڈ کرسکیں۔ ان کا کہنا تھا کہ اگر مرغی فروش کو مرغی بیچنے کی اجازت دی جارہی ہے تو معاشرے کا ذمہ دار اور حساس طبقہ طلبہ برادری پر اعتماد کیوں نہیں کیا جارہا ہے جوکہ کروناوائرس کے خلاف تدابیر پر اب بھی سختی سے عمل کررہے ہیں اور پبلک مقامات پر فیس ماسک استعمال کرنے والے سوفیصد لوگ یہی طالب علم ہیں۔
انہوں نے حکومت کو متبادل مشورہ دیتے ہوئے کہاکہ جب تک انٹر نیٹ کا مسئلہ برقرار ہے تو ان لائن کلاسوں کی ویڈیو ریکارڈ یو ایس بی کے ذریعے اسٹوڈنٹس تک پہنچانے کا اہتمام کیا جائے تاکہ اس سے سوفیصد استفادہ ممکن ہوسکے۔ انہوں نے کہاکہ بندش کے دنوں کے لئے کورس اوٹ لائن بھی اسٹوڈنٹس کو فراہم کئے جائیں تاکہ وہ گھروں میں اس کا اہتمام کرسکیں۔ انہوں نے وفاقی بجٹ میں یونیورسٹی آف چترال کے لئے ایک ارب 74کروڑ روپے کی خطیر رقم مختص کرنے پر حکومت کا شکریہ ادا کرتے ہوئے اس کا خیر مقدم کیا لیکن مجموعی طور پر اعلیٰ تعلیم کے لئے بہت ہی معمولی فنڈ کو مایوس کن قرار دیتے ہوئے پی ٹی آئی حکومت کویاد دلایاکہ اقتدار میں آنے سے فزیکل انفراسٹرکچر کی بجائے ہیومن ڈیویلپمنٹ کو ترقی کا زینہ قرار دیاجارہا تھا لیکن اب اس میں بھی 180درجے کا ٹرن لیا گیا۔
انہوں نے یونیورسٹی آف چترال کے پراجیکٹ ڈائرکٹر کی کارکردگی پر عدم اطمینان کا اظہار کرتے ہوئے کہاکہ گزشتہ چار سالوں کے دوران یونیورسٹی کی تعمیر میں ایک اینٹ کا اضافہ بھی نہ کرسکے اور نہ ہی اس کے لئے صوبائی اور مرکزی حکومتوں سے فنڈز لینے میں کامیاب ہوگئے۔ ان کا یہ بھی کہنا تھاکہ پراجیکٹ ڈائرکٹر ان کاموں میں پیش پیش ہیں جوکہ ان کہ ذمہ داریوں میں ہی نہیں آتے لیکن یونیورسٹی کو آگے لے جانے میں بری طرح ناکام ہوگئے۔
چترال ( محکم الدین ) معاون خصوصی وزیر اعلی خیبر پختونخوا وزیر زادہ نے کہا ہے ۔ کہ سابق صدر پرویز مشرف اوربھٹو کے بعد اگر کوئی حکمران چترال کے لوگوں کے ساتھ محبت کرتا ہے تو وہ موجودہ وزیر اعظم عمران خان ہے ۔ جس نے دو مرتبہ چترال کو مخصوص نمایندگی دی ۔ اور اپر چترال کو ضلع بنایا ۔ جو کہ لواری ٹنل کی تعمیر کے بعد سب سے اہم کام ہے ۔ کیونکہ اسی ضلع کے مطالبے پر سابق پی پی پی کی حکومت میں لوگوں پر ڈنڈے برسائے گئے ۔ اور اُنہیں پابند سلاسل کیا گیا ۔ ان خیالات کا اظہار انہوں نے چترال پولو گراءونڈ کی تعمیر کے منصوبے کے افتتاح کے موقع پر تقریب سے خطاب کرتے ہوئے کیا ۔ جس میں پاکستان تحریک انصاف کے صدر سجاد احمد ، سابق صدر عبد اللطیف ، صدر چترال پولو ایسوسی ایشن چترال شہزادہ سکندرالملک ، ڈسٹرکٹ سپورٹس آفیسر چترال عبد الرحمت ، معروف پولو پلئیر ( ر) صوبیدار میجر مقبول علی خان ، ایکسین سی اینڈ ڈبلیو ، پولو پلئیرز پی ٹی آئی کے کارکنان بڑی تعداد میں موجود تھے ۔ انہوں نے کہا کہ وزیر اعلی خیبر پختونخوا صوبے کے کسی بھی ضلع سے بڑھ کر چترال کی ترقی چاہتے ہیں ۔ جس کا ثبوت یہ ہے ۔ کہ انہوں نے چترال کی دیگر ترقیاتی منصوبوں کے ساتھ ساتھ پولو کی ترقی کیلئے 13کروڑ روپے کی خطیر فنڈ منظور کی ہے ۔ جس سے چترال کے پندرہ پولوگراءونڈ ز کی تعمیر ومرمت کی جائے گی ۔ انہوں نے کہا ۔ کہ پولو چترال کا قدیم کھیل اور ثقافت کا اہم حصہ ہے ۔ اور فری سٹائل پولو کی بدولت پوری دنیا میں اس خطے کی پہچان ہے ۔ جبکہ چترال کے پولو پلئیرز نے انتہائی مشکل حالات کے باوجود اس مہنگا ترین کھیل کو زندہ رکھا ہے ۔ اب وقت آگیا ہے کہ ان کے مسائل بتدریج حل کئے جائیں گے ۔ انہوں نے کہا ۔ کہ چترال مین پولو گراءونڈ کی تعمیر پر ایک کروڑ چوہتر لاکھ روپے خرچ کئے جائیں گے ۔ اگر فنڈ کی کمی ہوئی، تو بیوٹیفیکیشن فنڈ سے مزید فنڈ فراہم کی جائے گی ۔ مگر تعمیر کے معیار پر کوئی سمجھوتہ نہیں کیا جائے گا ۔ انہوں نے ایکسین سی اینڈ ڈبلیو کو ہدایت کی ۔ کہ وہ پولو گراونڈ کمیٹی کے مشورے کے مطابق تعمیر کو ممکن بنائے ۔ وزیر زادہ نے کہا ۔ کہ سیاحت سابق حکومتوں کی ترجیح نہیں تھی ۔ اس لئے انہوں نے کسی بھی کام کو سنجیدہ نہیں لیا ۔ پولو گراءونڈز کی تعمیر اور سڑکوں پر کوئی توجہ نہیں دی ۔ خصوصا کالاش ویلیز روڈ اور گرم چشمہ روڈ کو سیاحت کی بنیاد پر بھی بہتر بنانے کی کوشش نہیں کی ۔ آج دس سال حکومت میں رہنے والا ایک نمایندہ مجھے گرم چشمہ میں کالج بنانے کا ٹاسک دے رہا ہے ۔ انہوں نے کہا ۔ کہ گرم چشمہ روڈ ڈراپ کیا گیا تھا ۔ تاہم اُسے دوبارہ شامل کر لیا گیا ہے ۔ جس پر آٹھ کروڑ روپے خرچ ہوں گے ۔ کالاش ویلیز روڈ آخری مرحلے میں ہے جس پر چار ارب ساٹھ کروڑ رو پے ، آرندو روڈ پر ڈھائی ارب ، چترال یونیورسٹی پر ڈیڑھ ارب ، گولین بحالی پراجیکٹ پر چالیس کروڑ خرچ کئے جائیں گے ۔ معاون خصوصی نے کہا ۔ کہ میں کمیشن خور نمایندہ نہیں ہوں ۔ اس لئے کام کے معیار پر کوئی سمجھوتہ نہیں کروں گا ۔ میں چترال کا بیٹا ہوں اور اس کی ترقی میری ترجیح ہے ۔ میں چترال کے مسلم کمیونٹی کا شکر گزار ہوں ۔ کہ اُن کی محبت ہی کی بدولت میری کمیونٹی زندہ ہے ۔ وزیر زادہ نے کہا ۔ کہ وزیر اعلی خیبر پختونخوا محمود خان امتیازی سلوک پر یقین نہیں رکھتے ۔ یہی وجہ ہے کہ انہوں نے چترال کے ایم پی اے مولانا ہدایت الرحمن کو اپنے صوابدیدی فنڈ سے 13کروڑ روپے دیے ہیں ۔ جس سے کافی مسائل حل ہوں گے ۔ انہوں نے کہا کہ میں چترال کے تمام نمایندگان کی دل سے قدر کرتا ہوں ۔ وہ میرے لئے انتہائی قابل احترام ہیں ۔ اس موقع پر شہزادہ سکندرالملک اور ڈی ایس او عبد الرحمت نے بھی خطاب کیا ۔
اپر چترال (نمائندہ چترال ٹائمز)اپر چترال میں آج کورونا کے 17مذید پازیٹیوکیسز رپورٹ ہوئی ہیں۔ نئے کیسز میں سات خواتین اور دس مرد شامل ہیں۔جن کی تصدیق محکمہ ہیلتھ اپر چترال کے فوکل پرسن ڈاکٹر سردار نواز نے کی۔ ان مریضوں میں تین کا تعلق دیر ضلع سے جبکہ باقی کا تعلق بونی، کوراغ، ریشن اور موڑکہو سے ہے۔ تمام مریضوں کو آئسولیشن سنٹر منتقل کردیا گیا ہے اوراپر دیر کے تین مریضوں کو ایس او پی کے تحت ان کے آبائی ضلع منتقل کیا جائیگا۔ اپر چترال میں ابتک کے پازیٹیو کیسز کی تعداد 53ہوگئی ہے۔ اپر چترال میں روزبہ روز پازیٹیوکیسز میں اضافے پر علاقے میں تشویش پائی جاتی ہے۔ انتظامیہ کی طرف سے لوگوں کو ایس او پیز کے تحت گھروں سے نکلنے اورسوشل ڈسٹنسنگ پر ایک دفعہ پر زور دیا گیا ہے۔اور اس موذی مرض کو علاقے سے ختم کرنے میں انتظامیہ کے ساتھ تعاون کی ہدایت کی گئی ہے۔
بونی (چترال ٹائمز رپورٹ ) تحریک حقوق عوام اپر چترال کے سینئر رہنما سید سلطان نگاہ ، سینئر نائب صدر رحمت سلام لال اور انفارمیشن سیکرٹری محمد پرویز لال نے آج اوی میں معتبرات علاقہ اور نوجوانان سے تحریک حقوق عوام کی تنظیم سازی اور علاقے کے مسائل کے حوالے سے ایک ہنگامی نشست کا اہتمام کیا۔
نشست میں اوی کے معتبرات اور نوجوانوں نے کثیر تعداد میں شرکت کی۔ تحریک حقوق عوام کے رہنماؤں نے تحریک کے اغراض و مقاصد اور اب تک کی کارکردگی کے بارے میں تفصیلی گفتگو کی۔ اور علاقے میں گاؤں کی سطح پر تنظیم سازی کی ضرورت پر بریفنگ دی۔ ساتھ ساتھ تحریک حقوق عوام کے مرکزی کیبنٹ کیلئے اوی سے دو بندوں کے نام تجویز کرنے کی بھی درخواست کی۔
عمائدین نے متفقہ طور پر افسر حکیم لال اور اقبال عالم کا نام مرکزی کیبنٹ کیلئے تجویز کیا۔ ان کے علاوہ اوی سے محمد نادر پہلے سے ہی مرکزی کیبنٹ میں شامل ہیں۔ گاؤں کی سطح پر تنظیم سازی کا کام 3 دن کے اندر مکمل کرکے مرکزی رہنماؤں کے ساتھ مل کر حلف برداری کی تقریب منعقد کرنے کا فیصلہ کیا گیا۔ نشست سے مرکزی رہنماؤں کے علاوہ اوی سے تعلق رکھنے والے معتبرات اور نوجوانوں نے بھی خطاب کیا اور علاقے کو درپیش مسائل سے مرکزی رہنماؤں کو آگاہ کیا اور مسائل کے حل کیلئے کردار ادا کرنے کی درخواست کی۔جن میں سردار حکیم لال، علی جبار لال،ریٹائرڈ ہیڈماسٹر شیر وزیر ، صوبیدار حاجی محمد، ممتاز علی وغیرہ شامل تھے۔
نشست میں علاقے کے کافی مسائل زیر بحث آئے۔ خصوصاً بونی ٹو اوی/سنوغر روڈ پر حکومت کی عدم دلچسپی پر شدید غم وغصے کا اظہار کیا۔80 کے دہائی میں بننے والی اس سڑک کی توسیع ومرمت پر کسی بھی پارٹی کی حکومت کی طرف سے تاحال کوئی توجہ نہیں دی گئی ہے حالانکہ اس سلسلے میں مختلف فورمز پر مطالبات کیے جاچکے ہیں۔ عمائدین نے متفقہ طور پر حکومت وقت اور متعلقہ اداروں سے مطالبہ کیا کہ مزکورہ روڈ کی توسیع کا کام جلد از جلد کروایا جائے۔
اس کے علاوہ اوی کا واحد 100 KVA ٹرانسفارمر جس پر بے جا لوڈ ہے اور اس کا ایک فیز بھی خراب ہے۔ اس ٹرانسفارمر کی خراب فیز کی مرمت اور ایک اضافی50 KVA ٹرانسفارمر کی فراہمی کا مطالبہ کیا تاکہ اوی کے عوام کی بجلی کی ضرورت پوری ہوسکے۔ آخر میں صدر محفل حاجی محمد نے حاضرین محفل کا شکریہ ادا کرتے ہوئے دعائیہ کلمات کے ساتھ محفل برخاست کی۔
چترال (نمائندہ چترال ٹائمز) گزشتہ سال 7جولائی کو گولین وادی میں برفانی جھیل کے پھٹ جان کے نتیجے میں سیلاب (گلوف) سے متاثرہ چترال شہراور مضافات کے لئے گولین گول واٹر سپلائی اسکیم کی بحالی کا کام شروع کرنے کی تقریب اتوار کے روز چترال بونی روڈ پر واقع ماشیلیک کے مقام پر ہوا جس میں وزیر اعلیٰ کے معاون خصوصی برائے اقلیتی امور وزیر زادہ مہمان خصوصی تھے۔ انہوں نے اس موقع پر خطاب کرتے ہوئے کہاکہ گولین گول میں گزشتہ سال کی ڈیزاسٹر میں انفراسٹرکچر کو پہنچنے والی نقصان کا تخمینہ 40کروڑ 60لاکھ روپے لگایا گیا تھا جس میں گولین گول واٹر سپلائی اسکیم بھی شامل تھی اور یہ وزیر اعظم عمران خان اور وزیر اعلیٰ محمود خان کا چترال کے عوام کے ساتھ محبت ہے کہ انہوں نے نان اے ڈی پی فنڈ سے یہ خطیر رقم مہیا مہیا کردی۔
انہوں نے کہاکہ بھٹو اور پرویز مشرف کے بعد عمران خان چترال کی ترقی کے لئے سنجیدہ ہیں اور اس علاقے سے محبت رکھتے ہیں جس کا ثبوت انہوں نے عملی طو ر پر دے دیا جب انہوں نے گزشتہ دو قومی انتخابات میں چترال کے لئے ایک ایک ریزرو سیٹ دے کر ایم پی اے بنایا، چترال کو دو اضلاع میں تقسیم کرکے چترالیوں کا دیرینہ خواب شرمندہ تعبیر کیاجبکہ ماضی میں ایک منتخب وزیر اعظم کے سامنے شندور گراونڈ میں ضلع کی قیام کا مطالبہ کرنے پر لوگوں سے جیلوں کو بھر دئیے گئے۔ انہوں نے کہاکہ اپر چترال ضلع کے خلاف بات کرنے والے اب کہاں منہ چھپاتے پھریں گے جب اس ضلعے کو مطلوبہ ترقیاتی فنڈز بھی ملنے والے ہیں۔ وزیر زادہ نے پاکستان مسلم لیگ (ن) کی قیادت سے سوال کیاکہ عملی طور پر اپنے دور حکومت میں انہوں نے چترال کے لئے کیاکچھ کیا ہے سوائے فیس بک پر جھوٹے دعوے اور پروپیگنڈوں کے۔ انہوں نے کہاکہ شندور، گرم چشمہ اور بمبوریت روڈ وں کی فیڈرلائزیشن کے بغیر وہ کس طرح ان پرکام شروع کرسکتے تھے جبکہ فیڈرلائزیشن کا کام اس سال مئی کے مہینے میں ہوئی ہے۔ انہوں نے ہم مسلم لیگ کی طرح یہ دعویٰ نہیں کرتے کہ ہم فلان پراجیکٹ کے لئے اتنے روپے رکھنے والے تھے بلکہ ہم پی ٹی آئی والے عملی طور پر فنڈ منظور کرنے کے بعدہی اس کا اعلان کرتے ہیں جس طرح حالیہ بجٹ میں یونیورسٹی آف چترال کے لئے ایک ارب 74کروڑ روپے کی خطیر رقم کی منظوری کروائی ہے۔
انہوں نے کہاکہ اپنے دس سالہ دور حکومت میں گرم چشمہ میں کالج قائم نہ کرنے اور اپنے آبائی گاؤں کی سڑک بنوانے میں ناکام رہنے والے اب کس منہ سے مجھ پر صرف دو سال کے دوران گرم چشمہ میں کالج طلب کررہے ہیں۔ انہوں نے کہاکہ عمران خان کا سپاہی ہونے کے ناطے وہ ترقیاتی کاموں میں اپنے لئے کوئی حصہ یا کمیشن مختص نہیں کیا ہے البتہ وہ کام کی کوالٹی پر کوئی سمجھوتہ کرنے کو تیار نہیں ہے۔ وزیر زادہ نے کہاکہ گولین گول واٹر سپلائی پراجیکٹ کا ٹھیکہ ایک ایسے مستحکم تعمیراتی فرم کو مل گیا ہے جوکہ مالیاتی اور تکنیکی طور مستحکم ہے اور مقررہ وقت سے پہلے پہلے معیار کے ساتھ پایہ تکمیل کو پہنچائے گا جس سے چترال شہراور مضافات میں پینے کے پانی کی قلت کا مسئلہ ہمیشہ ہمیشہ کے لئے حل ہوگا۔
اس موقع پراسسٹنٹ کمشنر چترال عبد الولی خان، پی ٹی آئی لویر چترال کے صدر سجاد احمد خان، سابق صدر عبداللطیف، ڈسٹرکٹ زکواۃ کمیٹی کے چیرمین محمد قاسم، پشاور کنسٹرکشن کمپنی کے چیف ایگزیکٹو حاجی محبوب اعظم اور معززین علاقہ کثیر تعداد میں موجود تھے۔
معاون خصوصی وزیر زادہ نے اس موقع پر افتتاحی تختی کی نقاب کشائی کی۔ اس سے قبل پبلک ہیلتھ انجینئرنگ ڈیپارٹمنٹ کے ایکسین نے بتایاکہ چترال شہر کے لئے واٹر سپلائی پراجیکٹ میں 3کروڑ 60لاکھ روپے لاگت آئے گی جبکہ ورک آرڈر کے مطابق یہ چھ مہینوں کے اندر اندر پایہ تکمیل کو پہنچ جائے گی۔
پی پی پی کے سینئر رہنما شریف حسین نے عوام کوہ کی طرف سے معاون خصوصی وزیر زادہ کا شکریہ ادا کرتے ہوئے ان کی بے لوث اور تعصب سے بالاتر خدمات پر روشنی ڈالی اور انہیں ایک مثالی منتخب نمائندہ قرار دیا۔ انہوں نے کہاکہ وزیر زادہ کا تعلق چترال کی شاہی خاندان سے ہے جس کے آباواجداد نے کٹور اور رئیس خاندان سے پہلے چترال پر حکومت کی تھی۔ انہوں نے معاون خصوصی پر زور دیا کہ وہ کالاش وادیوں کی پسماندگی کو دور کرنے کی بھی دور کرنے کی کوشش کرے۔
چترال (نمائندہ چترال ٹائمز) گورنمنٹ سینٹنل ماڈل ہائی سکول چترال کے چوکیدار کو سات سالہ بچے کے ساتھ مبینہ بد فعلی کرنے کے جرم میں گرفتار کرلیا گیا۔بچے کے رشتہ داروں (افغان باشندے) نے بتایاکہ اتوار کے روز وہ سکول کے قریب روڈ میں بیٹھ کر کام کررہے تھے کہ انہیں معلوم ہوا کہ ان کے بچے کو سکول کے اندر بند کرلیا گیا ہے جس پر وہ سکول کے ااند جاکر دیکھا تو ملزم بدفعلی کی کوشش کررہا تھا اور انہیں دیکھ کر وہ بھاگ نکلے۔ انہوں نے بتایاکہ ان کی رپورٹ پر چترال پولیس نے ملزم کو گرفتار کرلیا ہے۔ چترال تھانے کے محرر نے واقعے کی تصدیق کرتے ہوئے کہاکہ انہوں نے متاثر بچہ (ف) کے بیان پر ملزم نظار شاہد ولد محمد ولی خان (عمر 32سال) ساکن ژانگ بازار کے خلاف تعزیرات پاکستان کے دفعہ 377اور چائلڈ پروٹیکشن ایکٹ کے دفعات 53اور 55کے تحت مقدمہ دائر کرکے ملزم کو گرفتار کرلیا ہے۔ ڈسٹرکٹ ہیڈ کوارٹر ہسپتال کے ڈی ایم ایس ڈاکٹر اسرا رالدین نے بتایاکہ متاثرہ بچہ اور ملزم کا طبی معائنہ کیا گیا ہے جبکہ رپورٹ ابھی فائنل نہیں ہوئی۔
چترال (چترال ٹائمز رپورٹ) جامعہ چترال کے ترجمان کی جانب سے جاری کئے گئے ایک پریس ریلیز کے مطابق وفاقی حکومت نے یونیورسٹی کیلئے انفراسٹرکچر کی تعمیر اور دوسرے ترقیاتی اخراجات کی مد میں پی ایس ڈی پی 2020-21 میں 1724.458ملین روپے کی خطیر رقم مختص کردی ہے۔ اس سے پہلے یونیورسٹی کے پراجیکٹ ڈائیریکٹر ڈاکٹر بادشاہ منیر بخاری نے فروری میں مجوزہ منصوبے کی پی سی ون تیار کرکے ایچ ای سی میں جمع کرادیا تھا۔جسے بعد میں گیارہ مارچ کو ایچ ای سی میں منعقدہ ایک اعلی سطحی ڈی ڈی ڈبلیو پی اجلاس میں پیش کرکے منظوربھی کرالیاتھا۔ اس خبرپر جامعہ چترال کے طلبہ اور عملہ سمیت علاقے سے تعلق رکھنے والے تعلیم و تحقیق کے شعبے سے وابستہ تمام افراد میں خوشی کی لہر دوڑ گئی ہے۔انہوں نے پورے صوبے کے اندرمذکورہ پی ایس ڈی پی میں شامل اعلی تعلیم کے شعبے کے آدھے درجن سے بھی کم منصوبوں میں جامعہ چترال کو بھی شامل کرنے پروفاقی حکومت کا شکریہ ادا کیا۔
چترال ( محکم الدین ) بڑھتی ہوئی آبادی اور موٹر گاڑیوں کے رش کی وجہ سے چترال بازار کے چار اہم چوکوں پر پیدل چلنے والوں کیلئے روڈ کراس کرنا سنگین مسئلہ بن گیا ہے ۔ اور ان مقامات پر چھوٹے حادثات روز کا معمول بن چکے ہیں ۔ اتالیق چوک ، گولدور چوک پولوگراونڈ گیٹ اور کڑوپ رشت پمپ چوک ایسے مقامات ہیں ۔ جن کاخصوصی طور پر براہ راست تعلق قریبی نائبر ہوڈ , ویلج کونسلوں اورعمومی طور پر ضلع بھر کے لوگوں کی نقل و حمل سے ہے ۔ جس کی وجہ سے ان چوکوں پر گاڑیوں اور پیدل چلنے والوں کا ہمیشہ رش رہتا ہے ۔ اس لئے سڑک کراس کرنے والے افراد خصوصا خواتین ،طلبہ اور بزرگ شہریوں کو طویل انتظار کرنا پڑتا ہے ۔جبکہ ٹریفک پولیس کے جوان ان چوکوں پر مستقل بنیادوں پر لوگوں کو سڑک کراس کروانے کیلئے گاڑیاں روکتےہیں ۔ جس سے گاڑیوں کی روانی متاثر ہوتی ہے ۔ اور گاڑیوں کی لمبی قطاریں بن جانے سے مزید مسائل پیدا ہو رہے ہیں ۔ پولیس کے جوانوں کی طرف سے گاڑیاں روک کر لوگوں کو سڑک پار کرنے کا یہ عمل اس مسئلے کا مستقل حل نہیں ۔ اگرچہ یہ خدمات قابل تعریف ہیں ۔ یہی وجہ ہے ۔ کہ ان چوکوں پر حادثات معمول بن چکے ہیں ۔ اور دن بدن ان میں اضافہ ہو رہاہے ۔ اس لئے راہگیروں کو محفوظ طریقے سے سڑک پار کرنے کیلئے ان چوکوں پر سٹیل کے پل تعمیر کئے جائیں ۔ عوامی حلقوں نے ان پلوں کی تعمیر کیلئے وزیر اعلی خیبر پختوخوا سے خصوصی فنڈ کی فراہمی کا مطالبہ کیا ہے ۔ اورضلعی انتظامیہ سےدرخواست کی ہے ۔ کہ ان مقامات پر ریڑھی بانوں کے ہجوم کو مستقل بنیادوں پر دور کیاجائے ۔ تاکہ شہریوں کو آمدورفت میں آسانی ہو ۔
چترال (نمائندہ چترال ٹائمز) ڈسٹرکٹ بار لویر چترال کے انتخابات میں ہیومن رائٹس ورکر نیاز اے نیازی ایڈوکیٹ نے اپنے مدمقابل کے مومن الرحمن کو 16کے مقابلے میں 25ووٹوں سے شکست سے دوچار کردیا جبکہ حکمران جماعت پی ٹی آئی سے تعلق رکھنے والے وکلاء نے الیکشن کا بائیکاٹ کیا جوکہ الیکشن سے پہلے احتساب کا مطالبہ کررہے تھے اور ان کانامزد کردہ جنرل سیکرٹری مختار علی شاہ پہلے ہی بلا مقابلہ کامیاب ہوگئے تھے۔ دوسرے عہدیداروں میں شریف نواز فنانس سیکرٹری اور فرید احمد جنرل سیکرٹری شامل ہیں۔ یہ بات قابل ذکر ہے کہ نیاز اے نیازی کا تعلق پاکستان مسلم لیگ (ن) سے ہے جسے پی ٹی آئی کے علاوہ تمام سیاسی جماعتوں سے تعلق رکھنے والے وکلاء کی اکثریت کی حمایت حاصل تھی۔
بونی (نمائندہ چترال ٹائمز) ڈسٹرکٹ بار ایسوسی ایشن اپر چترال کے انتخابات کے سلسلے میں گزشتہ بار کا ایک اجلاس منعقد ہوا۔ جس میں متفقہ طور پر فیصلہ کیا گیا کہ گزشتہ سال کے کابینہ کو بحال رکھا جائے۔ جس کے مطابق غلام مصطفی ایڈوکیٹ دوسری مرتبہ صدرمنتخب ہوئے۔ اسی طرح کابینہ کے دیگر ارکان میں محمدنواب خان ایڈوکیٹ نائب صدر، ممتاز علی قاضی ایڈوکیٹ جنرل سیکریٹری اور وقاص احمد ایڈوکیٹ فنانس سیکریٹری شامل ہیں۔
چترال (چترال ٹائمز رپورٹ ) ضلعی انتطامیہ لوئیر چترال نے ایک غیر ملکی خاتون سیاح کو لواری ٹنل پر روک کر براڈام میں رات گزارنے پر مجبورکیا جوکہ انسانی حقوق کی سراسر ناانصافی اورضلعی انتظامیہ کی نااہلی ہے ۔ جبکہ دوسری طرف دوسرے اضلاع سے گداگروں کے ٹولوں کو چترال انےکی اجازت دیکر کورونا وابا کو خود ہی دعوت دیے رہے ہیں۔ ان خیالات کا اظہار چترال کے معروف نوجوان سماجی کارکن عمیر خلیل اللہ ایڈوکیٹ نے ایک اخباری بیان کیا ۔
انھوں نے کہا کہ ضلعی انتظامیہ کی نااہلی کی وجہ سے دوسرے اضلاع سے پروفشنل گداگر چترال پہنچ کر بغیر ماسک اور ایس او پی کے گھوم پھر رہے ہیں۔اورساتھ سفارش کی بنیاد پرملکی اور غیر ملکی سیاح بھی چترال میں موجود ہیں۔ مگر افسوس اس بات کا ہے کہ ایک سیاح خاتون تمام تر قانونی ضوابط پورا کرنے کے باوجود اسلام آباد سوات اپر دیر کا دورہ کرچکی ہیں ۔ ۔مگر چترال میں داخل ہونے کی اس کو اجازت نہیں مل رہی۔جوکہ تعجب خیز ہے۔ اگر ملاکنڈ میں مکمل پابندی ہے تو انھیں درگئی سے آگے آنا ہی نہیں دینا چاہیے تھا مگرانھوں نے پندرہ دن سوات میں گزاری کسی نے نہیں پوچھاپھر دیر کا دورہ کیا وہیں پر بھی کوئی مزاحمت نہیں ہوئی جبکہ یہ دونوں اضلاع بھی ملاکنڈ ڈویژن کے حصے ہیں۔
عمیر خلیل نے مذید بتایا کہ پولش خاتون سیاح کی چترال انٹری کیلئے ڈی سی لوئیر چترال کو باقاعدہ درخواست دی گئی مگر ڈی سی نے یہ کہتے ہوئے اجازت نہیں دی کہ ملاکنڈ ڈویژن میں سیاحوں کا داخلے پر پابندی ہے ۔ اوربراڈام میں لیویز اہلکاروں نے خاتون کو کئی گھنٹوں روکے رکھا ۔ اور وہیں پر رات گزارنے پر مجبور کیا۔ اگلی صبح ٹنل سے خاتون کو واپس کردیا گیا ۔
عمرخلیل نے مذید کہا کہ چترال کے عوام مہمان نوازہیں اورحکومتی اہلکاربھی سیاحت کی ترقی اور سیاحوں کو ان علاقوں کی طرف راغب کرنے میں کوئی کسر نہیں چھوڑتے مگردوسری طرف چترال انتظامیہ کی ہٹ دھرمی کی وجہ سے ایک خاتوں سیاح کو تقریبا چوبیس گھنٹے لواری ٹنل کے مقام پر روکے رکھنے کے بعد واپس کردیا گیا جوکہ انتہائی زیادتی اورنااہلی ہے ۔ جس سے حکومت کی امیچ بھی بری طرح متاثر ہوئی ہے ۔
انھوں نے مذید بتایا کہ مذکورہ خاتون سیاح مارچ کے اوائل میں اسلام آباد پہنچی تھی اورکورونا کی وجہ سے وہیں پر قیام پذیر تھی جونہی حکومت کی طرف سے سیاحت پر پابندی نرم کردی گئی انھوں نے باقاعدہ اجازت لیکر سوات اور دیر کا دورہ کیا۔ مگرنامعلوم وجوہات کی بنا پر ڈی سی لوئیر چترال نے انھیں چترال داخلے پر پابندی لگادی ۔
عمیر خلیل ایڈوکیٹ نے کمشنر ملاکنڈ ڈویژن، وزیرسیاحت خیبرپختونخوا اوروزیر اعلیٰ کے پی سے پرزوراپیل کی ہے کہ بیرونی خاتون سیاح کی لواری ٹنل سے واپس کرنے کا نوٹس لیا جائے۔
چترال (نمائندہ چترال ٹائمز) اٹانی گاؤں سے تعلق رکھنے والا 33سالہ شخص ظفر اقبال ولد محمد اقبال نے جمعہ کے روز ایون کے مقام پر مبینہ طور پر دریا میں چھلانگ لگاکر اپنی زندگی کا خاتمہ کردیا۔ چترال پولیس کے مطابق خود کشی کی وجہ فوری طور پر معلوم نہ ہوسکا جبکہ ان کے چچا زاد بھائی نے پولیس اسٹیشن ایون میں رپورٹ لکھواتے ہوئے انہیں ذہنی مریض قرار دیا ہے۔ گاؤں کے لوگ ریسکیو 1122کی مدد سے ان کی لاش کی تلاش کررہے ہیں لیکن دریا میں درمیانے درجے کی طغیانی ہونے کی وجہ سے ابھی تک کامیابی نہیں ہوسکی ہے۔ چترال پولیس نے ضابطہ فوجداری کے دفعہ 174کے تحت انکوائری شروع کردی ہے۔
بونی (چترال ٹائمز رپورٹ) بیار لوکل سپورٹ آرگنائزیشن تمام اہالیان ڈسٹرکٹ اپر چترال اور حاص طور پر بیار کے عوام سے اپیل کرتی ہے کہ کورونا وائرس کے پھیلاو کو روکنے کے لیے ڈسٹرکٹ انتظامیہ سے تعاون اور انکی جانب سے دئیے گئے ہدایات پر عمل کریں۔بی ایل ایس او کے دفتر سے جاری ایک پریس ریلیز میں کہا گیا ہے کہ ڈسٹرکٹ انتظامیہ اور اپر چترال پولیس اور ہیلتھ سے متعلقہ لوگ اس سلسلے میں ہر ممکن اقدامات اُٹھارہے ہیں لیکن جب تک اس سلسلے میں عوام تعاون نہیں کریگی یہ ساری کاوشیں بیکار ہونگی۔ لہذا ہم عوام سے پرزور اپیل کرتے ہیں کہ اپنے ملک، علاقہ اور اپنی خاندان کے لیے حکومت کی جانب سے دیئے گئے SOPs پر عملدرامد کو یقینی بنائیں تاکہ اس موذی مرض سے علاقے کو محفوظ کیا جاسکیں۔ گزشتہ ایک ہی دن میں آٹھ پازیٹیوکیسز کاسامنے آنا تشویشناک ہے لہذسوشل ڈیسٹنسنگ کے ساتھ گھرسے نکلتے وقت ماسک کا استعمال ضرور کریں۔ پریس ریلیز میں مذیدکہا گیا ہے کہ بیار لوکل سپورٹ آرکنائزیشن اپنے علاقے کے طلباء کو ان کے ان لائن کلاسسز کے سلسلے میں سہولت فراہم کرنے کی ہر ممکن کوشش کررہی ہے تاکہ انکی تعلیمی سال ضائع نہ ہوں۔ اور جوبھی BLSO آفس میں آتے ہیں ان کے لیے انٹرنٹ کی سہولت دی جاتی ہے۔
چترال (نمائندہ چترال ٹائمز) چترال شہر کے نواحی ٹاؤن شپ دولومچ میں معززین کے ساتھ ڈی ایس ایل سروس کی فراہمی کے حوالے سے منعقدہ اجلاس میں چترال چیمبر آف کامرس اینڈ انڈسٹری کے صدر سرتاج احمد خان نے علاقے میں اس سہولت کی فراہمی ایک دیرینہ مطالبہ تھا جس کے لئے پی ٹی سی ایل کے شکر گزار ہیں۔ انہوں نے کہاکہ کرونا وائرس کے حملے کے ساتھ اس کی اہمیت اور ضرورت میں کئی گنااضافہ ہوگیاہے جس میں سکولوں سے لے کر یونیورسٹیوں تک زیر تعلیم اسٹوڈنٹس ان لائن تعلیم حاصل کررہے ہیں جس کے لئے انٹرنیٹ کنکشن کی ضرورت ہوتی ہے۔ انہوں نے کہاکہ وہ پی ٹی سی ایل کے اعلیٰ حکام کے ساتھ مسلسل رابطے میں ہیں اور کریم آباد سمیت شوغور اور دوسرے علاقوں میں ٹیلی فون ایکسچنج لگائے جارہے ہیں۔ اس موقع پر پی ٹی سی ایل کے ایس ڈی او فضل الٰہی نے ضلعے کے اندر ٹیلی فون اور متعلقہ سہولیات کی فراہمی میں سرتاج احمد خان کی انتھک کوششوں کو سراہتے ہوئے کہاکہ ان کی کوششوں سے ہی چترال ٹاؤن کے علاوہ دروش سے لے کر وریجون، شاگرام، لوٹ کوہ اور مستوج تک اپٹیکل فائبر کے کیبل بچھائے گئے ہیں۔ انہوں نے کہاکہ دولومچ میں 128 لائن ڈی ایس ایل لائن دستیاب ہیں۔ اس موقع پر پی ٹی آئی کے سینئر رہنما اسرار صبورنے ایجوکیشن میں انٹرنیٹ کی اہمیت پر روشنی ڈالی اور اہالیان دومولچ پر زور دیا کہ وہ اس موقع سے فائدہ اٹھائیں جوکہ پی ٹی سی ایل نے محدود مدت کے لئے پیکج کا بھی اعلان کیا ہے۔ مقامی کمیونٹی کے رہنما لیاقت علی، قاضی علی اکبر اور شاہ صاحب نے انٹرنیٹ کی وجہ سے انقلا بی تبدیلیوں پر روشنی ڈالتے ہوئے کہاکہ اب تجارت بھی اسی ذریعے ہوسکتی ہے اور چترال کی مصنوعات کی مارکیٹنگ بھی اس ذریعے سے ہوسکے گی جس کے لئے کمیونٹی کو تیار رہنا چاہئے۔ انہوں نے پی ٹی سی ایل کے ایس ڈی او، سرتاج احمد خان اور اسرار صبور کا شکریہ اداکیا۔
چترال ( محکم الدین ) چترال شہر کے بازاروں کو روشن کرنے کیلئے سولرائزیشن پر نوے لاکھ روپے خرچ کئے گئے ہیں لیکن افسوس سے کہنا پڑتاہے ۔ کہ سولر پینل اپنی تنصیب کے چھ دن بعد ہی مردہ ہو گئے ۔ اور چترال بازار کو روشن کرنے کا خواب شرمندۃ تعبیر نہ ہو سکا ۔ آج بھی چترال کا مین بازار ، عبد الولی خان بائی پاس روڈ ، اتالیق چوک ، گولدور چوک سمیت تمام بازار رات کی تاریکی میں ڈوبے رہتے ہیں ۔ اور باولے و آوارہ کتوں کی اماجگاہ بنے ہوئے ہیں ۔ حکومت کے خزانے سے 90 لاکھ کی خطیر رقم کا اس طرح ضائع ہونا اور متعلقہ اداروں خصوصا ضلعی انتظامیہ کی نا اہلی کا واضح ثبوت ہے ۔ ایک طرف حکومت سیاحوں کو متوجہ کرنے کیلئے بیوٹیفیکیشن کے نام پر کروڑوں روپے خرچ کر چکی ہے ، جبکہ دوسری طرف سولرائزیشن پر بھاری فنڈ کے ضیاع کے باوجود حکومت کے کانوں جوں تک نہیں رینگتی ۔ جو بے حسی کی بد ترین مثال ہے ۔ چترال شہر میں عبدالولی خان بائی پا س روڈ ، شاہی بازار روڈ ، نیو بازار وغیرہ چترال شہر کی پہچان ہیں ۔ لیکن شہر کے ان اہم سیاحتی اور کاروباری بازاروں اور سڑکوں کے منصوبے ادھورے اور نہایت ناقص انجام پائے ہیں ۔ جس کی واضح مثال یہ ہے ۔ کہ بائی پاس روڈ تعمیر ہوئے سات سال بیت چکے ہیں ۔ لیکن اس روڈ پر نصب شدہ پولز کو بجلی کی سپلائی تاحال نہیں ہوئی ۔ یوں کھمبوں کی افادیت ختم ہوکر رہ گئی ہے ۔ اور یہ روڈ رات کی تاریکی میں اداروں کی کرپشن ، غفلت اور بے حسی کا رونا رو رہا ہے ۔ بازاروں کی اس قسم کے ناگفتہ بہہ حالات کے حوالے سے صدر تجار یونین چترال شبیر احمد نے میڈیا سے بات کرتے ہوئے کہا ۔ کہ نوے لاکھ روپے کی لاگت سے بازار میں بجلی کا مسئلہ حل کرنے کیلئے چالیس سولر پینل کے کھمبے ڈی سی آفس روڈ ، نیو بازار تا چیو پُل ، آفیسر کالونی ، جغور تا پرانا سبزی منڈی اور اتالیق بازار میں لگائے گئے تھے ، لیکن یہ سسٹم دس دن بھی کام نہ دے سکے ۔ اب ان سولر پولز میں سے چھ کوبحال کر دیا گیا ہے ۔ جو کہ مسئلے کا حل نہیں ہے ۔ بازار کے تمام سولر کھمبوں کو بحال کرنے کی ضرورت ہے ۔ کیونکہ اس پر بھاری فنڈ خرچ ہو چکے ہیں ۔ شبیر احمد نے سی اینڈ ڈبلیو کی طرف سے بائی پاس روڈ پر لگائے گئے پولز کو بھی ناقص قرار دیتے ہوئےکہا کہ ان کھمبوں کو روڈ کے سنٹر لائن میں نصب کرکے ڈبل سائیڈ لائٹ لگا نے چاہیے تھے ۔ کھمبوں کی ایک سائیڈ پر تنصیب نے روڈ کو متاثر کیا ہے ۔ اور سب سے افسوسناک امر یہ ہے ۔ کہ اب تک بائی پاس روڈ پر نصب شدہ پولز کو بجلی کی سپلائی نہیں کی گئی ہے ۔ انہوں نے ضلعی انتظامیہ اور متعلقہ اداروں سے پُر زور اپیل کی ہے ۔ کہ چترال بازار کی لائٹنگ کا مسئلہ فوری طور پر حل کیا جائے ۔
چترال (نمائندہ چترال ٹائمز ) سوزوکی وین میں سبزی اور فروٹ فروخت کرنے والوں نے چوری اوراوپر سے سینہ زوری کے مصداق اس وقت اتالیق پل پر نصف درجن گاڑیاں احتجاجی طور پر کھڑی کرکے ٹریفک کی روانی کو متاثر کیا جب ان میں سے ایک گاڑی کو ٹریفک پولیس نے چیو پل پرغلط پارکنگ پر چالان کردیا۔ ٹریفک رک جانے کی اطلاع ملتے ہی ٹریفک انچارج فضل کریم موقع پر پہنچ گئے جہاں احتجاجی ڈرائیوروں نے گاڑیاں ہٹانے سے انکار کرتے ہوئے دھمکیاں دینا شروع کر دیا۔ پولیس کی مزید نفری طلب کرکے انہیں چترال تھانے پہنچا دیئے گئے جہاں ان کے خلاف مختلف دفعات کے تحت پرچہ درج کیا گیا۔ عوامی حلقوں نے ٹریفک پولیس کی کارروائی پر اطمینان کا اظہار کیا ہے۔
چترال (نمائندہ چترال ٹائمز) اپر چترال سے ایک ہی دن کورونا کے مذید آٹھ کیسز سامنے آئے ہیں۔ محکمہ ہیلتھ اپر چترال کے مطابق سات میل اورایک فیمل کی کورونا رپورٹ پازیٹیو موصول ہوئی ہیں۔ جن میں چھ افراد کا تعلق دیر سے ہے ایک کا کراچی سے اورایک خاتون کا تعلق بونی سے ہے۔دیر سے تعلق رکھنے والوں میں ارشاد اللہ، محب الدین، شافیع اللہ، ظہیر رحمن، شریف اللہ اور ایوب خان شامل ہیں جبکہ اویس کا تعلق کراچی ہے اورایک خاتون راحیلہ کا تعلق بونی سے ہے۔ ذرائع کے مطابق دیر سے تعلق رکھنے والے افراد محنت مزدوری کی غرض سے بونی میں مقیم ہیں۔ ان سے پہلے بھی دیر ضلع سے تعلق رکھنے تین افراد میں کورونا پازیٹیو رپورٹ ہوئی تھی جنھیں انتظامیہ نے ایمبولینس کے زریعے انکے آبائی ضلع منتقل کردیا تھا۔
دریں اثنا انتظامیہ اور محکمہ ہیلتھ کے ذمہ دارو ں نے عوام سے اختیاط برتنے کی اپیل کرتے ہوئے کہا ہے کہ لوگوں کی غیرذمہ دارنہ نقل وحمل اوراختیاطی تدابیر پر عمل نہ کرنے کی وجہ سے روزبہ روز کورونا مریضوں کی تعداد میں اضافہ ہورہا ہے جوکہ لمحہ فکریہ ہے۔انھوں نے کہا ہے کہ مجبوری کی حالت میں باہر نکلتے وقت ماسک کا استعمال اور سوشل ڈیسٹنس کا ضرور خیال رکھا جائے بصورت دیگر اس پر قابوپانامشکل ہوجائیگا۔
گرم چشمہ(چترال ٹائمز رپورٹ) آغا خان ہیلتھ سروس، پاکستان چترا ل کی جانب سے گرم چشمہ میں، کووِڈ19- (COVID-19)کے مریضوں کے لیے20بستروں پر مشتمل صحت کی سہولت گاہ انتہائی قلیل مدت میں تعمیرکرکے آج افتتاح کیا گیا۔
افتتاحی تقریب کے مہمان خصوصی ڈپٹی کمشنر لوئیر چترال نوید احمد تھے جنھوں نے فیتہ کاٹ کر ایمرجنسی سنٹر کا باقاعدہ افتتاح کیا۔
صحت کی اِس سہولت گاہ کو، جسے”ایمرجنسی ریسپانس سینٹر فار کووِڈ19-پیشنٹس(Emergency Response Centre for COVID-19 Patients)“ کا نام دیا گیا ہے،معمولی سے درمیانہ درجے کی علامات رکھنے والے کووِڈ19-کے مریضوں کو دیکھ بھال کی سہولتیں فراہم کرے گا۔اس سہولت میں نصف بستر خواتین مریضوں کے لیے مخصوص ہوں گے۔
ایمرجنسی ریسپانس سینٹر فارکووِڈ19- پیشنٹس کا عملہ 29 ہیلتھ پروفیشنلز پر مشتمل ہو گا جن میں 7 ڈاکٹرز، 10 نرسیں اور 3 نرسنگ اسسٹنٹس شامل ہیں۔ اس سہولت پر کام کرنے والے عملے کے تمام افراد کو ادویات اور پرسنل پروٹیکٹو ایکوپمنٹ (PPE) سمیت تمام لازمی آلات اوراشیائے ضرورت فراہم کر دی گئی ہیں۔
صحت کی اس سہولت کو آغا خان ایجنسی فار ہیبی ٹیٹ (Aga Khan Agency for Habitat) نے ایک با مقصد سہولت کے طور پر تعمیر کیا ہے اور اس میں مقامی طور پر پہلے سے تیار کردہ سینڈ وچ پینلز استعمال کیے گئے ہیں اور ہر سائٹ کی ضرورت کے مطابق سخت اور نرم ساخت اختیار کی گئی ہے۔
سینٹر کی افتتاحی تقریب سے خطاب کرتے ہوئے مہمان خصوصی، ڈپٹی کمشنر، لوئرچترال، نوید احمد نے کہا:”کووِڈ19- کی وباء کی پہلے کوئی مثال نہیں ملتی ہے اور اِس سے نمٹنے کے لیے نجی شعبے اور حکومت کو مل کر کام کرنے کی ضرورت ہے۔ اِس بحران سے نمٹنے کے لیے ہم آغا خان ہیلتھ سروس، پاکستان کے ساتھ شراکت داری کے پر امید ہیں۔“انھوں نے صحت کے حوالے سے چترال میں اے کے ایچ ایس پی کی خدمات کو سراہا۔
اس موقع پرموجود زیریں چترال کے پبلک اسپیشئالیسٹ،ڈسٹرکٹ ہیلتھ ڈپارٹمنٹ، ڈاکٹر نصار اللہ نے کہا:”آغا خان ہیلتھ سروس، پاکستان کی جانب سے یہ سہولت گاہ کووِڈ19- کے خلاف لڑنے والے زیریں چترال کے لوگوں کو دیکھ بھال کی سہولت فراہم کے لیے ایک بروقت خوش آئند ذریعہ ہے۔“
آغا خان ہیلتھ سروس،پاکستان کے ریجنل ہیڈ فار چترال، معراج الدین نے کہا:”یہ وقت ہر شخص کے لیے بے یقینی کا وقت ہے۔ کووِڈ19- نے زندگی کے تمام شعبوں سے تعلق رکھنے والے لوگوں کو متاثر کیا ہے۔ ہمیں فخر ہے کہ ہم، اس وباء سے نمٹنے کے لیے،حکومتی کوششوں کو تقویت پہنچانے کی غرض سے اپنا کردار ادا کر رہے ہیں۔ہمارا مقصد ہے کہ یہ سہولت گاہ اس بیماری سے متاثر ہونے والوں کو دیکھ بھال، آرام اور امید فراہم کرے۔“
اس سے قبل،مئی میں بھی،اپر چترال کے علاقے بونی میں،28 بستروں پر مشتمل ایمرجنسی سینٹر فار کووڈ -19 پیشنٹس کا افتتاح ہوا تھا۔ بونی میں کووِڈ19- کے مریضوں کے لیے عارضی قرنطینہ کا مرکز بھی قائم کیا گیا ہے۔ آغا خان ہیلتھ سروس، پاکستان (AKHS,P)کی جانب سے اپر اورلوئر چترال میں فراہم کی جانے والی موجودہ خدمات میں مزید اضافہ کیا گیا ہے تاکہ وہ ابتدائی اور ثانوی سطح کے کووِڈ19- کے مریضوں کو بھی سہولت فراہم کر سکیں۔ آغا خان یونیورسٹی ہسپتال (AKUH) اورصحت کے عالمی ماہرین نے بھی آغا خان ہیلتھ سروس، پاکستان کے طبی عملے کو کووِڈ-19کے مختلف پہلوؤں پر تربیت فراہم کی ہے جس میں نازک حالت والے مریضوں کی دیکھ بھال ویسٹ مینیجمنٹ، پی پی ای کٹس کا استعمال، اسکریننگ کے لیے حکمت عملی اور نمونوں کا جمع کرنا، اسٹور کرنا اور ٹرانسپورٹ کرنا شامل ہیں۔آغا خان یونیورسٹی ہسپتال کے تعاون سے، آغا خان ہیلتھ سروس، پاکستان نے حکومت خیبر پختونخوا کو مقامی طور پر کووِڈ19-کے مریضوں کی ٹیسٹنگ کے لیے سپورٹ میں اضافہ کیا ہے۔
کووِڈ19- کے لیے یہ خدمات،30 بنیادی ہیلتھ سینٹروں، 3 کمپری ہینسو ہیلتھ سینٹروں اور چترال میں واقع ایک میڈیکل سینٹر کے ذریعے فراہم کی جانے والی آغا خان ہیلتھ سروس، پاکستان کی پرائمری اور سیکنڈری ہیلتھ کیئر سروسزمیں کسی تعطل کے بغیر فراہم کی جا رہی ہیں۔
اِسی طرح، آغا خان میڈیکل سینٹر، بونی میں بھی تمام طبی یونٹس کسی تعطل کے بغیر سیکنڈری کیئر سروسز فراہم کر رہے ہیں۔ اِن خدمات میں متعدد اسپشلائزڈ خدمات مثلاً ڈاکٹر سے مشاورت اور ٹیلی میڈیسن کی سہولتیں شامل ہیں۔
دی آغا خان ہیلتھ سروس، پاکستان نے، حکومت اور نجی اداروں کے ساتھ مل کر کام کرتے ہوئے، اپنے عملے کے ذریعے، جن میں ہیلتھ ورکرز بھی شامل ہیں،کووِڈ19-کے حوالے سے آگاہی میں بھی اضافہ کیا ہے۔بنیادی سطحوں اور مختلف فورموں پر، متعدد سرگرمیوں بھی منعقد کی گئی ہیں تاکہ دوردراز علاقوں میں موجود آبادیوں سمیت کمیونٹیز کو بھی اہم معلومات فراہم کی جا سکیں اورکووِڈ19-سے بچنے کے لیے احتیاطی تدابیر اختیار کی جا سکیں۔
اس موقع پرپریذیڈنٹ نامدارریجنل کونسل لوئرچترال ڈاکٹرریاض،چیئرمین ہیلتھ کمیٹی آرایچ سی گرم چشمہ ممتازماہرتعلیم (ر)ای ڈی او صمدگل،منیجربیسک ہیلتھ سینٹرزنصرت جہاں،اکٹرمعراج الدین اوردیگرنے خطاب کرتے ہوئے کہاکہ آغاخان ہیلتھ سروس پاکستان صحت کے شعبے میں معیاری خدمات فراہم کر نے کے لئے ایساماحول پیدا کرنا چاہتا ہے۔ جس میں مریض کے ساتھ خلوص اور انتہائی توجہ کا ماحول ہو جس میں ایک مریض اس وقت انتہائی توجہ اور محبت کے جذبات کا محتاج ہوتا ہے۔صحت کے حوالے سے چترال میں آغاخان ہیلتھ سروس کا کردار ہمیشہ نمایاں رہا ہے۔
اس موقع پرایڈیشنل اسسٹنٹ کمشنر لوئر چترال شہزاد،تحصیل خطیب گرم چشمہ مولانارحمت حسین،ای پی آئی کوآڈینٹرڈاکٹرفیاص رومی،آرپی ایم اے کے آرایس پی انجینئرسردارایوب،اسسٹنٹ منیجر کلینیکل پروگرام قدرالنساء،نورالہدایفتالی، انوربیگ،سیدحسین علی شاہ،اکبرشاہ،علاء الدین،گل حسین،لوکل کونسل گرم چشمہ اورپرابیک کے پریذیڈنٹ،ممبرریجنل کونسل یاسمین پناہ اوردیگرموجودتھے۔
چترال (نمائندہ چترال ٹائمز) ڈپٹی کمشنر چترال لویر نوید احمد نے ضابطہ فوجداری 1898کے دفعہ 144کے تحت ڈسٹرکٹ مجسٹریٹ کے لئے حاصل اختیارات کو استعمال کرتے ہوئے 90دنوں کے لئے دریائے چترال میں تیرنے اور تیرنے کی مشق کرنے پر فوری طور پر پابندی عائد کردی ہے۔ ڈپٹی کمشنر چترال کے دفترسے بدھ کے روز جاری شدہ حکمنامے میں کہاگیا ہے کہ دریا میں طغیانی کی وجہ سے دریا میں تیرنا انسانی جانوں کی ضیاع کا باعث بن رہا ہے، اس لئے اس پر پابندی عائد کرنا ناگزیر ہوگیا تھا۔ دفعہ 144کی خلاف ورزی کرنے والوں کے خلاف تعزیرات پاکستا ن کے دفعہ 188کے تحت کاروائی کی جائے گی جوکہ قید اور جرمانے پرمنتج ہوسکتی ہے۔
چترال (نمائندہ چترال ٹائمز) گزشتہ ایک دن کے دوران مختلف واقعات میں دو افراد جان بحق ہوگئے جن میں ایک قتل کا واقعہ بھی شامل ہے جوکہ افغان سرحد پر واقع گاؤں ارندو میں پیش آیا۔ چترال پولیس کے مطابق ارندو کے گاؤں گوڑگال میں ملزم حسین خان نے گاؤں ہی کے عاقب خان پر آتشین اسلحہ سے حملہ کردیا جس کے نتیجے میں وہ شدید زخمی ہوگئے جس پر انہیں ڈسٹرکٹ ہیڈ کوارٹرز ہسپتال چترال پہنچایا گیا جہاں وہ زخموں کی تاب نہ لاکر چل بسے۔ وقوعہ کے وقت مقتول ہل چلارہا تھا جس کا بیل بھی فائرنگ کی زد میں آکر شدید زخمی ہوا جسے موقع پر ذبح کیا گیا۔ ملزم اب تک گرفتار نہ ہوسکا ہے۔
دوسرے واقعے میں چترال دروش روڈ پر واقع گاؤں خیر آباد کے مقام پر موٹر سائیکل اور موٹر کار میں تصاد م کے نتیجے میں زخمی ہونے والا انور خان ولد محراب خان عمر (34سال) ساکنہ کیسو بعد میں ہسپتال میں دم توڑ گئے۔
چترال(چترال ٹائمز رپورٹ) پاکستان تحریک انصاف لوئر چترال کاتعارفی اجلاس پی ٹی آئی چترال کے بانی اور سرپرست اعلی عبداللطیف کی صدارت میں منعقد ہوا، اجلاس میں پی ٹی آئی چترال لوئر کے صدر سجاداحمد خان ۔ صدر لیبر ونگ سمیع اللہ ، جنرل سیکرٹری جمیل اللہ ، جائنٹ سیکرٹری مالاکنڈ ریجن شفیق الرحمان شریک ہوئے ۔ اجلاس سے عبدالطیف ، سجاداحمد ، سمیع اللہ ، آمین الحسن اور جمیل اﷲ نے خطاب کیا ، مقررین نے کہا کہ پی ٹی آئی غریب عوام کی پارٹی ہے ،اور عوام کے بنیادی حقوق کاتحظ ہمارا مشن ہے ۔ہماری بدقسمتی ہے کہ سابق حکمرانوں نے اس ملک کو جس انداز میں لوٹا اس سے ہماری معیشت بری طرح متاتر ہوئی ہے جس کا اثر براہ راست غریب عوام پر پڑا ہے . انہوں نے کہاکہ عمران خان ملکی معیشت کو بحال کرنے کیلئے جو اقدامات اٹھائے ہین انشاء اللہ اس ثمرات بہت جلدعوام تک پہنچیں گے ۔ مقررین نے کہاکہ ہمیں اپنی صفوں میں اتحاد پیدا کرنا ہوگا ۔بعض لوگ یہ سمجھتے ہیں کہ پی ٹی آئی میں اختلافات ہیں حقیقت میں کچھ نہیں پارٹی ضلعی قیادت میں متحد ہے ۔ انہوں نے کہ پی ٹی آئی ایک منظم اور نظریاتی پارٹی ہے ہمارے اکابرین کا فیصلہ ہمارے لئے حرف آخر ہے ۔
چترال (نمائندہ چترال ٹائمز ) چترال میں آج منگل کے دن سے دفعہ 144 کا نفاذ ہو چکا ہے اور اس حوالے سے چترال پولیس نے کاروائی کرتے ہوے چترال کے مختلف علاقوں کے 22 افراد کو گرفتار کیا ہے ۔ چترال ٹریفیک پولیس کی ماسک کے بغیر گاڑی چلانے اور عوام سے اضافی کریہ وصول کرنے پر 225 افراد کو چا لان کیا گیا ۔ ڈی پی او چترال وسیم ریاض نے عوام کو اپنے پیغام میں کہا ہے کہ ڈسٹرکٹ میں آج سے دفعہ 144 لگا ہے ۔ لہذا عوام ماسک کے بغیر گھروں سے نہ نکلیں ۔ خلاف ورزی پر گرفتار ی عمل میں لائی جائی گی ۔
ڈپٹی کمشنر لوئیر چترال نوید احمد کے دستخط سےجاری دفعہ 144کے نفاذ میں کہا گیا ہے کہ بیغیرماسک کے کسی بھی دفترمیں داخلے پرپہلے سے پابندی عائد ہے جبکہ کورونا وائرس سے بچنے کیلئے بین الاقوامی سطح پرفیزماسک کو انتہائی ضروری اوربنیادی قراردی گئی ہے لہذا سرکاری دفاتر، پبلک مقامات، مارکیٹ، شاپنگ سنٹرز، بازار، پبلک ٹرانسپورٹ آڈا اورہجوم والی مقامات پر بیغیرماسک کے داخلہ پرپابندی ہوگی ، خلاف ورزی پر دفعہ 144کے تحت کاروائی عمل میں لائی جائیگی۔ اوردفعہ 144کا نفاذ آج سے ایک مہینے تک نافذ العمل رہیگا۔
چترال( محکم الدین ) کرونا وائرس نے جہاں زندگی کے دوسرے شعبوں کو متاثر کیا ہے ۔ وہاں اس وبا نے سیاحت کو بری طرح نقصان پہنچایا ہے ۔چترال کے کالاش ویلیز سیاحوں کیلئے انتہائی اہمیت کی حامل ہیں ۔ اور یہاں کے ہوٹل سیاحتی آمدنی سے اپنا گزارہ کر لیتے تھے۔ لیکن کرونا وائرس کی وجہ سے کالاش تہواروں کے دوران ہوٹل مکمل طور پر بند رہے ، جس کے باعث ہوٹل مالکان اور ملازمین شدید معاشی مسائل کا شکار ہو گئے ہیں ۔
میڈیا سے بات کرتے ہوئے انہوں نے کہا ۔ کہ 2015 کے سیلاب اور دہشت گردی کے خاتمے کے بعد گذشتہ سال پہلی مرتبہ سیاحت کو ترقی دینے کے حوالے سے حکومت نے اقدامات اٹھائے تھے ۔ اور سیاحت دوبارہ مثبت طریقے سے ترقی کی طرف گامزن تھی ۔ لیکن کرونا وائرس نے ایک مرتبہ پھر سیاحت کو انتہائی خطرناک صورت حال سے دوچار کر دیا ہے ۔ جس کے نتیجے میں سیاحت کے شعبے سے وابستہ ہوٹل مالکان ، ڈرائیورز اور دیگرسٹیک ہولڈرز شدید مالی بحران سے دوچار ہو گئے ہیں ۔ اور ان کیلئے زندگی گزارنا بہت مشکل ہو گیا ہے ۔
انہوں نے کہا ۔ کہ حکومت نے پہلے کی نسبت اب لاک ڈاون میں نرمی کر دی ہے ۔ اور سیاحت کو بھی دوبارہ بحال کرنے کے حوالے سے فیصلے کئے گئے ہیں ۔ لیکن افسوس کا مقام ہے ۔ کہ ضلعی انتظامیہ لوئر چترال حفاظتی اقدامات کے نام پر سیاحوں کو کالاش ویلیز جانے کی اجازت نہیں دے رہی ۔ جبکہ سرکاری مہمان سیاح ، سفارشی اور پسند کے لوگوں پر کوئی پابندی نہیں ہے ۔ مگر عام سیاح جن سے ہوٹلوں کو فائدہ پہنچنے کے امکانات ہوتے ہیں ۔ انہیں دوباژ چیک پوسٹ پر روک لیا جاتا ہے ۔ اور واپس کر دیے جاتے ہیں ۔
انہوں نے معاون خصوصی وزیر اعلی خیبر پختوخوا وزیر زادہ اور ڈپٹی کمشنر لوئر چترال نوید احمد سے اپیل کی ۔ کہ چیک پوسٹوں پر حفاظتی اقدامات پر عمل کرنے کے سلسلے میں ہدایات دینے کے بعدسیاحوں کو کلاش ویلیز جانے کی اجازت دی جا ئے ۔ اور مقامی ہوٹل مالکان و ملازمین اور ڈرائیور برادری کو مزید تنگ نہ کیا جائے ۔ تاکہ غریب لوگوں کا روزگار چل سکے ۔ اگر حکومت ایسا نہیں کرتی ۔ تو ہوٹل مالکان کو ان کے مالی خسارے کی بنیاد پر مدد کی جائے ۔ کہ وہ ہوٹل کرائےاور ملازمین کی تنخواہیں ادا کرنے کے قابل ہو سکیں۔ انہوں نے مطالبہ کیا ۔ کہ دوباژ چیک پوسٹ پر سیاحوں کو روکنے کا سلسلہ ختم کیا جائے ۔
چترال (چترال ٹائمز رپورٹ ) گزشتہ سال گرم چشمہ سے بیوی سمیت چترال آتے ہوئے چترال شہر کے قریب ایک اجرتی قاتل کے ہاتھوں مارے جانے والا جوان وقار احمد کی ماں صابرہ بی بی نے ڈی پی او چترال سے اپیل کی ہے کہ ان کے بیٹے کے قاتلوں کی طرف سے ان کو ملنے والی دھمکیوں کانوٹس لیا جائے جن سے ان کی جان کو دو بیٹوں سمیت شدید خطرہ لاحق ہے جن میں ان کی بہو کے ماموں تاج الدین، چچا مظفر سید اور اور چچا زاد بھائی شاہ خالد ساکنان ڈھوک درہ شامل ہیں۔
چترال پریس کلب میں میڈیا سے گفتگوکرتے ہوئے انہوں نے کہاکہ ضلع دیر سے تعلق رکھنے والے ایک ایم پی اے ان پر راضی نامہ کے لئے دباؤ ڈال رہے ہیں کہ وہ قاتلوں کو اپنے بیٹے کا خون معاف کردے جوکہ ان کے لئے ممکن نہیں ہے اور وہ ان کو تختہ دار پر چڑہانے سے کم کسی بات پر راضی نہیں ہوں گی۔ انہوں نے کہاکہ شرینگل میں بیاہی ہوئی ان کی چھوٹی بہن اور ان کی شوہر کی زندگی کو بھی خطرہ درپیش ہے جنہیں برابر دھمکیاں مل رہی ہیں۔ جب ڈی پی او چترال وسیم ریاض سے اس بارے میں رابطہ کیا گیا تو انہوں نے کہاکہ مذکورہ خاتون نے اپنی شکایت لے کر ان کے پاس نہیں آئی اور نہ ہی اس خاتون کو کہیں سے دھمکیاں آنے کے بارے میں باخبر ہیں۔ انہوں نے کہاکہ چترال پولیس نے قتل میں ملوث بنیادی ملزماں کو تین دن کے اندر اندر گرفتار کرلیا جن کے خلاف عدالت میں کیس زیر سماعت ہے۔ انہوں نے کہاکہ اس کیس میں صلح کی گنجائش اس لئے نہیں ہے کہ اس میں دفعہ 311کے تحت ریاست بھی مدعی ہے۔
دروش( جہانزیب سے ) تجار یونین دروش کے صدر و ضلعی رہنما پاکستان تحریک انصاف حاجی گل نواز نے دروش بازار میں دوکانداراں کو سرجیکل ماسک تقسیم کرکے تاجر حضرات سے اپیل کی ہے کہ SOPs پر عمل در آمد کرکے بغیر ماسک کے کسٹمر کو دوکان کے اندر انے کی اجازت نہ دیں۔ کیونکہ کرونا وائرس کافی حد تک پھیل رہا ہے ۔ہمیں حکومتی احتیاطی تدابیر کو اپنا کر کرونا وائرس کے ساتھ مقابلہ کر سکیں گے۔
مقامی میڈیا سے گفتگو کرتے ہوئے حاجی گل نواز کا کہنا ہے کہ زیادہ ہاتھ دھونے سینیٹائیزر کے استعمال کے ساتھ ساتھ صفائی برقرار رکھنے اور ماسک پہننا کرونا وائرس کی پھیلاؤ کی روک تھام میں نہایت ہی اہم ثابت ہوگا ۔کورونا کے پھیلاؤ کو روکنے کا واحد حل احتیاطی تدابیر اختیار کرنا ہے۔یہ کسی ذات مذہب یا فرقہ میں فرق نہیں کرتا کسی کو بھی ہوسکتا ہے۔آج کی احتیاط کل اپنے کسی پیارے کی زندگی کو خطرےمیں ڈالنےسےبہتر ہے۔عوام اس مشکل صورتحال سے بچنے کیلئے احتیاطی تدابیر اپنائیں۔
چترال کے طول وعرض میں ڈی ایس ایل کیبل بچھانے کے باوجودتاحال انٹرنیٹ کی سہولت میسرنہیں،طلباو طالبات کے آن لائن کلاسز بری طرح متاثر
چترال (نمائندہ چترال ٹائمز) پی ٹی سی ایل نے گزشتہ د وسالوں کے دوران ضلعے کے مختلف علاقوں ایون، دروش سے لے کر اپر چترال کے وریجون، شاگرام، مستوج اور لاسپور تک ڈی ایس ایل کے کیبل تو بچھادئیے لیکن سروس چالو نہ کرنے کی وجہ سے چترال کے طول وعرض میں ہزاروں طالب علم ان لائن کلاسز لینے سے محروم ہیں جن کا انتظام کرونا وائرس کی خطرے کے باعث انٹرنیٹ پر کئے گئے ہیں جبکہ پرائمری سکول سے لے کر یونیورسٹی تک گزشتہ چار ماہ سے بند ہیں۔مختلف علاقوں سے تعلق رکھنے والے طالب علموں نے چترال ٹائمز ڈاٹ کام کے سامنے اپنے مشکلات بیان کرتے ہوئے کہاکہ تعلیمی سال کو بچانے کے لئے حکومتی اور غیر حکومتی تعلیمی اداروں نے ان لائن کلاسز کا اہتمام کیا ہے اور بعض اداروں میں بچوں کو ہوم ورک بھی دئیے اور چیک کئے جارہے ہیں لیکن چترال میں انٹرنیٹ کی سہولت نہ ہونے کی وجہ سے ان کا مستقبل خطرے میں پڑ گئی ہے کیونکہ یہ ادارے اپنے تدریسی شیڈول کے عین مطابق چالو ہیں۔ انہوں نے پی ٹی سی ایل حکام کی انتہائی ناقص کارکردگی پر تشویش اور افسوس کا اظہار کرتے ہوئے کہاکہ اربوں روپے خرچ کرکے مردان سے چترال کے سب سے دورافتادہ گاؤں لاسپور مستوج تک فائبرآپٹک کیبل تو بچھادئیے لیکن ان کو چالو کرنے میں تساہل سے کام لیا جارہاہے۔ جبکہ کیبل بچھانے کی آڑ میں سڑکوں کوبھی تباہ وبرباد کیا گیا مگرتاحال علاقے کے عوام انٹرنیٹ کی سہولت سے محروم ہیں ۔انہوں نے وزیراعظم پاکستان سے اس مجرمانہ غفلت کا نوٹس لینے کا مطالبہ کیا ہے۔
چترال (نمائندہ چترال ٹائمز) زیور گول تورکھو میں غیر قانونی شکار میں ملوث ایک شکاری کو رنگے ہاتھوں شکار کردہ آئی بیکس کی سینگ اور گوشت کے ساتھ گرفتار کرلیا جبکہ غیر قانونی شکار کی دوسری واقعے میں مبینہ طور پر غیر قانونی شکاری شکار کے ثبوت چھپانے اور گھر سے فرار ہونے میں کامیاب ہوگئے۔ وائلڈ لائف ڈیپارٹمنٹ بونی کے رینج افیسر منیر احمد نے بتایاکہ زیور گول میں آئی بیکس کی غیر قانونی شکارکی خفیہ اطلاع پر انہوں نے فوری طور پر کاروائی کرتے ہوئے زیور گول میں غیرقانونی شکاریوں کا پیچھا کیا لیکن وہ موقع سے فرار ہوچکے تھے جس پر انہوں نے مقامی عدالت سے سرچ وارنٹ حاصل کرکے پولیس اسٹیشن شاگرام کے ایس ایچ او قربانی علی اور پولیس کی نفری بمعہ لیڈی اسٹاف واشچ گاؤں کے اقرار الدین کے گھر پر چھاپہ مارا اور ان کے گھر سے آئی بیکس کی سینگ اور 11کلوگرام گوشت برامد کرکے ملزم کو گرفتار کرالیاجس نے بعد میں وائلڈ لائف ایکٹ کے مطابق ایک لاکھ 30ہزار روپے جرمانہ ادا کردی جس پر ان کے خلاف مزید کاروائی نہیں ہوئی۔
انہوں نے کہا کہ اسی گاؤں میں غیر قانونی شکار کے دوسرے ملزم کے گھر پر چھاپہ مارنے سے پہلے انہوں نے شکار کے سینگ اور گوشت ضائع کردئیے تھے لیکن چھاپے کے دوران ان کے گھر میں پریشر ککر سے تقریباً ایک کلوگرام آئی بیکس کا گوشت برامد کرکے لیبارٹری بھیج دیا گیا ہے جس کے بعد ان کے خلاف کاروائی عمل میں لائی جائے گی۔انہوں نے کہاکہ ابراہیم خان غیر قانونی شکار کے ایک درجن سے ذیادہ واقعات میں ملوث رہا ہے جن میں بعض کیسوں میں وہ جرمانہ ادا کرچکے ہیں جبکہ بعض کیس اب بھی عدالتوں میں زیر سماعت ہیں۔ دریں اثناء پولیس اسٹیشن شاگرام نے ملزم ابراہیم خان کے گھر سے غیر قانونی رائفل برامد کرکے ان کے خلاف 15آرمز ایکٹ کے تحت پرچہ چاک کردیا ہے۔ یہ بات قابل ذکر ہے کہ گزشتہ دنوں چترال کے سابق ڈی پی اور تحصیل کونسل کے سابق ممبر محمد سید خان لال نے بھی ایک اخباری بیان میں زیور گول میں غیر قانونی شکار پر تشویش کا اظہار کرکے اس کی روک تھام کا مطالبہ کیا تھا۔
چترال (چترال ٹائمز رپورٹ) چترال پولیس ان ایکشن،ماسک نہ پہننے والے ڈرایورز، پسینجرز ، دوکانداران اور اضافی کرایہ وصول کرنے والے ٹرانسپورٹرز کے خلاف چترال پولیس کی كارروائی
تفصیلات کے مطابق ڈی پی او چترال کے آفس سے جاری شدہ حکم نامے پر ماسک نہ پہننے والے ڈرائیورز ،پسینجرز، دوکانداران اور اضافی کرایہ وصول کرنے والے ٹرانسپورٹرز کے خلاف چترال پولیس نے كارروائی کرتے ہوۓ 552 افراد کو ٹریفک چالان کیا جس میں ان کو 168600 جرمانہ ادا کرنا پڑا۔ اس کے علاوہ مختلف تھانہ جات میں 14 افراد کو ماسک استعمال نہ کرنے پر FIR کیاگیا۔ پولیس کی یہ كارروائی روزانہ کی بنیاد پر جاری رہے گی۔
ڈی پی او چترال نے چترال کے عوام کو SOPs پر سختی سے عمل پیرا ہونے کی ھدایت کی ہے۔ خلاف ورزی کرنے والوں کو بھاری جرمانے اور FIRs کا سامنا کرنا پڑے گا۔
چترال ( چترال ٹائمز رپورٹ ) وزیر اعلی کے معاون خصوصی برائے اقیلتی امور وزیر زادہ نے کہاہے کہ وزیراعلی محمود خان چترال کی پسماندگی کو دور اور اسے ترقیافتہ علاقوں کے برابر لانے میں خصوصی دلچسپی لےرہےہیں۔ چترال سے رکن اسمبلی مولانا ہدایت الرحمان کو تمام ممبران سے زیادہ فنڈز جاری کئے جو چترالی عوام سے وزیراعلی کی محبت کا اظہار ہے۔
ان خیالات کا اظہار انہوں نے گولین وویلی میں سیلاب سے متاثر ایری گیشن کے متعدد بحالی کے منصوبوں کے افتتاح کے موقع پر منعقعدہ تقریب سےخطاب کرتے ہوئے کیا ۔ اس موقع پر پی ٹی آئی کے رہنماء عبداللطیف اور ضلعی صدر سجاد احمد بھی موجود تھے۔ وزیر زادہ نے کہاکہ چترال میں سیاحت اور مواصلات پر خصوصی توجہ دی جارہی ہے ۔اور متعدد منصوبوں پر دو ارب سے زیادہ رقم خرچ کئے جارہے ہیں ۔ انہوں نے کہاکہ چترال سے رکن اسمبلی مولانا ہدایت الرحمان کو دیگر ممبران کے برعکس 13 کروڑ 50لاکھ روپے دئے گئے جبکہ دیگر ممبران کو تین کروڑ پچاس لاکھ دئے گئے یہ وزیراعلی محمود خان کا چترال سے محبت کا اظہار ہے ۔
انہوں نے کہاکہ صوبائی بجٹ میں مدارس اور مساجد کے لئے جو فنڈز مختص ہیں انہیں اگر ممبران میں یکساں تقسیم کیا جائے ۔بمشکل 10 لاکھ فی ممبر ملیں گے ۔ جبکہ وزیراعلی نے مجھے اور مولانا ہدیت الرحمان کو ایک ایک کروڑ دیا ہے جس کا میں وزیراعلی کا مشکور ہوں ۔ انہوں نے کہا کہ گزشتہ دورحکومت میں ہمارے عوامی نمائندوں نے بحالی کی مد میں تمام محکموں کےلئے صرف 15 کروڑ کا فنڈز لائے جبکہ میں نے صرف قلیل مدت میں 40 کروڑ 70 لاکھ فنڈز جاری کروئے ۔انہوں نے گولین کے عوام سے کہاکہ ان کے تمام جائز مسائل حل کئے جائیں گے۔
تقریب سے خطاب کرتے ہوئے پاکستان تحریک انصاف کے رہنماء عبداللطیف نے کہا ہے کہ چترال مزید خوش کن نعروں کا متحمل نہیں ہوسکتا۔ مخلص قیادت ہی قوم کی تقدیر بدل سکتی ہے۔انھوں نے کہاہے کہ یہ ہماری بدقسمتی رہی ہے کہ ہمارے رہنمائوں نے اس قوم کو ہمیشہ اندھیروں میں رکھ کر اسے جان بوجھ کر پسماندہ رکھا جس کاخمیازہ آج قوم بھگت رہی ہے ۔ انہوں نے کہا کہ گزشتہ عام انتخابات میں چترال کے سیاسی مداریوں نے قوم کو جنت میں لے جانے کا نعرہ لگا کر سادہ لوح عوام کو دھوکہ دیا ۔ عوام نے انکا چہرہ اس وقت دیکھا جب یہ لوگ گالم گلوچ اور دھمکیوں پر اتر آئے ۔ ان لگوں کا مقصد صرف یہ ہے کہ خود کا م نہیں کرسکتے اور ہمارے کاموں میں بھی روڑے اٹکارہے ہیں۔
انہوں نے کہا کہ ہمارےایم پی اے اور ایم این اے کی سوئی تبادلوں اور تعیناتوں پر اٹکی ہوئی ہے ۔اب قوم ان سے پوچھے کہ اس علاقے کی بنیادی مسائل کے لئے کیا آواز اٹھا رہے ہیں ۔اسمبلی میں چترال کے مسائل کی بجائے ٹی ایم اے کا تبادلہ ان کی خواہش پر نہ ہونے پر احتجاج کرسکتے ہیں تو کم از کم چترال کا کوئی مسئلہ اٹھاتے ۔ انہوں نے کہاکہ ہماری استدعا پر ایم پی اے کے فنڈز میں سو گنا اضافہ ہوا ۔کیونکہ فنڈز کسی کو بھی ملے وہ انے گھر نہیں چترالی عوام پر خرچ ہونگے ۔ ہماری نیت صاف ہے انہیں بھی اپنی نیتوں کو ٹھیک کرنا ہوگا ۔قوم مزید نعروں سےدھوکہ نہ دیا جائے ۔یہ قوم اب اس کا متحمل نہیں ہوسکتا ۔اب قوم کو بھی ٹھنڈے دماغ سے سوچنا ہوگا۔ انہوں نے کہا کہ گولین ویلی اللہ تعالی کی طرف سے چترال کے لئے ایک تحفہ ہے انشاءاللہ اس ایک علاقے کی وجہ سے پورے چترال کی قسمت بدل سکتی ہے ۔جس کے لئے حکومت اقدامات اٹھارہی ہے ۔ تقریب سے خطاب کرتےہوئے ضلعی صدر سجاد نے کہاکہ گولین کے عوام کے مسائل ترجیحی بنیادوں پر حل کرنے کے لئے قدامات کریں ۔انہوں نے گولین میں ڈسپنسری ۔مسجد کی تعمیر اور ددیگر مطالبات پر کہا کہ وہ ان کی آواز بن کر ان کے حل کے لئے جدوحہد کریں.
تورکہو(چترال ٹائمز رپورٹ ) تحریک حقوق عوام اپر چترال تحصیل تورکھو کی حلف برداری کی ایک پروقار تقریب اتوار کے روز ورکوپ تورکہو میں منعقد ہوئی۔
تقریب میں تورکھو کابینہ اور معززین کے علاوہ تحریک ِ تحفظِ حقوق اپر چترال کی مرکزی قائدین مختار احمد لال صدر،رحمت سلام لال سنئیر نائب صدر،ریٹائرڈ صوبیدار میجر قربان علی صدر تحریک مستوج،ممتاز دینی سکالر اور سنئیر راہنما تحریک سلطان نگاہ، جنرل سکرٹری عبد اللہ جان، انفار میشن سکرٹری تحریک حقوق پرویز لال وغیر خصوصی طور پر شریک ہوئے۔ تلاوتِ کلام پاک سے تقریب کا آغاز کیا گیا۔ تحریک تحفظ حقوق تورکھو کے نو منتخب سرپرستِ اعلی حسین زرین نے نظامت کی۔اس تقریب کی صدارت علاقے کے نامور سیاسی و سماجی شخصیت سابق ضلعی ممبر ریٹائرڈ کیپٹن اکبر شاہ نے کی جبکہ مہمان خصوصی مختار احمد لال تھے۔سنئیر نائب صدر رحمت سلام لال نے نو منتخب کابینہ سے حلف لی۔مرکزی انفارمشن سکرٹری پرویز لال نے جامع انداز میں تحریک کے اعراض و مقاصد اور کرکاردگی بیان کی۔ بعد میں موجود قائدین جن میں رحمت سلام لال، قربان علی،عبد اللہ جان،مختار احمد لال،سلطان نگاہ، سید خان سابق ممبر، محمدافضل،عبد الوہاب،شیر افضل، جلال الدین وغیرہ نے علاقے کو درپیش مسائل کے بارے اگاہی اور ان کے حل کے سلسلے اپنی رائے دی۔ ٓآخر میں متفقہ طور پر ایک قرار دی منظور کی گئی جس کے تحت حل طلب مسائل جلد از جلد حل کرنے کا مطالبہ کیا گیا۔ قرار داد میں ذیل مسائل قابلِ ذکر رہے۔ (۱) یہ کہ تورکھو استارو پُل گرنے کے بعد جو متبادل راستہ بنایا گیا ہے وہ انتہائی دشوار گزار،تنگ اور خطر ناک ہے۔اور کسی بھی وقت ناخوشگوار واقعہ رونما ہونے کا خطرہ موجودہ ہے۔ لہذا روڈ کی ہنگامی بنیاد پر توسیع اور مرمت کی جائے۔ (۲) استارو آر۔سی۔سی پُل کی تعمیر کا کام جنگی بنیادوں پر کی جائے اور روان سال ٹریفک بحال کی جائے۔ (۳) تورکھو روڈ پر کام کی رفتار تیز کی جائے اور میعار کا خاص خیال رکھا جائے۔روڈ کی تعمیر میں مٹیریل کی کوالٹی کا خاص خیال رکھا جائے۔ متعلقہ ادارہ کام کی رفتار اور معیار پر خصوصی توجہ دے۔ (۳) یہ کہ تحصیل کے دفترات موڑکھو منتقل ہونے سے تورکھو کے عوام شدید مشکلات سے دوچار ہے ہر معمولی کام کے واسطے خصوصی گاڑی کرواکر موڑکھو جانا پڑتا ہے لہذا متعلقہ دفترات اگر تورکھو منتقل کرنا مشکل ہے تو تورکھو کے دفترات بونی میں ہی رہنے دیا جائے۔ (۵) یہ کہ لینڈ سیٹلمنٹ کے کام غیر تسلی بخش ہوئے ہیں۔ اور کام ختمی شکل دیکر بند کی جا رہی ہے۔حالانکہ عوامی تحفظات کو دور کرنا اب باقی ہے لہذا متعلقہ محکمہ سے گزارش ہے کہ تور کھو کے ریکارڈ حوالگی سے قبل عوامی تحفظات دور کی جائے۔ (۶) یہ کہ کرونا وائریس کے باعث اس وقت تمام تعلیمی ادارے بند ہیں اور طالب علم برے طرح متاثر ہوئے ہیں۔ حالات کے مطابق دوسرے علاقے کے لوگ آن لائن سہولیات سے استفادہ کر رہے ہیں۔ تورکھو میں نہ موبائل نیٹ ورک کار امد ہے اور نہ دوسرا کوئی نظام ہے لہذا پر زور گزارش کی جاتی ہے کہ یا موبائل کو تھری جی،فور جی کی سہولت دی جائے یا ڈی۔ایس۔ایل کی سہولت علاقے کو دی جائے تاکہ بچوں کی مستقبل تباہ ہونے سے بچ جائے۔۔
تحریک حقوق عوام اپر چترال تحصیل تورکھو کے نومنتخب کابینہ کی تفصیل ذیل ہے
حسین زرین رائین : سرپرستِ اعلٰی جلال الدین ورکوپ: صدر محمد افضل استارو: سینئر نائب صدر شیر افضل خان شاگرام: نائب صدر اول ہارون الرشید ورکوپ نائب صدر دوم ظفر احمد استارو : نائب صدر سوم عبدالوہاب ورکوپ: جنرل سیکرٹری عبدالودود ورکوپ: ڈپٹی جنرل سیکریٹری فضل قادر ورکوپ: سیکرٹری انفارمیشن ہارون الرشید ورکوپ گولاموڑی: ڈپٹی سیکرٹری انفارمیشن غلام اولیاء استارو: کوآرڈینیٹر شیر احمد ورکوپ: ٹرانسپورٹ انچارج محمد حسن ورکوپ: نائب ٹرانسپورٹ انچارج فضل سبحان ورکوپ: جوائنٹ سیکرٹری عبیداللہ ورکوپ: سیکرٹری مالیات اسداللہ رائین: ڈپٹی سیکرٹری مالیات فضل ہادی ورکوپ: سربراہ انتظامی امور اقرار الدین ورکوپ: سربراہ معاونین شامل ہیں۔
اپر چترال (نمائندہ چترال ٹائمز) اپر چترال میں کورونا کے مذید تین نئے کیسز سامنے آئے ہیں تینوں کا تعلق ڈاون ڈسٹرکٹ سے ہے۔ محکمہ ہیلتھ ذرائع کے مطابق اپر دیر سے تعلق رکھنے والے سید محمد اورنواز خان کا کورونا ٹیسٹ رپورٹ پازیٹیو آئی ہے۔ دونوں محنت مزدوری کی غرض سے بونی میں مقیم ہیں۔ اسی طرح ایک خاتون مریضہ ذورم بی بی کا تعلق باجوڑ سے ہے جس کے خاوند بونی میں چکن کے کاروبا ر سے منسلک ہے اورچند دن پہلے خاوند کا کورونا رپورٹ بھی پازیٹیوموصول ہوئی تھی جس کی بنا پر گھر کے دیگرافراد کوبھی ٹیسٹ کیا گیا اور خاتون خانہ کی رپورٹ پازیٹیوموصول ہوئی۔
اس سے قبل اپر انتظامیہ نے دیر اپر سے تعلق رکھنے والے چاردیگرکورونا مریضوں کو ان کے آبائی شہر دیر اپر کیلئے روانہ کردیا ۔ ایڈیشنل اسسٹنٹ کمشنر مستوج معظم خان نے ریسکیو۱۱۲۲ایمبولینس کے زریعے مذکورہ مریضوں گل خان الدین ، زارشاد اللہ، علی رحمن اورحضرت حسین کوبونی سے رخصت کیا ۔
اپر چترال (چترال ٹائمز رپورٹ ) اپر چترال سے کرونا وائرس کے تین اور مریضوں کا تیسرا ٹیسٹ بھی نیگیٹو اگیا۔
ہیلتھ زرائع کے مطابق شمس الضہا ولد عثمان خان سکنہ رائین تورکہو، احسان اللہ ولد خزانہ خان سکنہ کوراغ اور بہادر علی ولد شمس پناہ سکنہ کہوت تورکہو کا تیسرا ٹیسٹ بھی نیگیٹو موصول ہوا۔
شاہ سعود ڈپٹی کمشنر اپر چترال کی ہدایات پر محمد ریاض خان اسسٹنٹ کمشنر مستوج بہمراہ معظم خان ایڈیشنل اسسٹنٹ کمشنر مستوج ، معراج الدین جنرل منیجراے کے ایچ ایس پی آج ہفتہ کے دن ایمرجنسی رسپانس سنٹر بونی میں مذکورہ صحتیاب افراد کو پرتپاک طریقے سے رخصت کیے۔
صحتیاب افراد نے اپنے جلد صحتیابی پر بہت زیادہ خوش دیکھائی دے رہے تھےاور اللہ پاک کا شکر ادا کر رہےتھے۔ انہوں نے ضلعی انتظامیہ اپر چترال،محکمہ صحت اور اغاخان ہیلتھ سروس پاکستان کا ان کے ساتھ بھرپور تعاءون، بہترین سہولیات، معیاری خوراک اور خصوصی نگہداشت پر شکریہ ادا کیا۔
اسسٹنٹ کمشنر مستوج اور ایڈیشنل اسسٹنٹ کمشنر مستوج نے صحتیاب افراد کو ہار پہنائے اورجلد صحتیابی پر انہیں دل کی گہرائیوں سےمبارکباد دی۔ اسسٹنٹ کمشنر مستوج نے محکمہ صحت اور ڈیوٹی پر مامور اے،کے،ایچ،ایس،پی کے جملہ اسٹاف کے خدمات بھی سراہا اور ان کے کورونا کے مریضوں کے ساتھ خصوصی برتاءو و نگہداشت، بہترین اور معیاری خوراک و رہن سہن اور جملہ معیاری انتظامات پر دل کی گہرائیوں سے ان کا شکریہ ادا کیا۔
اپر چترال میں کورونا کے 22 مریض ایمرجنسی رسپانس سنٹر بونی میں زیر علاج تھے ان میں سے اب تک 15 مریض صحت یاب ہوکر اپنے گھروں کو جا چکے ہیں اور 7 مریض زیر علاج ہیں۔آخر میں اس صحتیاب افراد کو ضلعی انتظامیہ اپر چترال کی طرف سے فوڈ پیکچ وغیرہ دیکر ان کو اپنے آبائی گاؤں کی طرف روانہ کردیا گیا۔
چترال (چترال ٹائمز رپورٹ ) چترال پولیس نے بغیر ماسک کے گاڑی چلانے والے حضرات بالخصوص پبلک ٹرانسپورٹ اور بغیر ماسک کے گاڑی میں بیٹھے سواریوں کے خلاف کارروائی کا آغاز کردیا ہے۔
جمعہ کے روز مختلف مقامات پر گاڑیوں کو روک کر ٹرانسپورٹروں اور مسافروں کو ہدایت کی گئی کہ وہ حکومتی احکامات کے مطابق سفر کے دوران ماسک لازمی پہنیں بصورت دیگر ان کے خلاف قانونی کاروائی کی جائیگی۔ ڈی ایس پی ہیڈکوارٹر محی الدین،ایس ایچ اوچترال ، دروش اورٹریفک انچارچ سمیت دیگرعملہ نے مسافروں میں ماسک بھی تقسیم کئے اورسختی سے ہدایت کی کہ وہ کورونا سے بچنے کیلئے ایس اوپیز پر عمل کریں۔
دریں اثنا چترال کے تمام دفترات میں بیغیرماسک کے داخلے پرپابندی عائد کردی گئی، اورباقاعدہ تحریری طورپر لوگوں کواگاہ کردیا گیا ہے کہ انھیں بیغیرماسک کسی بھی دفترمیں داخلے کی اجازت نہیں ہوگی۔
دوبئی (نمائندہ چترال ٹائمز) پاکستان پیپلز پارٹی ابوظہبی کے صدر، ممبر پاکستان ایسوسی ایشن دوبئی اور سابق صدر پیرامیڈیکل ایسوسی چترال نظارولی شاہ نے حکومت سے مطالبہ کیا ہے کہ پاکستان کے ہسپتالوں میں کام کرنے والے ڈاکٹرز، نرسزاورپیرامیڈیکل اسٹاف کو خصوصی حیثیت کے ساتھ مراعات دی جائے کیونکہ وہ کورونا کے خلاف جنگ میں فرنٹ لائن کا کردار اداکررہے ہیں اوردوران ڈیوٹی کئی میڈیکل اسٹاف لقمہ اجل بن چکے ہیں۔
ایک اخباری بیان میں انھوں نے کہا ہے کہ محاذ پر دشمن کے خلاف لڑنے والا سپاہی اورہسپتالوں میں کورونا وائرس کے خلاف لڑنے والے میڈیکل سٹاف دونوں یکسان اہمیت کے حامل ہیں لہذا حکومت وقت سے مطالبہ ہے کہ جومیڈیکل اسٹاف کورونا کے خلاف لڑتے ہوئے جان بحق ہوجائے انھیں شہید کا درجہ دیکر انکے لواحقین کو معاوضہ دیا جائے تاکہ انکے پسماندگان کی زندگی متاثر نہ ہواورجواسٹاف کورونا وائرس کیخلاف برسرپیکار ہیں انھیں خصوصی پیکج بطور رسک الاونس دی جائے۔
چترال(نذیر احمدشاہ) اپر چترال کے گاؤں نشکو سے تعلق رکھنے والے معروف سماجی کارکن اعظم خان نے کہا ہے کہ تحصیل موڑکھو اور تورکھو کو ملانے والا استارو گول جیپ ایبل پل کے گرے ہوئے تین ماہ سے زائد کا عرصہ گزر چکا ہے لیکن ابھی تک اس کی تعمیر کاکام شروع نہیں ہوسکا ہے جس کی وجہ سے تریچ، کھوت اور شاگرام کے تین یونین کونسلو ں کی 50ہزار سے ذیادہ آبادی انتہائی تکلیف میں ہے جن کا ضلعی ہیڈکواٹرز بونی تک پہنچنے کے لئے تین گھنٹوں کی مسافت اور کرایوں میں کئی گنا اضافہ ہوگیا ہے۔ انہوں نے کہاکہ متاثرہ علاقوں کے عمائیدین اولیاء اللہ استارو، جلال الدین ورکوپ، امت نبی شاہ نشکو، حاجی سلیمان شاہ زیزدی، گل احمد تریچ، شیر افضل شاگرام نے متفقہ طور پر فیصلہ کیا ہے کہ اگر حکومت نے مزید تاخیری حربے سے کام لیا تو اس کا انجام اچھا نہیں ہوگا کیونکہ متاثرہ علاقوں کے عوام کی صبر کاپیمانہ لبریز ہوگیا ہے۔ انہوں نے کہاکہ عمائیدین نے احتجاج کے لئے حکمت عملی ترتیب دے دی ہے تاکہ حکومت اور متعلقہ محکمے کی بے حسی کو میڈیا کے ذریعے دنیا کے سامنے لایا جاسکے کہ ایک طرف حکمران بلند بانگ دعوے کررہے ہیں، تو دوسری طرف تین ماہ سے پچاس ہزار عوا م محصور ہوکر زندگی گزارنے پر مجبور ہیں۔ انہوں نے علاقے کے منتخب ایم این اے اور ایم پی اے پر بھی زور دیاکہ وہ عوام کی مینڈیٹ کا احترام کرتے ہوئے ان کے اس گھمبیر مسئلے کے آواز بلند کرے اور اسمبلیوں میں حکومت کو توجہ دلائے۔
چترال ( محکم الدین ) چترال پریس کلب کا ایک تعزیتی اجلاس زیر صدارت میاں آصف علی شاہ کاکا خیل نائب صدر چترال پریس کلب منعقد ہوا ۔ جس میں جملہ صحافیوں اور عہدہ داروں نے شرکت کی ۔ اجلاس میں نوشہرہ کے معروف سیاسی شخصیت پاکستان تحریک انصاف کے رہنما ، ایم پی اے اور سابق صوبائی وزیرایکسائز میاں جمشیدالدین کی وفات پر انتہائی دکھ اور صدمے کا اظہار کیا گیا ۔اور کہا گیا ۔ کہ مرحوم ایک باصلاحیت ،ملنسار سیاسی رہنما تھے ۔ جس کی اچانک وفات سے علاقے کو ناقابل تلافی نقصان پہنچا ہے ۔ اجلاس میں مرحوم کی ایصال ثواب کیلئے فاتحہ خوانی کی گئی ۔ اور سوگوار خاندان سے دلی ہمدردی کا اظہار کہا گیا ۔
چترال (نمائندہ چترال ٹائمز) تیل کی قیمتوں میں حالیہ خاطرخواہ کمی کے بعد ضلعی پرائس ریویوکمیٹی لوئرچترال نے مختلف اشیا ضرویہ و خوردنوش کے نرخوں کا ازسرنوتعین کیا ہے۔ جس کو ڈی ایف سی چترال لوئیرفضل باری نے گزشتہ دن ڈپٹی کمشنر لوئیر چترال کی منظوری کے بعد شائع کردیا ہے۔جو چترال لوئر اور درو ش بازارمیں نافذ العمل ہونگے۔ نئے نرخناموں کی تفصیل ذیل ہے۔
اپرچترال (نمائندہ چترال ٹائمز ) شاہ سعود ڈپٹی کمشنر اپر چترال کے احکامات پر حالیہ پیٹرولیم مصنوعات کی قیمتوں میں کمی کے ثمرات اشیاء خوردنوتش میں کمی کی صورت میں عام عوام تک پہنچانے کے حوالے سے ڈسٹرکٹ پرائز ریوئیو کمیٹی اپر چترال کا اہم اجلاس زیر صدارت محمد عرفان الدین ایڈیشنل ڈپٹی کمشنر اپر چترال ڈی،سی،افس بونی میں منعقد ہوا۔
اس اجلاس میں محمد ریاض خان اسسٹنٹ کمشنر مستوج، معظم خان ایڈیشنل اسسٹنٹ کمشنر مستوج، سب ڈویژنل پولیس آفیسر مستوج، ڈی،ایف،سی مستوج، ٹی،ایم،او مستوج ،موڑکہو/تورکہو تحصیلدار مستوج، اے،ایف،سیز مستوج، موڑکہو/تورکہو، صدر و سیکرٹری بازار یونین بونی نے شرکت کیں۔
تمام اشیاء خوردنوش کا ڈاون ڈسٹرکٹس کے نرخنامے کے ساتھ آئٹم وائز جائزہ لیا گیا۔ تمام اشیاء خوردنوش کی قیمتوں کا تعین کیا گیا اور اے،ڈی،سی اپر چترال نے تمام سٹیک ہولڈرز کو نرخنامے پر عملدرآمد کو فوری اور یقینی بنانے کے حوالے سے احکامات جاری کی۔ تاکہ ان کے ثمرات جلد از جلد عام عوام تک پہنچ سکے۔اے،ڈی،سی اپر چترال نے متعلقہ ڈی،ایف،سی کو کل تک نرخنامہ تیار کرکے تمام ایریاز میں آویزاں کرنے کی بھی ہدایت کی۔
نو ماسک نو سروس اور نو ماسک نو انٹری۔
دریں اثنا چیف سیکرٹری خیبر پختونخوا، کمشنر ملاکنڈ ڈویژن اور ڈپٹی کمشنر اپر چترال کے خصوصی احکامات کی روشنی میں محمد عرفان الدین ایڈیشنل ڈپٹی کمشنر اپر چترال بہمراہ محمد ریاض خان اسسٹنٹ کمشنر مستوج، معظم خان ایڈیشنل اسسٹنٹ کمشنر مستوج اور ربنواز خان تحصیلدار مستوج نے آج بونی بازار، بونی مین اڈا، مختلف عمارتی سرگرمیوں اور میڈیکل سٹورز کا دورہ کیا۔
دورے کا مقصد تمام پبلک مقامات، اڈے،بازاروں، ٹیک اوے ریسٹورنٹس اور میڈیکل سٹورز اور ٹرانسپورٹ اڈوں میں ماسک کے استعمال کو یقینی بنانا تھا۔ دوران انسپکشن متعدد قانون شکن عناصرکو سزا دی گئی اور تمام ٹرانسپورٹرز حضرات، دکاناروں، اڈا مالکان اور میڈیکل سٹورز والوں کو ماسک کا استعمال لازمی اور یقینی بنانے کے حوالے سے سخت احکامات صادر کئے گئے۔ ان سب کو سمجھایا گیا کہ جان ہے تو جہان ہے اور ہم آپ کے جان کی تحفظ کی خاطر یہ سب کچھ کر رہے ہیں۔ لہذا اس امر کو یقینی بنانا ہوگا۔ مذید برآں ٹرانسپورٹرز حضرات کو کرایہ نامہ پر سختی سے عمل کرنے کی ہدایت کی گئی ان کو بتایا گیا کہ سیٹیزن پورٹل اور اے،سی آفس میں متعدد ٹرانسپورٹرز کے خلاف شکایات موصول ہو چکے ہیں ان کے خلاف کاروائی کی جارہی ہے۔
