چترال (نمائندہ چترال ٹائمز) سی اینڈ ڈبلیو ڈویژن چترال کے ایکسئین انجینئر مقبول اعظم نے جمعرات کے روز تورکھو شاگرام اور پرواک سمیت دوسرے متاثر ہ علاقوں کا دورہ کیا جہاں سڑک سیلاب کی وجہ سے ہر قسم کی ٹریفک کے لئے بند ہوگئی تھی۔ انہوں نے پرواک روڈ کو ٹریفک کے لئے کھول دینے کے بعد ہیوی مشینیری کے ساتھ شاگرام پہنچے اور کام شروع کرادیا جہاں ایک پل سیلابی ریلے میں بہہ جانے کی وجہ سے کھوت، ریچ ، واشچ اور اجنو ہر قسم کی ٹریفک کے لئے بند ہوگئی ہے۔ انہوں نے چترال ٹائمز کو بتایاکہ شیشی کوہ روڈ اور شاگرام روڈ کو جمعہ کے دن تک کھول دئیے جائیں گے۔ انہوں نے کہاکہ دونوں مقامات پر ہیوی مشینریاں لگادی گئیں ہیں جبکہ ہم مزید بارش ہونے کی صورت میں بھی کسی ہنگامی صورت حال سے نمٹنے اور مواصلات کے نظام کو بحال رکھنے کے لئے کوشش کریں گے۔

یہ خبر شیئر کریں: